انا مو مثل غيري أجي بدقة الاصبع ..اسمها الجديد..((أنثى الذئب))

**daniel3riddle** · 03-10-2013, 06:28 PM

رد: انا مو مثل غيري أجي بدقة الاصبع ..اسمها الجديد..((أنثى الذئب))

تحمس متى تنزلي الجزء الجديد انا كل يوم امر عندك و اشوف اذا نزلتي
تحمسس مرررره بليز كمليها

Sent from my iPhone using منتدى عبير

**عذبة مشاعر** · 09-10-2013, 07:58 PM

رد: انا مو مثل غيري أجي بدقة الاصبع ..اسمها الجديد..((أنثى الذئب))

هلا ومرحبا حبيباتي .. مزمز .. ساندرا .. أنة حرف .. daniel3riddle
مروركم ومتابعتكم تسعدني ويدفعني للاستمرار .. كونو بالقرب دائما
الجزء القادم بنزله الليله ان شاء الله بمناسبة الاجازه .. انتظروني .. ولا تحرموني من تواصلكم .. وبالنسبه للي سألتني ع الخاص .. انها تبي تنقل القصه لمنتدى اخر .. ايوا ماعندي اشكال لكن احفظي لي الحقوق .الروائيه عذبة مشاعر ...الى لقاء قريب.

**daniel3riddle** · 09-10-2013, 08:01 PM

رد: انا مو مثل غيري أجي بدقة الاصبع ..اسمها الجديد..((أنثى الذئب))

تسلمين لي
شكلي ما بنام الليل

**عذبة مشاعر** · 10-10-2013, 12:38 AM

رد: انا مو مثل غيري أجي بدقة الاصبع ..اسمها الجديد..((أنثى الذئب))

مراحب حبيباتي .. اعتذر وبشده النت دممار بشكل مو راضي ينسخها ..بحاول فيه الصباح بكره .. ان شاء الله بكره يكون نازل هنا ..اعتذر مجددا

**daniel3riddle** · 10-10-2013, 10:46 PM

رد: انا مو مثل غيري أجي بدقة الاصبع ..اسمها الجديد..((أنثى الذئب))

عذبه حبيبتي طولتي تحمست اقرى الجزء الجديد

Sent from my iPhone using منتدى عبير

**أنة حرف** · 11-10-2013, 01:14 PM

رد: انا مو مثل غيري أجي بدقة الاصبع ..اسمها الجديد..((أنثى الذئب))

عذرك معكي حبيبتي
بس لا تتأخرين نتنظرك
تحياتي

**daniel3riddle** · 17-10-2013, 05:50 PM

رد: انا مو مثل غيري أجي بدقة الاصبع ..اسمها الجديد..((أنثى الذئب))

عذبه يا الغلا اشتغل النت ولا بعده عطلان :"(

Sent from my iPhone using منتدى عبير

**عذبة مشاعر** · 20-10-2013, 05:20 PM

رد: انا مو مثل غيري أجي بدقة الاصبع ..اسمها الجديد..((أنثى الذئب))

هلا ومرحبا حبيباتي اعتذر جدا على التأخير ,, طلع جهازي به فيروسات بشكل ظلمت النت .. وديته يتصلح وابشركم بكره باخذه .. واوعدكم هالمره اول ما استلمه بنزلها ^^

**daniel3riddle** · 20-10-2013, 10:22 PM

رد: انا مو مثل غيري أجي بدقة الاصبع ..اسمها الجديد..((أنثى الذئب))

فديتك والله عذبه
طول الوقت انتي على بالي (:

Sent from my iPhone using منتدى عبير

**عذبة مشاعر** · 22-10-2013, 12:15 AM

رد: انا مو مثل غيري أجي بدقة الاصبع ..اسمها الجديد..((أنثى الذئب))

¤الجزء السابع..

