رد: رواية يا حظي فيك يوم اختاروك لي للكاتبة:ملاك’,

البارت الثاني

*
*
*
*
وراحت غسلت ايدها وتوجهت للمكتب دقت الباب
ابوخالد:ادخلي
دخلت هديل وجلست بالكرسي الامام مكتبه
ابوخالد:هديل انتي طبعا تعرفين اني مو ابوك الحقيقي وانك مثل بنتي صح
هديل بحزن:صح واهلي مثل ما قلت انهم ماتوا
ابوخالد نزل راسه:ايه
ورفع راسه :هديل انتي كبرتي ماشاءالله وصرتي عروسة وصرتي بعمر الزواج والصراحة ابيك لولدي خالد اولا لانه اولى من الغريب وثانيا عشان كلام الناس لاني ما ارصى الناس تتكلم عنك بسوء بما انك ساكنة معنا وخالد مو محرم لك ابيك تكونين زوجة ولدي لا تقرري بسرعه ابيك تفكرين زيين
هدييل انصدمت وبنفس الوقت استحت مو مستوعبه الي يصير:يبا خالد هو الي جا بنفسه خطبني ولا انت الي قلت كذا
ابو خالد يدري لو قال انه هالقرار هو الي اخذه بترفض هديل عشان كذا قال:لا خالد بنفسه طلبك
هديل مو مصدقه وبعدها قالت:انشاءالله يبا انا موافقه دامك موافق
ابو خالد حضن هديل :يا بنتي مو مصدق بشوفك عرووسة
هديل دمعت عينها بفرحه تمنت لو اهلها الحقيقين يشاركوها هالفرحه
راحت هديل لغرفتها ونزعت الصندل وجلست بالسرير سرحانه بخالد
**
نزل خالد من على الدرج وشاف ابوه طالع من المكتب
ابوخالد:خالد تعال ابيك بموضوع
خالد رفع حواجبه بإستغراب وراح لمكتب ابوه:ها يبا وش بغيت
ابوخالد:ابيك تتزوج هديل
خالد وعلامات الدهشه بوجهو:يبا انت تمزح منجدك!!!!
ابوخالد بحزم :لا ما امزح انت برأيك هالمواضيع ينمزح فيها المهم بعد اسبوع ابيك تملك على هديل
خالد متفاجئ:ها بس انا مو موافق
ابوخالد:ومين قال اني انتظر موافقتك بتتزوجها رضيت ولا ما رضيت
خالد قام وبعصبيه:واذا ما وافقت وش بتسوي
ابوخالد بحدة:لا انت ولدي ولا انا ابوك
خالد اهم شيء بحياته رضى ابوه فوافق عشان ما يتبرا منه:طيب موافق
**
طلع خالد من البيت معصب وشغل سيارته ومشي وشاف الشاشة منورة بإسم نورة
خالد ما رد ولما شاف اصراراها بالاتصال رد
خالد:نعم
نورة:خالد انا اشتقت لك حيييييييييييييل ليه ما عدت تكلمني لييييش
خالد بحدة:بكيفي هو غصب اني اكلمك وخلاص لا عاد تكلميني باي
سكرا الجوال بعصبية ورما جنبه وتوجه لبيت راكان اتصل عليه
راكان:هلا خويلد
خالد:تعال برا انتظرك
قفل الجوال وحطه بجيبه وجا راكان ودخل جنبه بالسيارة
راكان:وشفيك معصب
خالد بسخريه على نفسه:ابوي يبي يزوجني البنت الي اعتبرتها اخت لي في البيت
راكان:اها تقصد هديل
خالد:ايه وانا مو موافق وبيزوجني غصب عني
راكان:افا وليش معصب في بنت ثانية ببالك
خالد:لا بس مو وقت زواج ومسؤلية توني خليني اعيش حياتي
راكان:اها الله يعينك اجل
**
بغرفة ام خالد وابو خالد
ام خالد:انت منجددك بس احنا قلنا بنخطبه لبنت عمه أسماء وشفيك غيرت رأيك
ابوخالد:بس انا اشوف من مصلحته يتزوج هديل عشان مابي اعطيها لواحد غريب لانها امانه عندي
ام خالد بعصبية:بس لا تنسى انه ام محمد اختي لو درت بتزعل مني لانه خالد كان لأسماء فجأة مادري وش غيرك وقلت خالد لهديل بس انا ما اشوف انه بينهم توافق
ابوخالد:انتي لو تفاهمت معك من اليوم لبكرة ما تفهمين الكلمة الي اقولها
طلع من الغرفة ومن البيت بكبره
**
ببيت ابومحمد العايله مجتمعه بالصالة جاء اتصال لام محمد
ام محمد:يا هلا والله بأختي ام خالد شخبارك وشخبار خالد وفتون وهديل
ام خالد:الحمدالله تمام كلهم بخير
ام محمد:دووم انشاءالله
ام خالد:افنان اختي انا اسفه تذكرين لما قلتي خلي خالد ياخذ بنتك وانا وافقت بس ابو خالد قال يبيها لخالد وتعرفين هو اذا قال شيء لازم يصير اسسفه مرا واعتذري لبنتك اسماء
ام محمد:ها وش تخربطين انتي يعني خلاص خالد ما بيتزوج اسماء
ام خالد بتردد:ايه
ام محمد:استغفر الله ابدا ما توقعتك كذا تقولين كلام ولا يصير (وبسخرية)يا اختي العزيزة
ام خالد اغلقت الجوال معصبه
**
هديل قامت من سريرها ولفت حجابها وتوجهت غرفة فتون
هديل جلست بالكنبة غرفتها
هديل:فتون
فتون:هلا
هديل:ابوي قال انه خالد خطبني
فتون اعتدلت بجلستها ورفعت راسها من الجوال:ننصابه
هديل:والله اتكلم جد
فتون حضنتها:مبروووك يا اختي الله يتمملكم على خير والله جد فرحتلك
هديل:الله يبارك فيك
فتون:ايه متى الملكة
هديل:مدري ما سألت
فتون اتصلت على ابوها:هلا يبا كيفك
ابو خالد:هلا بنتي تمام وانتي
فتون:الحمدالله ايي يبا متى ملكة هديل وخالد
ابو خالد:بعد اسبوع اشوفك عرفتي اكيد هديل قايله لك
فتون:ههه ايه لازم تقولي لو سمعت من غيرها انه خالد تقدم لها كان ضربتها براسها بالجوال
ابو خالد:هههههه يلا الحين مشغول مع السلامة
فتون:مع السلامة
فتون:بعد اسبوع يلا جهزي نفسك بنروح السوق
هديل:الحين
فتون:لا بعدين وشرايك يعني يلا روحي البسي
هديل قامت بسرعه ركض لبست العبايه والطرحه ونزلت تحت وحطت النقاب خالد دخل
خالد ببرود:على وين رايحة
هديل استغربت اسلوبه الغريب :السوق ليش السؤال
خالد بحدة:المرة الجاية اذا بتطلعين استأذني مني وأظن أنه رقمك عندي
فتون سمعت الحوار وهي نازلة بالدرج:خالد وشفيك عليها انا قلت لها نروح السوق ندور فساتين للملكة
خالد التفت لفتون:بس انا زوجها المستقبلي ولازم تستأذن اذا تبي تطلع وتدخل
هديل قررت تقهره:لا ماني مستأذنه منك و لما تصير زوجي رسمي وقتها بستأذن (ومشيت بتطلع بس خالد مسكها من زندها )
خالد:ها عيدي شقلتي
هديل بنظرات تحدي:اظن انك سمعت الي قلته وما عندي شيء ثاني اقوله
وطلعت وفتون لحقتها
خالد( هين يا هديل دامك تتحديني بوريك وجهي الثاني الي ما شفتيه )وطلع لغرفته
**
بالسيارة
فتون:وشفيه خالد كذا صاير غرييب
هديل:مادري يا فتون تغير صار انسان ثاني
وصلو السوق
هديل:خلاص مابي انزل
فتون:وشفيييك هديل خلاص انسي الي صار
هديل:انا مو ميته عليه دامه ما يبيني ليش يخطبني
فتون:ومين قال انه ما يبيك
هديل:واضح من اسلوبه الخايس انه ما يبيني
فتون:يلا هديل خلينا ننزل عشان خاطري
هديل:طيب يلا بس عشان خاطرك بنزل
نزلوا السوق وكانوا يلفون حول المجمع من محل لمحل
فتون:شوفي هذا الفستان الاحمر والله مرا يجنن ويناسبك
هديل:ايه والله خلاص باخذه
راحوا لقسم الحساب وبعدها طلعو وفتون اشترت لها فستان ذهبي فاتح
فتون:اه واخيرا خلصنا
هديل:ايه يلا خلينا نرجع للبيت
**
اسماء وصل لها الخبر دخلت غرفتها وجلست تبكي وتلعن بهديل وهي كانت حاسه بالبدايه وبالفعل صار الي ببالها الي خايفه من انه يصير وفتحت الجوال واتصلت بشخص
....:هلا حييياتييي اسوووم كيفك
اسماء:مو بخير ابي منك مساعده
....:تأمرين امر بس وشوو
أسماء:....
**
مر أسبوع وجا اليوم المنتظر يوم ملكة هديل بغرفتها تمكيجها الكوفيرا وسوت لها تسريحة هادية وما حطت لها كريم اساس لصفاوة وجهها ولعدم وجود حبوب او أي شي لانه وجهها صافي وحطت روج احمر على لون الفستان وخلصت وجات لها فتون ومعها كتاب التوقيع
فتون بإبتسامه يلا وقعي
اخذت القلم وايدها ترتجف ووقعت بسرعه
فتون:سلمت عليها:مبرووووك حياتي الله يسعدك مع خالد
هديل بإبتسامه:الله يبارك فيك قلبي
فتون غمزت لها:يلا حبيبتي خالد ينتظرك تحت وبعد ما تخلصي تعالي للمجلس الكبير الي بنجتمع فيه
هديل:لا مابي اشوفه
فتون:لا يا هديل لازم تشوفينه يمكن يتغير ويرجع خالد الي نعرفه لما يشوف شكلك
هديل بتوتر:طيب
نزلت بالدرج الطويل بالكعب الفضي كانت تمشي ببطئ وكل ما تقرب قلبها يدق بقوة دخلت المجلس الي فيه خالد وجلست على ابعد كنبه
خالد اول ما شافها انبهر بشكلها وبجمالها وهي كانت منزله عينها بالارض لانه مفهي فيها وبعدها قرب وجلس جنبها وببرود:ليه جالسه بعيد عني
هديل رفعت عينها(الحين بدال ما يقول مبروك يسأل ليه بعيده عنه):لاني ما شفتك
خالد:نسيت ابارك لك مبروك
هديل بنبرة توتر:الله يبارك فيك
خالد ما تحمل شكلها قرب وقرب حتى لامست شفته شفتها كان شعور غريب وهي بادلته وبعدها وبسرعه بعد عنها
هديل خدودها صارت الوان حطت عينها بالارض
خالد ابعد شعوره الغريب وبحدة:ترا انا ما اتزوجتك عشان سواد عيونك انا تزوجتك عشان ابوي غصبني عليك يا مدام هديل
هديل انصدمت من ردت فعله(ليه يا يبا كيف تسوي فيني كذا كيف تقولي انه خالد هو الي طلب منك)
خالد اكمل:احنا بنبين للناس اننا سعيدين وعايشين حياة سعيدة بس بالحقيقة لا اتفقنا يا هديل؟
هديل انصعقت وناظرته بأستغراب ونطقت بصعووبه:انت انت (وما اكملت لانها كانت بتقول كلمة سيئة وهي ما تتحمل تسبه لانها ولا مرا سبته فألتزمت الصمت )
خالد:انا ايش
هديل ما ردت سفهته وقامت بتطلع سحبها خالد وجلسها:ها اتفقنا ولا لا
هديل وللمرة الثانية سحبت يدها ودفت يده وطلعت فوق بركض دخلت غرفتها وبكيت وبكيت خرب مكياجها وقامت وقفلت الباب وجلست ترمي كل شيء حولها وجلست بالكنبة تبكي :اكرهك اكرهك سخيييييييييييييييييييف ما احببببببك
وكانت تبكي وتبكي بصوت عالي
**
وئام:فتون وين هديل طولت
فتون يمكن مع خالد
وئام بخبث:طيب روحي شوفي من بعيد من المجلس وش جالسين يسووو
فتون:ههههه انشاءالله
قامت وراحت وشافت المجلس فاضي واستغربت وطلعت لفوق لغرفة هديل
وفتحت وكان الباب مقفل وتدق ما ترد عليها هديل وتدق بقوة:هدييييييل ردي لا تخوفيني عليك وش فيييييك
هديل بعصبية:مابي احد روحوا رووووووحوا عنييي
فتون:هاذي انا يا هدييييييل الله يخليييك افتحي الباب افتحييييه
قامت هديل وفتحت وضمتها فتون وراحت الحمام غسلت وجهها(بوريييك يا خالد بكرهك بعيشتك مثل ما كرهتني بعيشتي بتشوف بتشوف) طلعت من الحمام
فتون:هديل وشفيك
هديل:ما فيني شي (وراحت للتسريحة وحطت لها مكياج )
فتون:هديل وشفييك اذا ما فيكي شيء ليش قفلتي الباب وجلستي تبكين
هديل:لا بس تذكرت اهلي وبكيت مو شيء ثاني
فتون:اكيييد يا هدييل مافي شي ثاني
هديل:ايه اكييد
**
انتهى البارت

