تويت
وعدتني يابوي **
يابوي بنتك صابها هم وأحزان
وامست مع دمع المواجع كسيرة
كانك تذكر طفلتك قبل ماكان
يوم الصغيرة في نظرها كبيرة
ان جتك تشكي من غريبين واخوان
قومت عالمخطين دعوة وسيرة
وعدتني يابوي والوعد له شان
الدمع ماينزل بخد الأميرة
أبشرك دمعي على خدي ألوان
وفي داخلي كنز الهموم المثيرة
ياليتني يابوي ما شفت خلان
ولا كان لي مثل البنيات غيرة
وياليت قبل ألقاه لامست الأكفان
أرحم من اللي في خفوقي وغيره
يبيع قربي واشري بغالي أثمان
قربه وهو بالأمس بايع ضميره
ليته درى اني تحملته ازمان
حملي عظيم وزاد خط المسيرة
وليته يشوف اني تجرعت حرمان
ويشوف كسر القلب ماله جبيره
كظمت غيظي ما أواريه الأعيان
ومابين جنح الليل أطلقت طيره
يبوي مامثلك بهالعالم انسان
واللي جرح بنتك بيلقى مصيره
ابنتك/ أوراق الخريف
تعليق