تويت
عزي لمن قلبه عليل ومجروح
وعزي لمن همه سرى به وعناه
ذكراي ظلم وحاضري ضيم وجروح
واصعب أمل بيت السعادة ومبناه
اخفي شعوري والنكد فيه مفضوح
لو جف دمعي جابه الوجد ينخاه
ياجرح تكفى وش بقى راحت الروح
ياجرح غابت فرحتي وين ابلقاه
ياما بكيت وطال ليلي مع النوح
وياما من التعذيب عشت المعاناه
أرفق علي ياجرح ياجرح مطروح
من لي زمان بياس عايش مع الاه
أمشي بهالدنيا على غير مصلوح
وقلبي يلوفه زايد الهم ويلاه
همي عشيري صاحبي وين ما اروح
ما به طبيب معالج غير رحناه
قالوا قدر مقسوم لازي مع الروح
قلت ارحموا هاتوه وش هو وش دواه
قالوا تعذب طول عمرك ومسموح
لو نحت لو عانيت عمرك بلياه
عمر بن عبدالمحسن
تعليق