رد: رواية يا حظي فيك يوم اختاروك لي للكاتبة:ملاك’,

البارت الثالث - الجزء الاول

*
*
*
*
*
اشرقت الرياض صباح كان صباح اجازة واقترب زواج وئام واحمد وزواجهم نهاية هذا الاسبوع بالقصر ابو خالد بغرفة هديل حطت مكياج خفيف ولبست بلوزة نص كم عليها صورة ارنب ولون البلوزة بنفسجي وبننطلون اسود وتركت شعرها الكيرلي منسدل ومفرود ونزلت لتحت وكانت تمشي وهي تناقز مثل الارنب وشافتها فتون
فتون:ههههههههه وشفيك صايرة مثل الارنب هههههه
هديل:الحريييه حاسه اني حره ههههه
فتون:ايه والله لاحظت صرتي حرة لانك زوجة خالد
هديل تضايقت لما جابت سيرة خالد والتفتت لها انا بروح الحديقة بتمشى تجين معاي
فتون:لا وئام الخبلة تبي تقولي السالفه الي صارت بينها وبين احمد توها تذكرت بروح اكلمها ورارجعلك
هديل:اوكي
وراحت للحديقة تتمشى ودخل خالد وشافها جالسه هناك بعيده عنه اول مرا يشوفها بهالمنظر اقترب منها وقال ببرود:اشووفك صايرة ناطة بكل مكان بالبيت
هديل التفتت له وبحدة:ايه بكيفيي عندك مشكلة ولا لا تقول عشان صرت زوجتك وتبيني استأذن وين ما اروح بالبيت
خالد:ايه استأذني عندك مشكلة
هديل:ايه عندي مشكلة ليش تتدخل فيني دامك ما تبيني زوجة لك
خالد تذكر كلام امس وابتسم بسخرية:أعتقد انه كلام امس مأثر عليك
هديل:انت شخص مغرور مدري على ايش شايف نفسك
خالد جلس جنبها بالحديقه وضغط على يدها بقوة:انتبهي لكلامك احسن لك
هديل تحاول تسحب يدها بس و مانعها:اي اترك يدي اتركها
خالد تركها:على فكرة جيت اقولك بإنه زواجنا بعد اسبوعين جهزي نفسك
هديل ناظرته بكره وحقد:بس اسبوعين ما تكفيني
خالد قام من الكرسي:الا تكفيك وغصبن عنك فاهمة
وراح متوجه لغرفته
هديل:مالت عليه حسبي الله ونعم الوكيل
**
ببيت ام محمد المتواضع بغرفة وئام
وئام:احمد لازم اسكر امي لو شافتني اكلمك بتسحب جوالي
احمد:ليش انا زوجك
وئام:بس زواجنا قرييب ما يصير تكلمني عشان تشتاق لي على قولت ماما
احمد:طيب حبيبتي انتبهي لروحك مع السلامة
وئام:سي يو
**
اسماء اتصلت على نفس الشخص
...:هلا اسووم
اسماء:نفذت الي قلتلك عليه
....:ايه سويت كل شيء بس متى أي يوم بالضبط ننفذ الخطة
أسماء:قرييب لما يجي يوم زواجهم بنفس اليوم تسوي الخطة فهمت
....:ايه ادري بس متى
أسماء:بعد اسبوعين
...:ابشري باللي تبينه باي حياتي
اسماء:باي
اغلقت الجوال (بتشوفين شي ما شفتيه بحياتك يا هديلووه والله ما اخليك تتهني بحياتك طول ما انا عايشة )
**
بنصف الليل في مكان اشخاص يتبعون الشهوات ... بالاستراحة كانوا في حفلة واصوات المووسيقى ورقص البنات والشباب كان بينهم راكان بس ما كان معهم كان جالس بزاوية بعيدة شوي جالس يدخن جاته بنت تتميع بمشيتها...
...:راكان وشفييك جالس لحالك هنا
راكان:ما فيني شيء بس مابي اسمع الموسيقى لانها تصدع راسي
....:طيب تجي معاي بالغرفة
راكان يلعب بالسيجارة بأصابعه:لا مابي ولا بعد اليوم اسوي هالاشياء
....:بسم الله عليك وشفيك تغيرت امس قايلي انك تبي تجي معاي وش صار
راكان:ما صار شيء بس مالي نفس مابي غير اجلس لحالي ومابي احد حولي
...:طيب حبيبي لو فيك شيء قولي
راكان:انا مو حبيبك و(بسخرية)تعرفين الزبالة
البنت بغباء:ايه وشفيها
راكان:انتي ابشع واوصخ منها
البنت عصبت وبعدت عنه
قام راكان وتوجه لسيارته وتوجه لبيته
**
بغرفة الطعام الكل يتعشى وبعدها قاموا الكل الا خالد وهديل وهديل كانت بتقوم
خالد:اجلسي ابي اقولك شيء
هديل بملل:نعم خيير وش تبي
خالد بحدة:عدلي اسلوبك لا اعطيك كف
هديل لا ما بعدله
وقامت من الطاولة وكانت بتطلع من الغرفة بس خالد مسكها بيدينه ولصقها بالجدار وانفاسه صارت تختلط مع انفاسها :هدييييييل لو ما عدلتي اسلوبك بوريك شيء ما شفتيه بحياتك
هديل خافت من قربه لها بس ما بينت:خالد بعد عني
خالد:واذا ما بعدت وش بتسوي
هديل تحاول تفك يدها منه بس ما نفع وبعدها خالد بعد عنها وتركها وراح لغرفته
هديل:سخيييييييف
قامت تركض بسرعه لغرفة فتون
هديل:ليه رحتي وتركتيني
فتون:ا.... الصراحة خالد أشر لي بعيونه عشان بيكلمك بموضوع
هديل:حتى ولو المفروض تنتظريني
فتون بفضول:وش صار
هديل:ولا شيء
**
مر اسبوع وبنهاية هذا الاسبوع يوم الخميس زواج وئام واحمد بغرفة المكياج
فتون:ريلاكس يا وام ريلاكس استرخي اتطمني كل شيء بخير
وئام:بس والله خايفه
هديل:مافي شيء يخووف هي زفة عادية كلها خطوات وتوصلي للكوشة وابتسمي وانتي تمشي
اسماء جات مسرعه:وئام ماما تقول يلا الحين انزفي
فتون وهديل طلعوا للقاعه وانحطت موسيقى ومشيت عليها وئام حتى وصلت للكوشة وهي مبتسمة
فتون وهديل:الف الصلاة والسلام عليك يا حبيب الله محمد كلللللويش
وبعدها طلبو منهم يتغطون عشان العريس بيدخل
احمد دخل ومشية عادية مو زفة ووقفت وئام وباس راسها ولفوا لجهة التصوير مبتسمين ووئام متوترة وقلبها يدق بقوووة من الخوف والتوتر ومسك ايدها احمد وانزفوا ودخلوا الغرفة الفندق
احمد بجراءة:حبيبتي تسمحيلي اليوم ألمسك
وئام استحت لدرجة ما تكلمت وبعدها نطقت بصعوبة:لا حموود بعدين لما نسافر الحين مابي
احمد:براحتك
وراحت اخذت شور ولبست قميص نوم وردي فاتح طويل من اكمام وحطت راسها عالمخدة ونامت واحمد ابتسم على شكلها وانسدح بالسرير واخذها لحضنه ونام ...
**
بالقاعة الزواج
فتون:اممم هدييل
هديل التفتت عليها:هلا
فتون:السيارة ما تكفي لانه خالتي وبنتها بيجون معنا فأنتي كلمت خالد عشان يجي ياخذك
هديل:ايييش مابي اركب وياه لحالي تجين معاي او تروحين وياه وانا مع سيارتنا
فتون:بس هو زوجك مو غريب عليك
فتون اخذت حبه من وردات الحفل ومدتها لهديل:خذيها واعطيها لخالد صدقيني بيفرح
هديل:ههههههههاي خخالد بيفرح هههههه لا لا قوووية صراحة انتي الي اعطي له انا مستحييل
فتون:مالت عليك وعلى وجهك الشرهة مو عليك الشرهة على اللي يفكر يساعدك
جاء خالد وسيارة السواق قدامه
طلعوا البنات من القاعه