...الدم كان مغطي وجهه بشكل مريع فتحت فمي وعيوني للاخر كنت بصرخ شكله يخوف رفعت نفسي وايديني على كتوفه وصار وجهي قريب منه ..كنت ابي ارفع نفسي عشان انزل
كنت بسأله وش فيك لاكن تذكرت اني لهذه اللحظه ماعرف اسمه طالعني وكش جلدي كله وبسرعه حاولت انزل
وقف عن المشي ونزلني حرتني رجولي اووه نسيت اني هاربه حافي .. ظل يدور شي في جيوبه .... تلفت حولي بإمكاني اهرب بين السيارات وصعب يمسكني لا كن الناس خاصه الشباب كثيرين في هالمكان وصراحه انا خفففففت بقوه ماكان عندي احد حسيت البقاء معه أكثر أمان شعور غريب في داخلي غير متزن اضطراب وقلق ... مد لي كرت
:روحي اسألي عن هالشخص وخلي حد يوديك له
عصبت من جد :نعم تستهبل حضرتك وش صرت انا سلعة ت..)قاطعني وهو يمشي عني:انا مجرد عميل لهذا الشخص ومهمتي اجيبك له لكن لما اخذتك رحمت حالك ولما رفضت اوديك له )التفت لي وهو يأشر على وجهه): هاذي النتيجه
)ومشى عني
من صدقه هذا انا تووي نازله من الشقه بس اي صح هو تأخر كثير مالحقني بسرعه يمكن جاو له بذا الوقت .. بس هو كان عاري عشان كذا تأخر بس اف ياربيي دخت وحسيت بلوعه الحين اقدر اروح وين ما ابي بس.. بس.. كيف يعني
وين اروح بالضبط ..انا وين اساسا ..وهذا الشخص الي بالورقه ليه جابني هنا.. كيف عرفني..صدع راسي بقووووه
وانا في هاذي المعمعه رفعت راسي شفت مجموعة شباب اماراتيين زقرت جايين لجهتي .. نزلت راسي لتحت وحاولت اخفي وجهي قدر الإمكان .. بس والله ما انكر انهم حلوين خخخ .. وقفو قبالي قال واحد منهم بذوق وهو يأشر على سياره همر
:انسه غدير تفضلي معنا بنسير نوديك عند الي يابك هني
ارتعت وطاح قلبي برجلي لأنه عرف اسمي .. فالتفت بعيني ادور الي خطفني وين راح وخلاني الحقير .. شفته عند الفندق بيدخل بس كان واقف يطالعني وشكله غريب طاحت عيني بعينه ابتسم باستهزاء ودخل الفندق
سلمت بالأمر الواقع
وحده في مثل ظروفي ابد مالها اي خيار ثاني غير انها تروح معهم ركبت السياره وعطاني واحد منهم شماغه وحسيت طاح وجهي من الاحراج ومشت بي السياره لمصير مجهول

