تويت
ماهقيت إن الأمل مسلوب مني
لين شفته بالهجر يعلن وفاتي
من خطاي إني جرحته غصب عني
والقسم بالله ماغيرته مناتي
النوايا صادقة والحسن ظني
والأمانة صنتها وهذي سواتي
لو عيونك تبصر الخافي توني
الندم ياكل خفوقك في سكاتي
كان تجهل منزلك ما هو تدني
فوق هام السحب بأعلى منزلاتي
وإن نزل قدرك حبيبي هو سكني
ارتقى أقصى خفوقي يا حياتي
ودي اسأل ليه مزنك ما روني
وليه وردي ذابلة مع ذكرياتي
للأسف فسرت حبي لعب فني
ما شفع لي حب عندك واعطياتي
قمت أجر الاه قالوا لي تغني
ايه أغني والحزن قبل شفاتي
اتمنى بس لو ما يسفهني
يسمع لالام روحي مع شكاتي
قبل ما ارحل جيت ابرر لك بأني
الخيانة معدمة ماهي بصفاتي
انتبه ارجوك من سهم التجني
قلبي اصغر من سهام المغرضاتي
كان مرك طيف ذكرى وصفني
طيف ذكرك صار ماضي من حياتي
أوراق الخريف
تعليق