وهديل بتقهر خالد راحت سيارة السواق وركبت وراه خالد انقهر من حركتها طلع من السيارة وفتح الباب ومسكها من كتفها وقومها ودخلها جنبه
هديل:ليه انشاءالله ماخذني
خالد:انا كم مرا اقولك انو لازم نثبت للعالم انو احنا مع بعض
هديل بسخرية:ههههههه مع بعض اجل
خالد بحدة:احذرك للمرة الاخيرة لو استهزأتي او قلتي كلمة خلتني اتنرفز بتشوفي شي مو طييب
هديل خافت من صوته الي يدل بإنه معصب وممكن يضرب من دون ما يحس فألتزمت الصمت طول الطريق وخالد حس بأنتصار فأبتسم من غير شعور وهديل ما لاحظت ابتسامته ولا اهتمت غير الطريق من بيته لمكان ثاني هنا هديل خافت
هديل:خالد وين رايحين
خالد:اممم بعدين تعرفي
هديل خاييفه وطول الطريق ساكتين وصلو للبحر
خالد أشر بأصبعه للبحر:شفتي هالبحر
هديل تناظره وكل علامات التعجب بوجهها
خالد:هذا المكان لما اكون متضايق اروح له
هديل بسخرية غير مباشرة:واو شيء حلوووو
خالد فهمها انها تستهزأ بس طنش عشان ما تنفجر اعصابه
خالد:تبين ننزل
هديل:لا ظلام وحر ورطوبة خلينا بالسيارة احسن
خالد بإبتسامة:اوكيه براحتك
هديل(اول مرا يكون حنون وعفوي ياليته كذا دايما )
خالد:هدييل هديل
هديل كانت مفهية:ها
خالد:وين رحتي
هديل:بعالمي الخاص
خالد بضحكة من قلب:ههههه أي عالم الله يهديك
وبعدها شغل السيارة وتوجهو للبيت وبعد ما قفل السيارة نزلت وركض لغرفتها باقي اسبوع على زواجهم وبهالاسبوع فتون وهديل رايحين من سوق الى سوق عشان الاغراض الزواج وبعد مرور اسبوع من التعب جاء يوم المنتظر والزواج بيكون ببيت ابو خالد لانه كبير ووسيع ومناسب بالغرفة ملاك الكبيرة الواسعه فيها الكوفيرات يسوون شعر لفتون وملاك واسماء مو معاهم مع ام خالد وام محمد بكوفيرا خارجية ووئام مسافرة بشهر العسل
فتون وهي ماسكة الجوال تقرأ مسج من الواتس اب والتفتت لهديل:هديل وئام تسلم عليييك وتقووول مبروك علييك والله يسعدك
هديل بمزح:قوليلها ببيفوتك اليووم خليها تندم لانها ما جات ههههه لا امزح امزح
فتون:هههه بعد ايش خلاص ارسلت
هديل:يالدووبه ليه ترسليلها
فتون:هههه هي تدري انك تمزحي لا تشيلي هم
هديل:ايه الحمدالله
وبعد ما خلصت من المكياج والتسريحة لبست الفستان كان ماسك من فوق ومنفوش من تحت طبعا لونه ابيض وتاج فوق راسها ملفوف عليه الطرحه البيضا وطلعوا الكوفيرات بعد ما خلصوا
فتون:واو شكلك جمال وتحفففه يا هديل والله صايره اميرة من الاميرات
هديل ابتسمت:يحق لي مين قدي ههههه
جوو المصورات واخذت فتون صورة مع هديل
فتون:هديل يلا انا طالعه للمجلس الي فوق خليك هنا عشان خالد بيجي يتصور معاك
وجا خالد ناظر في هديل بنظرات طوييله بإعجاب بشكلها وفجأة صار عادي وكأنه مو مهتم لشكلها وقرب واقف جنبها طبعا في فرق بالطووول هدييل قصيرة وخالد طوييل وبدأت المصورة تطلب منهم حركات خالد ما يبي يخلي هديل تحس انه يبي يسوي هالحركات فا يسوي نفسه مجبور وهو من داخله سعيييد مرا باللي يصير وبعد تصوير لمدة نص ساعة جات فتون لهم عشان تخبرهم ينزفوا الحين وأغلقوا كل الانوار وخلو لمبه عند كوشة ولمبة وهم يمشووو تمشي معهم وأسماء مبتسمة ابتسامة غريبة حتى فتون مستغربة بس ما اهتمت
جلست هديل عالكوشة وبعدها خالد وبعدها همس بأذنها:كلميني بأذني عشان يحسبونا نقول كلام غزل وما يشكوا فينا
هديل:وش اقول
خالد:أي شيء يخطر ببالك
هديل جات ببالها فكرة وابتسمت للناس وقالت بأذنه:تدري انك سخييف
خالد:وتدرين انك تافهة
جات ام خالد:مبروووك ولدي منه المال ومنكم العيال
خالد باس راس امه:الله يبارك فيك
وجات هديل باست راس ام خالد
ام خالد:بوخالد يبيكم قدام القاعة ينتظركم برا
طلعوا وكان ابو خالد برا ولمن شافهم باس راسه خالد وباست راسه هديل
ابو خالد:مبروووك يا بنتي ويا ولدي الله يسهل عليكم طريقكم وتوصلوا بالسلامة
خالد بإستغراب:ليش بنسافر
ابو خالد:ايه وخذوا هاذي التذاكر للندن يلا رحلة سعيدة مع السلامة
خالد:بس ... ما اعطا له مجال يتكلم لانه راح ركبوا ورا السواق ووصلوا المطار وشافوا الشنط مجهزة من فتون جهزتها سوتها مفاجأة هي وابوخالد ونزلوا من السيارة وهديل ساكته تمشي وهي ساكته
ركبوا الطيارة بصمت وهديل جلست جهة النافذة وخالد جنبها اقلعت الطيارة وبدأت ترتفع عن الارض حتى صارت متوازنة فوق وجابوا الاكل لهم ووصلوا للندن ونزلوا الركاب من الطائرة وكان خالد ماسك يده بهديل وكل ما تسحبها يرجع يمسكها وما يبي يتكلم عشان ما ينفضح قدام العالم ووصلوا للبيت الخاص بأبوخالد بلندن اننبهرت هديل بالمنظر كان راقي مرا تصميم تحفه كان المكان مثل المتحف تصميمه واضح من هيئته انه للناس الاثرياء دخلت وهي تتأمل الحديقه الواسعه والنافورة والمويه الي تترشرش لفوق وتنزل لتحت كان منظر خيالي وممتع التأمل فيه وجوو خدامات بيريطانيات رئيستهم سورية
لانا:اهلا وسهلا استاز خالد كيفك ومين هالحلوة الي معك
خالد ابتسم لها بأدب:الحمدالله بخير وهاذي زوجتي
لانا:اوووه اختيارك صحيح يا استاز مرا حللووووه زووجتك
خالد:تسلمي لانا اطلبي لنا من المطبخ فطور
لانه جاء الصباح لما وصلو
هديل راحت لفوق وخالد لحقها:انتظري انتظرري لويين رايحة حضرة جنابك
هديل:لأي غرفة بعيدة عنك
خالد:تعالي الحقيني
مشي وراح لغرفة متوسطة الحجم وفيها سرير لشخص واحد وشكلها راقي والوانها هادية:هاذي غرفتك
هديل دخلت ودخلت شنطتها الكبيرة والصغيرة معها وكان خالد بيدخل الا قفلت الباب بوجهوو
خالد:هي انتي ما خلص كلامي معك
هديل ما ردت عليه سفهته وجلست ترتب ملابسها بالدولاب
وتوجه خالد لغرفته وفتح جواله الي كان مقفل وشاف رقم غريب فتح الرسالة
خالد انتبه ترا هديل تخونك كانت على علاقة بشاب وعندي صورها معه وكانت تنام معاه و###### ####
خالد انصدم وعينه تبقق بالشاشة وارسل:مين انت
دقيقة ورد:فاعل خير
وخالد كان فاير دمه عالاخر ومعصب وجهووو احمر من العصبية و.....
انتهى الجزء الاول

