تويت
هدية أحباب
يا قلبي اللي يحبك صدق ويصونك
****** يرخص على شانك الدنيا ومافيها
ما يسمع الواشي النمام ويخونك
***** حتى ولو نفترض .. زليت يمحيها
ناهيك .. عن كونك مغطيه بعيونك
***** حتى من الدمع صنته عن مجاريها
تسهر بهمه وهو نايم بمكنونك
***** وجروح ماضيه باحساسك تداويها
واليوم هذا الجزاء.. غرقان بطعنونك
***** هدية احباب حادت عن مباديها
وانته إلى اليوم فيهم تحسن اضنونك
***** وتدور اعذار لجروحك تواسيها
وين الذي قال بانه بيتك وكونك
**** وانه على العهد لو زالت رواسيها
هزته ريح الظنون وزلزل احصونك
***** والعشره اسنين ما والله افتكر فيها
يادوب كذبه .. سمع من ناس يشنونك
***** واراد يقلب على عاليك واطيها
من غير ذرة ضمير اتكون في عونك
***** كنه مبيت لك النيه ونا ويها
ناسي وفاك وغلاك وبارد امزونك
***** ومرووتك يوم زلاته تداريها
لا باس خله يروح ايعيش من دونك
***** وقل حسبي الله باولها وتاليها
واحفظ مباديك وترقب على هونك
***** تشوف الايام تكشف عن خوافيها
ومادام ربي خذل من هم يكيدونك
***** والنار ما تحرق إلا رجل واطيها
لا شفت طيفه رجع يتودد اجفونك
***** قله سلامات .. كم حفره وقع فيها
عبدالله صالح العمري
تعليق