تويت
الكلمة الطيبة منك شفا
مشكلة إن ما تعرف فضل هالأيام الفضيلة
نقسى و نجرح بعضنا و ما نداري كبيرنه
تحلى بالحلم و إرجع للأخلاق الأصيلة
إخوان و أحباب هذي قدوتنا بأخلاق نبينه
إحترم كبيرك بالسن بيوم تكون إنت مثيله
رباك بزمن صعب و جا دورك الحين تعينه
إصفح زلة الصاحب و الأيام لك كفيلة
يعرف خطاه و بصفحك تكبر إنت بعينه
إعمل الخير و لا ترضى بغيره بيوم بديله
يتضاعف الأجر لك ما يضيع ع مدى السنينه
لا تظن إن الغاية تبرر لك بيوم الوسيلة
"كما تدين تدان" مثل و الأيام تدور علينه
\الكلمه الطيبة منك شفا\ للنفوس العليله
لا تقصر بها مثلها تداوي القلوب الحزينه
ينشرح صدرك بها وتكثر من حولك الخليله
تطيب الجروح و عطور تفوح ورد ورياحينه
طبع لسانك على قولها و تكون لك الدليله
لها خير كبير و بفضلها تدب بالقلب السكينه
يربي ربي الصدقات و يجازي الخير بجزيله
للقلوب الصافية جزا و ثواب و كنوز دفينه
يحبونه من حوله و ما ينسون بيوم جميله
يذكروه بالخير و كل (ن)بالطيب يسد دينه
و سلامتكم
---
بقلمي..~
تعليق