رد: رواية يا حظي فيك يوم اختاروك لي للكاتبة:ملاك’,

البارت الثالث – الجزء الثاني

وخالد كان فاير دمه عالاخر ومعصب وجهوو احمر من العصبية وركض لغرفة هديل ودق الباب بأقوى ما عنده لدرجة هديل خافت تناظ الباب من الخوف
خالد بعصبية:افتحيييي الباب افتحييييييي
هديل وهي ترتجف خايفه من صوته الي كأنه وحش مفترس بياكلها وقربت وهي ترتجف وهي تفتح الباب بالمفتاح فتحته وخالد فتحه بقوة ومسكها بشعرها بقوة:تخووونينييي يا هديييل تخووني زوجك
هديل خايفه ترتجف من شكله اول مرة تشوفه كذا ومن زود الخووف مو عارفه تقول شي او تنطق كلمة تدافع فيها عن نفسها كأنه لسانها انربط وخالد رماها بقوة عالسرير وطلع وقفل الباب عليها :اه الله لا يسامحك يا خالد اكررررررهك اه ماما ليش رحتي وتركتيني ليش رووووحتي اه بابا انا حاسه فيك انت ما مت متأكده انت عايش
ويمر عليها شريط الذكريات لما ابوها تركها عند سعد وراح عنها
وتصيح وتصرخ وتكسر الابجورة بالجدار وتشاهق وتصرخ حتى فتحت الشنطة واخذت قارورة موية وبنادول ونامت ...
**
عند خالد يحاول يتصل بالرقم المجهول ما يرد عليه واتصل على سكرتيره بالشركة
....:تفضل طال عمرك
خالد بهدوء:ابيك تسجل رقم عندك وتدور مين يكون صاحب هالرقم وتجيب لي اسمه كامل
...:حاضر تفضل وش الرقم
خالد:#####0569
واغلق جواله ورماه بالسرير (انت منت متأكد يا خالد من انها فعلا بنت او لا لا تظلمها لا تظلمها)حس بتأنيب الضمير بس ما حس بالندم لانه يشوف انه من حقه اذا عرف عن كلام مثل كذا عنها يضربها ويسوي الي يبي فيها قرر يتأكد بنفسه بس بكرة تكون هدأت اندق باب غرفته
خالد:تفضل
لانا وهي ماسكه التبسي فيه الصينية الفول مع الخبز والشطة:تفضل استاز
خالد:امم لانا انا الحين مو مشتهي خلي بوقت ثاني
لانا:ليش اكلي مو طيب
خالد:لا لا بس راح الجووع
لانا:اوككي براحتك بس ازا بدك شيء اتصل فيني طيب والمدام
خالد:انشاءالله لا حتى هي ما تبي
لانا:اها طيب يلا استأذن
طلعت بأدب مع الاكل للمطبخ..
**
بمملكتنا السعودية ببمنزل العم محمد بنصف الليل بغرفة أسماء الكئيبة...كانت تنتظر اتصالا من فهد الشخص الي كلمته لتنفيذ خطتها الخبيثة مرت ثواني قليلة...حتى وجدت شاشة الجوال منورة بإسم فهد اجابت بسرعه ومن دون مقدمات:هلا فهد ها بشر وش صار
فهد:كل شيء ماشي تمام وخالد عرف عن زوجته انها خاينة ايه كان مصر اني ارد وش اقوله
أسماء :ارسله الصور هديل الي ركبتها
فهد:اوكي حبيبتي يلا بباي
أسماء:باي
**
وبنفس الوقت بإستراحة جالس بزاويته ويتفنن بالعب بالسيجارات جا عنده تركي صاحب الاستراحة
تركي اخذ من السيجارة:خلاص خلاص كم حبه اخذت وشفيك متغير كذا
راكان:ابد ما فيني شيء بس احس بالذنب
تركي بإستغراب:تحس بالذنب!!! شيء غرييب
راكان:ايه ابوي لاهي بأشغاله ما يهتم فينا وامي نفس الشيء والحمدالله وئام تزوجت وماهي انسانه خبيثة كويسة بس خايف على مصير أسماء ومصيري انا
تركي:طيب وش تفكر تسوي
راكان:ولا شيء مخي فاضي
تركي ربت بكتف راكان بخفه وقام متجه للغرفة الي فيها البنات:عيش حياتك على طبيعتك
راكان قام وطلع من الاستراحة وضغط زر المفتاح اشتغلت وفتح الباب ووضع المفتاح عالسيارة وراح متوجه لمكان بعيد يفكر مع نفسه حتى يرجع خالد من السفر
**
بالقصر جالسه فتون تتابع فلم كوميدي وكل دقيقة تضحك مع الفلم وبعدها طفشت واغلقت التفلزيون...وتوجهت للمسبح الي في الجهة الثانية من القصر وجلست قدامه تتأمل المنظر ورن جوالها (وئام يتصل بك ) ردت بإبتسامة:يا هلا بالعروسة كيف اوربا معاكي
وئام:الحمدالله وانتي كيف الجو البري عندكم ؟
فتون:جووو بري هههه لا جهنم استغفر الله
وئام:طيب وشفيك كأنك مالك خلق لاحد وصايرة وحييدة
فتون:ايه صح كلامك جد انتي اكثر وحده تفهمني من بعد هديل سافرت مع خالد وانا وحيييدة
وئام:عندي مفاجأة لكي
فتون تحب المفاجأت وبفضوول:وش هي
وئام:بعد يومين راجعه
فتون نطت:وناسه وناسه والله حيييل اشتقت لك يالدوبه
وئام:وانا بعد كثيير مشتاقه لك يلا بقفل احمد يناديني
فتون:طيب يلا باي
وئام:باي
**
اشرقت الشمس الرياض يوم مشمس حار لكن بلندن معتدل خالد قام من النوم وتوضا وصلا وراح يفتح الباب لهديل يشوف وضعها كانت نايمة مثل الملاك البريئ بس لاحظ انه وجهها مصفر قرب ومسك وجهها شافوا حار ضربها خفيف بوجهها عشان تصحى ما صحيت ولبسها حجاب وجزمة بسرعه وهو كان لابس بس كان ناقصه حزمة لبسها بسرعه وشالها بيدينه الاثنين ودخلها ورا بالسيارة ورجع قدام وتوجه للمستشفى...
انتهى الجزء الثاني من البارت الثالث

رد: رواية يا حظي فيك يوم اختاروك لي للكاتبة:ملاك’,

البارت الرابع

فرنسا- باريس
بالفندق بغرفة وئام واحمد ..كانت وئام ترتب الاغراض واحمد يساعدها
احمد:وئام الشنط كلها كاملة اتأكدي مافي شيء نناقص
وئام:ايه كل شيء ماشي تمام
احمد:اجل يلا نروح المطار
**
بمكان بعيد ومهجور كان هناك شخص عمره بنهاية الاربعين عايش بشقة صغيرة عايش على قد حاله ... هيأته تدل على انه فقير كان مريض بمرض لا علاج له عرضوا الاطباء عليه العلاج لكنه رفض... اتت زوجته اليه ومعها كوب ماء شرب منه رجفه وبعدها لم يكمل ليس لانه تشبع من الماء بل حتى يكفي لاهل البيت الماء اتت طفلة صغيرة ابنته جاءت مبتسمة له
وبصوت طفولي ناعم:بابا متى بيروح المرض انت كل يوم تعبان
والزوجة تحاول ان تبين لابنتها ان والدها سيتعافى ويرجع طبيعي كانت تدمع عينها كل ما رأت زوجها بهذا الحال ...
**

بالاستراحة ذهب راكان الى هناك كالعادة ليدخن بزوايته المعتادة جاءت اليه فتاة تبكي بكاء يقطع القلب فأستغرب راكان
.....:راكان اسمعني بقول شيء مهم
راكان:قولي أسمعك
......:انا حامل منك
راكان وكأن ماء بارد انكب بوجهو وبحدة:انتي نصابه اكييد نصابه كذابه
.....وبصوت بكاء:لا يا راكان انا ما اكذب انت الشخص الوحيد الي لمستني
راكان ببرود:مافي شيء يثبت
البنت تتكلم وشهقاتها تتعالى اكثر فأكثر:وديني المتسشفى وسوي فحص ال d n a عشان تتأكد انه هذا ولدك
راكان:لا تبيني انفضح قدام الناس
البنت:طيب قولي بسوي الي تبيه بس صدقني انه الي ببطني ولد
راكان قرب منها ومسكها بكتفها بقوة:لا ماني مصدقك كيف تبيني اصدق وحده خانت اهلها وشرفها
البنت تبكي بحرقة دم:راكان احلف لك بالله انه هذا ولدك
راكان تركها وطلع معصب لسيارته كان يقود بجنوووون بسرعه رهيبه دخلت سرعته ال210 بعدها هدا السرعة ووقف بطرف الطريق وكان يضغط بوري بجنوون
**
بلندن – بالمستشفى
كان ينتظر برا يروح ويجي حتى جا الدكتور>>>هم بيتكلمون انجليزي بس الترجمة بالعربية الفصحى
خالد:ماذا حدث يا دكتور هل هي بخير؟
الدكتور:نعم بخير أغمى عليها لان ضغطها انخفض لانها لم تأكل شيئا
خالد:والحل يا دكتور
الدكتور:يجب ان تهتم بأكلها للطعام لكن لا تقلق هي بخير
خالد:جيد هل استطيح الدخول إليها
الدكتور:نعم تفضل..
دخل وشاف شكلها البريئ اقترب منها وبهدوء رجع شعرها على ورا لانه كان مغطي وجهها وضبط الحجاب لانه كان مكشوف شوي من شعرها ...
وكان فيه كرسي جنب السرير جلس فيه
**
ببيت العم محمد بغرفة أسماء تحديدا...اتصل عليها فهد وردت
أسماء:ها سويت الي قلت عليه
فهد:اممم اذا قلت ايه فأنا اكذب
أسماء:طيب لييش
فهد:لكل شيء مقابل تبيني ارسله الصور لازم يكون فيه مقابل
أسماء:وش المقابل الي تبيه
فهد:أشوفك
أسماء:وليش يعني
فهد:انتي قلتي انك تكرهي هديل وتبي تخربي حياتها أظن انه ماله علاقة اكيد بإنك تبي خالد
أسماء بكذب عشان ينفذ خطتها:ايه
فهد:وانا حبيبك صح كلامي ولا غلط
أسماء بكذب:صح
فهد:دام كذا ابي اشوفك
أسماء:اوكي بس بمكان عام
فهد:لا تبين الهيئة يمسكونا خلينا نشوف بعض بإستراحة
أسماء:ها انت منجدك
فهد:ايه واذا ما جيتي مو بس ما بنفذ الخطة راح اعترف لخالد بكل شيء سويتيه
أسماء بعصبية:حقييييييير كلببببب
فهد:هههههههههه خلصتي سبك وافقتي على العرض ولا لا
أسماء:بس مافي شيء يثبت اني كلمتك
فهد:تحسبيني غبي ترا مسجل صوتك من اول محادثة بيننا
أسماء خافت:طيب انت بس بتشوفني ما بتسوي فيني شيء صح
فهد:ايه يا حبيبتي ما بسوي شيء يلا اخذي العنوان########
أسماء:اوكي يلا باي
فهد:بايات قلبووو
**
بلندن بمكان بعيد بحديقة تملأها الزهور والورود...فتحت جوالها واتصلت على اول رقم عندها وهو الرقم الوحيد بعد 4 اتصالات رد
خالد:هلا مين معاي
...:لا صوت مجرد انفاس فقط
خالد:الوووو في احد
... بلعت ريقها وأردفت:ا...خا..لد
خالد:نعم مين
...:لا رد
خالد عصب:الووووووووو مين معاي
... واخيرا نطقت بصعوبه:م..موو للازم تعرف...انا أش ..تقت ..لك حييل وحبيت..أسمع..صو..تك
خالد:مين انتي ومن وين تعرفيني
... أغلقت الجوال وكانت تبكي وتبكي بإنهيار تام تمنت يعود بها الزمن حتى تصلح أخطائها مع خالد
انتهى البارت

رد: رواية يا حظي فيك يوم اختاروك لي للكاتبة:ملاك’,

البارت الخامس
استيقظت من النوم والقت نظرة كاملة على الغرفة ووجدت خالد نائم على الكرسي بجانبها اعتدلت بجلستها ونزعت الغطاء عنها وصارت تمشي بخطوات هادئة حتى لا يسمع خالد صوت خطواتها بالمشي ذهبت إلى الحمام غسلت وجهها وبعدها كانت ستفتح الباب لم تنتبه للشخص خلفها الذي يراقبها بصمت واغلق الباب قبل ان تفتحه التفتت وراءها
خالد:وشفيك كنتي بتهربي لوين انشاءالله
هديل بنظرات تحدي:لجهنم انشاءالله مالك علاقة فيني
خالد بسخرية:هههه ضحكتيني وانا مابي اضحك يلا امشي قدامي على البيت
هديل التزمت الصمت ومشيت وهو وراها وشافت حديقة قريبة من بيتهم بحكم انه المستشفى قريب من البيت راحوا مشي تأملت بالمنظر لثواني وبعدها غيرت نظرها للبيت
كانت هناك امرأة تراقب خالد من بعيد بهذه الحديقة وخالد انتبه لها واستغرب وملامح وجهها ليست غريبة عنه توقع انه شبه عليها ودخل بمجرد ما دخلت هديل للبيت
خالد:هديل
سفهته وجات بتحط رجلها عالدرج بتطلع فوق مسكها من كتفها:لما اكلمك تردي علي فاهمة
هديل:لا مو فاهمة علمني (وبعصبيه)خلاص خلاص مليت من هالعيشة كل شوي تشكك فيني انت انت كيف تقول عني خاينة طيب خلينا نفترض اني خنتك مو قلت اني مو زوجتك انك تزوجتني غصب
خالد اعطاها كف رجعها لورا طاحت بالدرج قامت وكانت بتبكي بس مسكت نفسها عشان ما تبين له انها ضعيفة وخايفه ركضت جري لغرفتها وكانت بتقفل الباب بس ما لقت مفاتيح الغرفة فأغلقت الباب بقوة وجلست تبكي
خالد انصدم من حركته بس برضوا ما ندم لانه هي فرضت نفسها انها خاينته وشاف انه من حقه يضربها اخذ جكيته لانه الجو بدأ يبرد وطلع لبرا يشم هوا بنفس الحديقة ووجد نفس البنت تراقبه وتراقب تحركاته راح عندها وواضح من ملامحها انها سعودية فقال:عفوا! لو سمحتي انتي مضيعة بوجهي شيء
.... :لا
خالد انتبه لملامحها بدا مو غريبة وقال:ندى
ندى انقلبت ملامحها الهادية الى ملامح حزن وقالت:ايه ندى رجعت لك يا خالد
خالد بهدوء وسط استغرابه:ليه تركتيني يا ندى بأخر سنة بالجامعة
ندى بدأت الدموع تنزل:والله غصب عني والله انا...
قاطعها بنبرة تحسر:بس خلاص لا تكملي ليه توك جايه عندي
ندى بصوت محزن:خالد اسمعني من الاول وصدقني لو كنت بمكاني بتسوي نفس الشيء
خالد:مابي اسمع شيء خلاص انا تزوجت اتركيني بحالي ولا تقربي من زوجتي
ندى بصدمة:ت..تزز..وجت
خالد ببرود:ايه ويلا فمان الله
راح عنها وما درا عن الشخص الي يراقبه من بعيد ماسك بيده مسدس اول ماراح توجه لعندها
....:واخيييرا لقيتك وش جالسه تسوي مع حبيب القلب
ندى وقفت بتهرب ركضت وهو يركض وراها
...:هييييييين يا ندى راح امسكك وبوريك حساب عسييير
ركضت وتخالطت مع الناس ودخلت محل للملابس وتنهدت تنهيدة راحة بعد ما خلصت منه
**
بالشركة بغرفة ابو خالد دق عليه السكرتير الباب
ابوخالد:تفضل..
احمد:طال عمرك في شركة تبي تسوي عقد بينها وبين شركتنا وتبي موافقتك
ابوخالد:وش اسم الشركة
احمد:شركة هادي ال....
ابوخالد:اممم قول لهم بنفكر
احمد:اظن يابوخالد لو توافق يكون احسن لانه فقدنا خساير لانه البضاييع تنباع بقلة بالسوق
ابوخالد:طيب بفكر
**
بالمطار وصلو وئام واحمد وجوو البودي قارد حق احمد اخذوا الشنط وحطوها بالسيارة ودخلت وئام ورا واحمد جنبها
وئام:احمد ممكن اروح بيت اهلي
احمد:طيب بس لا تتأخرين عشان تسلمين على اهلي
وئام:ليه انت ما بتنزل معي
احمد:لا عندي شغل لما اجي اخذك بسلم على اهلك
وئام:انشاءالله
وصلوا ووئام نزلت واخذت شنطة الهدايا ودخلت للبيت
اول ما شافت امها باست راسها وضمتها:هلا بنتي كيفك شخبارك؟
وئام:الحمدالله وانتي يالغالية
ام راكان:بخير بشوفتك
نزلت اسماء بالدرج وهي لابسة العباية واول ما شافت وئام جات عندها وكأنه عادي يعني مو كأنها توها راجعه من سفر سلمت عليها ببرود
أسماء:يمه السواق برا صح
ام راكان:ايه انتي وين رايحة
أسماء تدور لها على كذبه:ا...بروح بيت صاحبتي
ام راكان:طيب لا تتأخري
أسماء دخلت السيارة وطلبت من السواق يتوجه لبيت صاحبتها سوت نفسها تدق الجرس وراح السواق وبسرعه اتصلت على فهد واعطته العنوان عشان يجي ياخذها
**
بالقصر بالصالة الي فوق متسدحة بالكنب تقلب بين القنوات بملل جاء اتصال من وئام ردت بسرعه
وئام:يلا اطلبي من الخدامات يفتحون الباب
فتون:جيتيييي
وئام:ايوووة يلا بسرعه
فتون اغلقت الجوال واتصلت للخدامه تفتح الباب دخلت وهي ماسكة كيس الهدايا
اول ما شافتها فتون حضنتها:اه وحشتييييييينيييييي يالدوووبه
وئام:وانتي اكثر
دخلوا للصالون الي فوق وسلمت على ام خالد ودخلو للصالة وجلسوا بالكنب
فتون:ايه وش سويتوا
وئام:رحنا ديزني لاند مرا كان احلى شيء بالسفره هاذي
فتون:زيين وش صار بعد
وئام:بس ما صار شيء
فتون بخبث:طيب صار شيء بينكم وانتي فاهمة قصدي
وئام احمرت خدودها:ايه مرة وحده
فتون بصوت مضحك:يالبى الي يستحون
وئام رمت المخده بوجهها:انقلعي
فتون:هههههه
وئام طلعت علبتين من كيس الهدايا :اخذي هاذي لك ولهديل
فتون:شكرا تعبتي نفسك
وئام:أي تعب تستاهلون لانه ما سوينا لكم حفل تخرج
كانت الهدية عبارة عن كورة حجمها وسط لما تهزيها يصير ثلج ابيض وبالنص برج ايفل باريس
**
بلندن بغرفة هديل اخذت جوالها من الشنطة وجلست تلعب فن رن وطفشت وفتحت الواتس اب تكلم فتون
**
بمكان قريب كانت بالشقه خائفة جاءت اليها صديقتها وهي ممسكة بإيديها صحن من الطعام:ندى خلاص اهدي قلت لك كم مرة لا تطلعين من البيت لانه بيلاحقك وهو الحين مراقبك
ندى:اففف منه لمتى بيلاحقني
قصة ندى كانت تدرس برا بلندن وخالد كان يدرس معها وبدأ خالد ينعجب فيها وصارت علاقه صداقه قوية بينهم حتى تحولت لحب بس اهل ندى غصبوها على الزواج بولد عمها بليلة الملكة هربت بمساعدة من صديقتها للندن وولد عمها مستمر يلاحقها ويراقب تحركاتها وكل هذا صار بأخر سنة له بالجامعه وخلاص نسي حبه لندى ..
**
بالاستراحة دخلت أسماء وفهد وما كانت خايفه كان الوضع عندها عادي وشكل الاستراحة كان مقرف يدل على انه صاحبها يستخدم مخدرات وخمر
ودخلها غرفة بمكتب :اجلس هنا بروح شوي وبرجع
وطلع وشغل الكاميرا ورجع لها:اكشفي وجهك
كشفته والوضع عندها عادي:ها وشوفت شكلي يلا برجع البيت
وجات بتقوم بس فهد مسكها وجلسها بالكرسي:انتظري شوي بروح اجيب عصير اشربيه وبعدها ارجعي البيت اعتبريه ضيافه مني
أسماء:اوكيه
راح فهد للمطبخ طلع كوبين والكوب الثاني حط فيه حبة تخليها انسانة ثانية و....
انتهى البارت

رد: رواية يا حظي فيك يوم اختاروك لي للكاتبة:ملاك’,

البارت السادس

راح فهد للمطبخ طلع كوبين والكوب الثاني حط حبة تخليها انسانة ثانية وتخليها تسوي اشياء غلط ومو بوعيها توجه للمكتب وجلس بالطاولة واعطاها العصيربإبتسامة خبث:تفصلي
اخذتها منه وبدأت تشرب شوي شوي وقامت وقام معها فهد وإبتسامة خبث كبيرة بوجهو قربت منه وبدأ بنزع ملابسها ودخلها غرفة نوم واتسدحت فوق السرير وهو جا فوقها و.........
**
بعمارة فخمة بشقة مفروشة شكلها راقي وكل من مر بخارج العمارة التفت ليرى شكل العمارة لشدة فخامتها ملفته للإنتباه...جالسه بالصالة بالكنبة وجالسه تقطع فواكه بالسكين وتتفرج على التلفزيون جاء احمد من وراها وغمض عيونها وقال برومانسية:انا ميين
وئام بإبتسامة:اممم احمد اكييد
احمد نزع يده عنها واعطاها بوسة بخدها:يا زيييين اسمي على لسانك
وئام بإبتسامة:تسلم حبيبي
وئام حست نفسها بتستفرغ راحت للحمام (وانتو بكرامة)واستفرغت وغسلت بالمويه وطلعت وهي ماسكة بطنها
احمد بخوف قام وراح عندها:وئام وشفيك
وئام شالت يدها عن بطنها:ما فيني شيء اظن انه لاعت كبدي وأستفرغت
احمد بشك:اكييد بس انا حاس انه فيك شيء وهاذي مو اول مرا تصير معك البسي عباتك انا بالسيارة
وئام كانت بترد بس احمد ما عطاها مجال لبست عباتها وراحت للسيارة جنبه وتوجهو للمستشفى ودخلت وئام على طبيبة نسائية وسوت التحاليل وطلعت
الدكتورة:انشاءالله بس نص ساعة او ساعة بالكثير وتطلع التحاليل
وئام:اوكي الحين اقدر اطلع
الدكتورة:لا يفضل انك تنتظري
وئام:يس زوجي برا ينتظر
الدكتور:طيب الحين بدخله
الدكتور قامت وطلعت برا الغرفة وشافت شخص يروح ويجي وقالت له:انت احمد ال... زوج وئام ال....
احمد بخوف:ايه وشفيها وئام
الدكتورة:مافيها الا كل خير تفضل ادخل معي
اتبعها احمد للغرفة ومرت نص ساعة والصمت مستولي المكان جات الممرضة ومعها اوراق التحاليل اخذتها الدكتور وفتحتها وابتسمت:انتي حامل مبرووك
وئام ما استوعبت:جدددد يا دكتورة اكييد تمزحي
احمد نط من الفرحة ووئام وقفت احمد ضمها:مبرووك حبيبتي بتصيري ام وانا بصير اب يا سلام
وئام تبكي من الفرحة ابعدت عنه وهي منحرجة من الدكتورة:الله يبارك فيك
وطلعوا لشقتهم..
**
بلندن بالليل الساعة 8 بغرفة هديل كانت تلبس جاكيتها والشوز ولفت الحجاب على وجهها وفتحت الباب بهدوء ومشيت شوي شوي وطلعت برا بالحديقة البيت وكان فيه مراجيح وراحت وجلست على وحده فيهم..
عند خالد متفاجأ من ظهور ندى المفاجئ وجالس بغرفته يفكر وبعدها قام وتوجه لغرفة هديل وفتح الباب بهدوء...وعينه تدور بكل الغرفة وبعدها نزل تحت بسرعه ودخل المطبخ وما شافها موجودة وراح الصالة وبرضوا مو موجودة خاف عليها وطلع برا شافها معطيه ظهرها له وهي تلعب بالمراجيح ابتسم لشكلها الطفولي وتوجه لها وجلس بالمرجيحة الي جنبها هديل ما اتفاجأت لوجوده ولا اهتمت ولا كأنه موجود
خالد ببرود:وش جالسه تسوين بهالوقت المتأخر
هديل ناظرت فيه ببرود:اشم هوا ربي..نسيت اسألك متى راجعين للرياض
خالد:المفروض نهاية هالاسبوع بس انا حجزت بعد يومين
هديل:غريبه ليش
خالد:لاني مو طايق هالبلد فيها اشياء تضايقني وتذكرني بالماضي
هديل:اظن اذا ما غلطت انك كنت تدرس هنا
خالد:ايه
قاطعهم صوت جوال خالد السكرتير:هلا طال عمرك عرفنا مين المجهول الي ارسلك رسالة
خالد قام وبعد عن هديل:مين!!
السكرتير:فهد ال....
خالد:ابيك ترسل بودي قارد تدورونه واذا لقيتوه احبسوه بغرفة
السكرتير:حاضر يا طويل العمر شيء ثاني
خالد:لا مع السلامة
هديل استغربت من بعده عنه وملامح وجهو المنقلبة للعصبية ابعدت نظرها عنه لما جاء بيجلس قامت
خالد:وين رايحة
هديل بسخرية:رايحة للمريخ وش رايك يعني بروح انام
كانت بتبعد عنه بس خالد مسكها من كتفها وببرود:بس كلامي ما خلص معاك
هديل بنظرات تحدي:وش عندك ليكون بتتكلم عن موضوع شرفي
خالد يبادلها بنظرات التحدي قربها وفجأة حظنها و غمض عينه وهو ساكت هديل مستغربة وقلبها يدق بقوة انصدمت من حركته وكانت بتقول شيء بس قاطعها:اصصص
وجاء شخص فتح باب الحديقة وهو ماسك المسدس بإيده و......
بمكان قريب منهم بالشقة من الطبقة المخملية الراقية....بالصالة تشوف فلم وتفكر بخالد خايفه ولد عمها يسويلوا شي جاتها صديقتها
رحاب:ندى ندى ردي علي
ندى انتبهت لها:ها
رحاب:خلاص لا تفكري فيه صار وانتهى
ندى:بس خايفه عليه خايفه فيصل يسويله شيء
رحاب بإطمنان:لا انشاءالله ما بيسوي شيء
ندى:رحاب انا تعبتك معاي هذا وانتي حامل مابي اكون ثفل عليك اكثر من كذا بدبر نفسي
رحاب:أي تعب الله يهديك انا عايشه لحالي وانتي ونستيني بجيتك معاي اوعديني ما تعيدي هالكلام
رحاب زوجها مات بحادث قبل سنة وهي الحين حامل بالشهور الاخيرة
ندى ابتسمت:وعد
**
بالرياض

بنصف الليل استيقظت من النوم بفزع لترى نفسها بشكل يصعب وصفه اخذت الغطاء ووجدت ملابسها بالارض وبسرعه ارتدتها وكانت ستذهب لكن اوقفها صوت فهد...
انتهى البارت

رد: رواية يا حظي فيك يوم اختاروك لي للكاتبة:ملاك’,

البارت السابع


خالد يبادلها بنظرات التحدي قربها وفجأة حظنها و غمض عينه وهو ساكت هديل مستغربة وقلبها يدق بقوة انصدمت من حركته وكانت بتقول شيء بس قاطعها:اصصص
وجاء شخص فتح باب الحديقة وهو ماسك المسدس بإيده وقرب منهم بنظرات تحقير وكان خالد معطيه ظهره وهديل لما شافت شخص يمشي يقرب منهم وهو ماسك المسدس وبعدت عن حظنه و صرخت:خالد
خالد لف وانصدم لانه المسدس كانه موجه له
فيصل بسخرية:هلا اسمك على ما اظن خالد
خالد قرب منه من غير أي خوف:ايه نعم مين انت
فيصل:مو لازم تعرف(وناظر هديل البعيدة وبحركة سريعة ركض لجهتها ومسكها وحط المسدس براسها)
هديل تصرخ:خالد
فيصل:انا باخذ زوجتك معي مابي منك غير شيء واحد تجي عندي وتعطيني ندى (وبسخرية)حبيبتك السابقه
خالد بعصبية:اترك زوجتي مالها ذنب باللي يصير
فيصل:صحيح مالها ذنب بالنسبة لك لكن بالنسبة لي ذنبها انها زوجتك
فيصل طلع مع خالد وبسرعه ركبوا سيارة وفتح وقال:لو لحقتنا يا خالد زوجتك انساها
ورما بطاقه من الشباك:هذا رقمي ببباي
ركب خالد السيارة وضرب البوري بقوووة من عصبيته واتصل على ندى
**
بمكان قريب جالسه تفرفر بين القنوات بملل سمعت صوت رنت الجوال حطت عينها عالجوال بملل ولما شافت اسم خالد منور بالشاشة توسعت عينها وبسرعه اخذت الجوال وردت:خالد
خالد بعصبية:ندى انزلي انا تحت
ندى توقعت انه تفهم وضعها وبيرجع لها:اوكي
اغلقت الجوال ولبست الحجاب والجكيت والشوز ونزلت بسرعه من العمارة ودخلت جنب خالد بالسيارة خالد ناظر فيها بحقد:تعرفين واحد اسمه فيصل ال...
ندى بخوف من نظراته:ايه ولد عمي
خالد:ها اجل ولد عمك (وبنبرة استهزاء)تعرفين وش سوا
ندى ترتجف من صوته اول مرا يصير كذا ووأردفت:لا..وش صار
خالد وبنفس نظرات حقده:خطف زوجتي ويبيك رهينه عشان يرجع زوجتي
ندى حطت ايدها على فمها من الصدمة وأردفت بصوت متقطع:يعني..بتضحي ..فف..يني ...ععشان..زو..جتك
خالد:ايه كويس انك ذكيه وفاهمة
ندى استسلمت للامر الواقع وقبلت بهالشيء عشان خالد ما تتمنى له الا الخير فقالت:خلاص موافقه بس لا تنسى هالشيء بسويه عشانك
خالد ما رد عليها واتصل فيصل
فيصل:هلا والله بالحبيب ها بشر معاك ندى
خالد:اييه وين المكان
فيصل:في ال.....
خالد قفل الجوال ومشي بأسرع ما عنده بسرعه هائلة تعدت 200 وكانت امامهمم شاحنة
ندى بصراخ:خخخخاد في شاحنة عاليسار
ولف على اليسار بقوة كانت السيارة بتنقلب لو كان الطريق مو متوازن بس الله ستر
وقف وبعدها كمل مشي بالسيارة ونزل من السرعه شوي وندى حمدت ربها من داخلها انه ربي ستر عليهم وبعدها وصلووا للمكان المطلوب وقف خالد السيارة ونزل وبعدها ندى وكان المكان عبارة عن غابه كبيرة وانتبه خالد من بعيد فيصل وهو يمشي مع البودي قارد
فيصل صفق وبصوت عالي:الله الله ما اتوقعتك بتضحي بندى عشان زوجتك الكريمة
خالد بحدة:بلا كلام فاضي وين هديل
فيصل أشر لواحد من البودي قارد يجيب هديل وجاء واحد ماسك هديل من كتفها وكان فمها في لصقه وبعدها قال فيصل :يلا ندى تعالي
خالد توقع انه فيصل بيسبب اذى لندى وقال لها لانهم بعيدين شوي عنهم ما يسمعون:ندى سوي نفسك متقبله هالشيء مو مغصوبه وابتسمي وانتي تروحي وبعدها باخذ هديل وتهربين وتجين معنا اتفقنا
ندى:اتفقنا
ندى راحت لعند فيصل وابتسامه كبيرة بوجهها:فيصل حبيبي شلونك شخبارك
فيصل:يا زين هالصوت بس منك بخير حبيبتي
خالد اخذ ندى ونزع اللصقه
ندى:جيت بإرادتي خالد ماله علاقه
فيصل:زيين يلا اركبي السيارة
وبمجرد ما ركب خالد وهديل ندى فتحت باب سيارة فيصل وبعدها تركته وركضت لسيارة خالد وركبت وراه وخالد مشي بأسرع شيء تعدت سرعته ال200 وهديل خايفه وبعدها جات سيارة وراهم مليانة بودي قارد يطلقوا رصاصات وخالد يلف يمين ويسار يمين ويسار وراح لطريق مجهول بعيد حتى البودي قارد ضيعوهم وبعدها خالد وقف السيارة لما اتأكد انه مافي احد يلحقهم
خالد:هدييل انتي بخير
هديل:ايه بخيير
ندى:خالد وين اروح لو رحنا بيت صديقتي بيمسكونا
خالد:طيب تعالي معنا بس نامي بس هاليلة وبكرة ارجعي
خالد طلع جواله واتصل على واحد من معارفه:هلا صالح ابيك ترسلي بودي قارد لبيتنا وبودي قارد لبيت هذا عنوانه ######
صالح:انشاءالله شيء ثاني
خالد:لا سلامتك
قفل الجوال وهديل مو طايقه ندى ما تبيها تكون بينهم بالبيت لانها مو محرم لخالد وخالد فتح السيارة وتوجه لبيته
**
بالرياض

بنصف الليل استيقظت من النوم بفزع لترى نفسها بشكل يصعب وصفه اخذت الغطاء ووجدت ملابسها بالارض وبسرعه ارتدتها وكانت ستذهب لكن اوقفها صوت فهد:لوييين رايحة
التفتت وبعصبية:حقيييير قلت ما بتسويلي شيء اخذت اغلى ما عندي
فهد بسخريه:ههههههه بس انتي الي بدأتي بهالشيء تبيني اوريك ترا صورت كل شيء
أسماء خافت يوصل لراكان:بسوي الي تبيه بس تكفى لا ترسل لاهلي
فهد صفق:ممتاز انك شطورة وفاهمة اني بسوي كذا ابيك تجين كل اسبوع عندي
أسماء تبكي:فهد الله يخلييك ليش تسوي فيني كذا
رن جرس البيت وبسرعه قام فهد ولبس تيشيرت برشلونة وجينز ازرق وقال:خليك بالغرفة وسكري الباب الحين بروح وبرجع
نفذت رغبته وهو راح وفتح الباب:هلا اخوي وش بغيت
....:انت فهد ال.....
فهد بلع ريقه:ايه ليش
مسكوه وربطو ايده ودخلوه بالسيارة أسماء استغربت لانه ما جا عندها ففتحت الباب وتوجهت للباب الرئيسي الخارجي وجدته مفتوح وفهد مو موجود طلعت فوق واخذت الكاميرا واتصلت على السواق
**
بمنزل ضعيف حاله سيء من الدرجة الاولى كان منسدح بالكنبة يرى ابنته تلعب بالدمية ابتسم لبرائتها جائت عنده زوجته وهي حاملة صحن فيه ارز وقطع قليلة من الدجاج:حاتم اجلس عشان تاكل
حاتم اعتدل بجلسته وبدأ يأكل ببطئ:فاطمة ابي بنتي
فاطمة:يالله يا حاتم هاذي بنتك موجودة قدامك
حاتم:لا بنتي هديل
فاطمة:أي بنت كل مرا تتكلم عن بنت وتقول هديل هديل ما عندك غير بنت وحده وهي الجوري
حاتم:لا لا عندي بنت ثانية والحين كبرت...(وبإبتسامة ألم)ويمكن تزوجت
فاطمة:استغفر الله شكلك تتخيل
حاتم قام واتصل على رقم
....:السلام عليكم معكم شركة سعد ال.... تفضل
حاتم:وعليكم السلام ولدي ممكن تحول الاتصال لسعد
....:ليش عندك موعد معه
حاتم:لا بس ابي اكلمه بشغله ضرورية
....:لا عمي هو مشغول ما اظن بيوافق كلمه بوقت ثاني
حاتم بعصبيه:بيوافق لو عرف اني حاتم ال....
....:احترم نفسك يا عمي هاذي شركة محترمة
حاتم اغلق التلفون بعصبية وفاطمة قالت:شفت يا حاتم دايما تتصل على هالشخص ويقولون لا خلاص اتركه وش تبي فيه
حاتم بحدة:انتي ما بتفهمين السالفه ابد كم مرا اقول انه عندي بنت اسمها هديل
فاطمة:لا حول ولا قوة الا بالله
**
بلندن دخلت ندى الصالة تتفرج تلفزيون وهديل جات جلسة بالصالة مافيها نوم
هديل:وش قصتك مع خالد
ندى التفتت لها:قصة طوييلة ما يخصك تعرفينها
هديل:استغفر الله بس خلصت من اسماء الاولى وجاتني اسماء ثانية
ندى:وشوو
هديل:متى انشاءالله بتروحي لبيتك
ندى:بكرة ليش السؤال
هديل بنبرة استهزاء:خليني اقولها من الاخر انا متضايقه من وجودك بالبيت
فتح خالد الباب وناظر هديل بحدة:هديييل عييب الي تقوليه
هديل:أي عيب انت ما سمعت وش قالت لي حسستني اني ميته اعرف وش سالفتها وياك خليني اطلع فوق وانام ابرك لي من مقابل وجوهكم
خالد مسكها بكتفها وبنبرة تحدي:عييييدي عيييديي وش قلتي
هديل مسكت يده الي بكتفها وبعدتها عنه ومشيت وتعمدت تصدم بكتفه وراحت لفوق
خالد:اورييك يا هديل بكرة بتشوووفين شيء ما شفتيه
هديل تعودت على تهديداته الي مالها داعي بنظرها وتافهة ودخلت واتسدحت بالسرير وفتحت لعبة فن رن لقت وئام وفتون موجودين دخلت باللعبة معاهم
**
راكان كان يسوق بالسيارة بملل رن جواله رد بدون ما يشوف:نعم
....(بصراخ)الحق علي يا راكان احس بألم ببطني بمووووووووت راكان بموووت
راكان وقف السيارة وشاف اسم المتصل و.............

رد: رواية يا حظي فيك يوم اختاروك لي للكاتبة:ملاك’,

يعطيك العافيه
استمري

نقلت للقسم الانسب حتى تكتمل
في حال كملتيها تنقل لقسم الروايات الطويله

رد: رواية يا حظي فيك يوم اختاروك لي للكاتبة:ملاك’,

البارت الثامن

....(بصراخ)الحق علي يا راكان احس بألم ببطني بمووووووووت راكان بموووت
راكان وقف السيارة وشاف اسم المتصل رهف وقال:وين ساكنة
رهف:بحي ال#### مقابل محل ال#### بالعمارة وبشقة رقم 23
راكان اغلق الجوال وضغط بقوة عليه وشغل السيارة وتوجه لرهف ووقف السيارة قدام العمارة ونزل ورن الجرس شقة رقم 23 فتحت الباب من دون ما تشوف مين على الباب:اه يا راكان مرا اتألم احس انه الولد فيييه شيي
راكان اخذ عبايتها ولبسها ومسكها يدها يمشيها شوي شوي ودخل الاصنصير ونزل لتحت وركبها جنبه بالسيارة وتوجه للمستشفى ودخل لمكان الاستقبال
راكان:لو سمحتي
....:تفضل اخوي
راكان قال بصعوبه:زوجتي حامل وحاسه بألم كبيير في طبيبة نسائية للحمل موجودة
....:ايه انتظر شوي
رفعت السماعة التلفون عشان تكلم الطبيبة وبعدها طلعت اوراق اجرائات المريض وخلص راكان وبسرعه دخلوها الممرضات الغرفة وراكان انتظر برا
**
انتهى اليوم...وحل صباح جديد على لندن اجوائها باردة صحيت هديل من النوم وتوجهت للحمام توضت وراحت تصلي وبعدها نزلت تحت للمطبخ شافت الخدامة البيرطانية تغسل الصحون
هديل:عفوا ! لو سمحتي
التفتت الخدامه لها:تفضلي سيدتي
هديل:احضري لي الفطور انا هنا تحت
الخدامه هزت راسها بإيجاب
وتوجهت هديل للصالة وشافت ندى صاحية وما اهتمت لوجودها وجابت الخدامة الفطور وجلست تفطر وندى تناظرها بغرور وبعدها ابعدت عينها وحطتها للتلفزيون
هديل خلصت فطور والتفتت لها:ندى متى بتروحي
ندى:لما يصحى (وتعمدت تمد اسمه)خالد بيوديني
جاء خالد للصالة ماسك بإيده المفاتيح السيارة:يلا ندى انا بالسيارة
قامت ندى وناظرت بهديل بنظره شماته وبعدها راحت للسيارة
هديل:مالت عليها وعليه
**
بالسيارة
ندى:خالد متى راجع الرياض؟
خالد وهو يناظر الطريق:ليش تسألي
ندى:لا بس كذا مافي سبب للسؤال
خالد:بكرة
وصلوا العمارة بيتها
ندى ابتسمت:شكرا خالد ما قصرت
خالد:عفوا
ندى طلعت من السيارة وطيحت نفسها على درج العمارة عشان يساعدها خالد قام خالد من السيارة:ندى وشفييك
ندى:مدري وانا امشي طحت
خالد مسك يدها وقومها
ندى اعتدلت بوقوفها:شكرا للمرة الثانية
خالد:عفوا مع السلامة
ندى:باي
راح خالد ركب السيارة(وش تقصد هاذي بحركتها تحسبني غبي وبصدق افلامها الهندية)وتوجه للبيت ودخل الصالة وشاف هديل راح جلس جنبها
خالد:ابي اكلمك بموضوع
التفت هديل له:نعم
خالد:اليوم ابيك تجهزي نفسك
هديل:لييش
خالد بإبتسامة خبث:انتي عارفه قصدي الليلة ابيك مابي اوضح اكثر عشان ما تنحرجي
هديل:الحين صرت زوجتك وليش من قبل قلت نبين للناس اننا مع بعض واحنا مو مع بعض ها يلا فهمني اشوف وش اللي غيرك
خالد:لا احنا بالفعل مثل الكلام الي قلتيه بس ابي اخذ حقوقي وغصب عنك ولا تبين الملائكة تلعنك
هديل قامت بتروح لغرفتها بس خالد مسك كتفها ورجعها لمكانها:ما خلص كلامي معك
هديل:افففف وش تبي
خالد (ابيك) مابي شيء بس شكلك ملفت للنظر وانتي معصبة وابي اشبع نظري منك
هديل بسخرية:هههههههه تدري انك تضحك جد انت انسان متناقض
وركضت قبل لا يمسكها وهو ركض وراها وهي تحاول تمشي بسرعه بالدرج وهو يلحقها وجات بتدخل الغرفة مسكها بيدينه الاثنين ولصقها بالجدار:عيدي شقلتي
هديل بنظرات حقد:انسان متناقض
خالد اغمض عينه وقرب شفايفه لها وهي ما قاومت وبادلته وبعد ثواني تركها وراح نزل تحت فتحت عيونها ودخلت لغرفتها وهي منحرجة منه ..
**
بالرياض
بالشركة.. الساعة10 الظهر اتصل السكرتير على ابوخالد:هلا طال عمرك ممكن ادخل مكتبك في شيء مهم ابي اقوله لك
ابوخالد:تفضل
اغلق الهاتف وتوجه لمكتب المدير:بو خالد في واحد يتصل كل يوم يبي يكلمك بشغله ضرورية
ابوخالد:وش اسمه ؟
سلطان(السكرتير):اسمه حاتم ال...
ابوخالد:وليه توك جاي تقولي
سلطان توتر وما عرف وش يقول وقال:اسف طال عمرك
ابوخالد:لولا مكانة ابوك عندي كان طردتك من غير تردد كم رقم حاتم
طلع سلطان دفتر صغير وكتب الرقم وحطه فوق مكتبه وطلع لمكتبه
ابوخالد اتصل على الرقم
**
صحي حاتم من النوم على اصوات التليفون وقام ومشي بسرعه ورد:الوو
ابوخالد:هذا بيت حاتم ال...
حاتم:تفضل مين معي
ابوخالد:انا سعد ال....
حاتم ابتسم:ايه يا سعد كيف بنتي هديل
ابوخالد:بخير
حاتم:عمرها 18 صح
ابوخالد:ايه تخرجت من الثانوي وتزوجت ولدي
حاتم:بو خالد اذا ما عليك امر ابي اشوف بنتي من بعيد مابيها تشوفني انا مريض بالسرطان ويمكن قرييب (وبألم)أمووت
ابوخالد حزن لحال حاتم:طيب بس هي الحين مسافرة وقريب كلها يوم او يومين وبترجع
حاتم:انشاءالله ولما ترجع اعطيني خبر انشاءالله ماكون عطلتك عن شغلك يلا فمان الله
بوخالد اغلق جواله ورجع لشغله
**
بالمستشفى ما نام قاعد برا ينتظر وطلعت الدكتورة متوجها له:زوجتك بخير والجنين بخير كانت مجرد الام بسيطة طبيعية ببداية الحمل من امس المفروض تقدر تطلعها بس المريضة تبي ترتاح والحين تقدر تاخذها
راكان:اذا ما عليك امر ابي اسوي فحص ال d n a
الطبيبة استغربت:ليش اننت شاك انه مو ولدك
راكان بدور على كذبه:لا كانت متزوجة واحد قبلي وطلقته وتزوجتها بسرعه وحملت بسرعه وهي تقول انه ولدي وانا شاك انه ولد زوجها الثاني
الطبيبة بتفهم:انشاءالله لما يولد الطفل عشان صعبه نسوي هالتحليل والطفل ببطنها
طلعت رهف وهي حاسه نفسها دايخة مسكها راكان ومشي معها للسيارة
&&(رهف لون عيونها رمادي عيونها واسعه جسمها متوسط والطول متوسط بشكل عام جميلة من كل النواحي بالشكل وهي كانت تحب راكان وهو الولد الوحيد الي من اول ما دخلت الاستراحة وهي معه عمرها 19)
رهف:اسفه تعبتك معاي
راكان ببرود:لا عادي
رهف:اهلي ماتو بحادث سيارة من قبل اسبوع وساكنة لحالي بالبيت والسواق ما يرد فما لقيت احد اتصل عليه غيرك
راكان حزن على حالها وقال:رهف تتزوجيني؟
**
بلندن الساعة 10:11 بغرفة هديل زهقت من جلوسها بالغرفة اخذت حجابها وجاكيتها وجوالها وطلعت برا بالحديقة تشم هوا وفتحت جوالها واتصلت على فتون
فتون:هلا بالعروسة كيف بيريطانيا معاك
هديل:الحمدالله تمام وحشتيييييينيي حيييل
فتون:وانا اكثر شخبار خالد
هديل:الحمدالله بخير وانتي اخبارك
فتون:ماشي الحال بس طفشانه مرا
هديل:طيب روحي سوي شيء مفيد بالحياة
فتون:مالي خلق توي افتكيت من الدراسة اروح لدراسة ثانية لا طبعا
جات سيارة خالد داخل الحديقة وقفها وهديل ابعدت نظرها عنه
خالد فتح الشباك:تعالي بنروح السوق
هديل:فتون يلا باي بسكر بنروح السوق الحين
فتون:سلميلي على خالد وجيبوا لي هدية لا تنسي
هديل:انشاءالله
واغلقت الجوال وجلست جنبه بالسيارة وكان الصمت مالي المكان حتى وصلوا لمحل كبير مثل المجمع فيه ملابس وهديا واشياء تذكارية للندن والخ.....
فتحت الباب وطلعت وراحت بجهة وخالد بجهة بالسوق دخلت قسم ملابس النسائية وبدأت تاخذ بلوفرات وبلايز بالكيس المخصص للمحل وجا واحد ملامحه تدل على انه جميل وسعودي وقال من وراها:هلا يالمزززه
التفتت هديل لورا وقالت:مزة بعينك احترم نفسك
...:تبين رقمي يا حلووو
هديل سفهته واخذت اشيائها وراحت وهو يلحقها والتفتت لوررا:خلاص اتركني بحالي
...:نووو اعطيني رقمك بالاول
هديل شافت خالد عند جهة الكتب وسوت نفسها تشوف كتاب وخالد ما انتبه لها عشان تشوف وش بيسوي لو جا هذاك الولد وتغزل فيها
...:طيب عالاقل وش اسمك يا جمييل انت
خالد التفت ولما شاف هذاك الولد قريب من هديل سحب هديل لعنده وقال:احترم نفسك يا الكلب حتى الكلب مؤدب اكثر منك
ورفسه برجله ومسك ايد هديل وراح لمكان الحساب ولما خلصوا طلعوا وراحو عالبيت
**
بالرياض الساعة 2 ظهرا ببيت العم محمد بغرفة أسماء تحديدا جالسه بالسرير والكاميرا حطتها تحت السرير واخذت السيدي وشغلته بالاب توب واول ما بدأ المقاطع حطت ايدها بفمها:معقووولة هاذي لا لا لا مو انا مو انا
واول ما سمعت شخص بيفتح الباب اغلقت الاب توب
راكان شك فيها بحركاتها السريعة بغلق الاب توب وقال:يلا الغدا امي ساعة تناديك ما سمعتي
أسماء بتوتر:لا ما سمعت الحين بجي
طلع وراح لغرفته ورا الباب ينتظرها تطلع وسمع صوت خطواتها بالمشي لتحت حتى انتهى الصوت ودخل لغرفتها وفتح الاب توب ما كان فيه كلمة سرية واول ما فتحه شاف المقطع يمشي و....
**
قبل ساعتين
راكان حزن على حالها وقال:رهف تتزوجيني؟
رهف ما صدقت ووابتسمت:ايه
راكان: بكرا بملك عليك وتجين تسكنين عندنا
رهف بفرحه:موافقه
راكان بحنية:عندك احد من معارفك او اقاربك او صديقاتك يقدر يجي عندك وينام هالليلة معك عشان ما اضمن انه ما يصير فيك شيء
رهف بإبتسامة:ايه صديقتي حنان الحين اول ما ادخل بتصل فيها
راكان:يلا مع السلامة
رهف فتحت الباب:الله يحفظك
وطلعت وراحت لفوق ودخلت الشقة
**
بلندن بالليل الساعة 9 بغرفة هديل جالسه تشوف الجوال والرسايل وتسولف مع فتون بالواتس اب وفتح خالد فجأة الباب:هديل جاهزة
هديل التفتت خايفه منه:لا
خالد مسك يدها بقوة وهي تحاول تفك يدها ما نفع:خالد وييين بتوديني خالد
خالد وصل للغرفة نوم لشخصين ومسكها بيدينه وهو يحاول يقرب منها و.....
**
بالرياض
بالشقة عند احمد ووئام عايشين بسعاده مثل عصافير الحب ... حياتهم تخلو من المشاكل واحمد صار يهتم فيها اكثر من اول ودوام الشركة يومين بالاسبوع وكل باقي الايام يجلس مع زوجته وئام يهتم فيها يطبخ لها اكل جا اتصال له رد
...:احمد فيصل ماله اثر دورنا عليه ما لقيناه
احمد:وشوووو دوروووه لازم تلاقوه
**
انتهى البارت توقعاتكم
راكان&رهف
أسماء&فهد
خالد&هديل
احمد وش علاقته بفيصل؟