&&&&&&&
كان جالس بمكتبه ويقلب الاوراق وعقله ابد مو معه رجع ظهره للكرسي وسند راسه عليه غمض عيونه بقوه وبأيد شال الغتره والعقال وبالأيد الثانيه كان يفرك جبهته من الصداع وهو بهاذي الحاله انفتح الباب على مصراعيه ودخل لافي شايل كرتون كبيييير واول ماوصل عند المكتب رماه بقوه على الاوراق والملفات
قام بدر والعصبية عامله عمايل :وجع ان شاء الله لافي انهبلت
نفض لافي يده ورمى نفسه على الكنبه وهو ينافخ: ماي
وغمض عينه
مسك بدر قرشة ماي وفكها وراح للافي اللي رايح فيها من التعب:ابد ماطلبت شي
ورفع القرشه على راسه وسكبها كلها
ولافي لايهزك ريح ماحرك اي ساكن كان مستمتع بالماي البارد
ابتسم بدر غصب عليه :وش جايب معك ورمى القرشه الفاضيه في الزباله البعيده بإحترافيه وراح لجهة الكرتون وفتحه لقى رزم اوراق مرميه بشكل عشوائي شال مجموعه وبسرعه تركها وهو ينفض يده ويكح من الغبار اللي طلع
:ول وش ذا من وين جايبهم
قام لافي ورفع ايدينه يتمغط
:من المخزن اللي تحت
بدر ولسا يكح: طيب ليه تروح هناك معينينك زبال الشركه وانا مادري
قام لافي وعيونه تلمع بحالميه وحضن بدر من ورا:ادورها يابدر بس مالقيتها
شال بدر ايد لافي عنه بقرف خاصه ان لافي كان مقزز من ريحه ووسخ مايحتاج: ابعد لعنبو دارك على هالريحه ياه >>رفع يده يسد انفه >> وبعدين من هي اللي تدورها....
جا لافي بيحضن بدر مره ثانيه
بس بدر بعد عنه بسرعه وراح ورا المكتب فجلس لافي على الكرسي مقابل المكتب :صرصورة قلبي يابدر اه بس لو تشوفها جبتها معي من البيت لقيتها في دولاب ملابسي تجنن >>مسك ايدينه بشاعريه >> بريئا
جلس بدر على كرسيه وكبده لايعه حدها:افهم من كلامك انها دخلت المخزن ورحت هناك تدورها
لافي بنظرات تسطنع الحزن باحتراف:اي بس مالقيتها دورت كل مكان
تسند بدر على الطاوله بإيده اليمين ويطخطخ بأصابعه على الطاوله ورفع ايده اليسار وسند عليها خده ورفع حاجبه:
يا حرام
قام لافي باستهبال ويمثل البكى وبيحضن بدر
على طول قام بدر وكأنه ملدوغ:روح روح عني يالزلابه وشيل هالكرتون من على مكتبي والله لو يشوفنا المدير ليلعن خامس جدنا
لافي بملل وايديه بجيوب الثوب
:اف ولا اف ياخي الواحد ماياخذ راحته اف قراف
بدر بمياعه استعباطيه:ياربييييه
>وعدل صوته ~والله مادري من اللي يقاله قرف ^ويطالع لافي من فوق لتحت لأنه من جد كان مقرف
:اقول يالافي تدل الباب ،ولا أقول لك لحظه~ رفع السماعه وجلس يتكلم على خفيف وسكر السماعه وعلق عينه على الباب ،شوي دخل ابو راشد معه ورقه واعطاها لافي وطلع،أخذ لافي الورقه وجلس يتحلطم ويسب،طالعه بدر بنذاله :افا يالوفي ماعجبك ، بالعكس هذا لصالحك عشان تلاقي صرصورتك،~خازره لافي بنظره ناريه:والله ذا الأمر ماجا الا من تحت راسك يابو شنب ،يالسخيف،اجل انا لافي على سن ورمح انظف المستودع،شغال عندك ولا شغال عندك ،~بدر برواقه: لا عند المدير انا مالي سلطه ولا كان خليتك تنظف مكتبي بالمره
رفع لافي حاجبه اليسار ولوا شفايفه مستنكر وشال الكرتون وطلع ))يعني أني زعلان
أبتسم بدر بيأس هالافي مستحييل يعقل
&&&&&&&&&&&&&&

في جهه ثانيه كانت غاية في غمار تجربة جديدة لخلطة تبييض ~ وشوق جنبها تذاكر ~ونوف على الرياضية
وهم بالوضع هذا دخل فهد وباين ان خلقه معفن
جلس جنب نوف وشد شعرها وهو يتنهد:إيييييييه حظكم يالبنات اميرات بس جالسين بالبيت وطلبات وحنا ياغافلين لكم الله
~شالت نوف يده بالموت وهي تتوجع:كسر ولا كسر بهاليد فيك حره طلعها في اللي مضايقك مو في شعري عمى الغبي
~ابتسم فهد بتعب وهو يسند راسه على الكنبه : ساحره والله ساحره وش ذا الكلام المحترم اللي يقوطر منك
~سفهته ورجعت تتابع الرياضية كان برنامج عن الخيول العربية الأصيلة ومميزاتها
~غمض فهد عينه وثواني الا نام ومافي وحده من البنات تنزلت تغطيه اوحتى تصحيه عشان يعدل نومته>>

~كلها ٥ دقايق الا دخل عمر مع سامي وعمر سييده على غرفته
ويصفق الباب أقوى شي ~نوف كعوشت:ول ول سلامات شفيه عمير
نادى سامي وحده من الخدم وخلاها تسوي له عصير برتقال طبيعي وطلع لغرفته
نوف بعد صفرة إستهبال:شفيهم عيال ابو النار مشتطين
.ناظرتها غايه بدون نفس ورجعت تركز على يدها~سكرت التلفزيون وراحت عند عمر فوق الفضوول ذابحها،طقت الباب مافتح:عمر عمور عمير ولد افتح~سفها عمر لين راحت وهي تتحلطم~

&&&&&&&&&&&&&
طلعت من غرفتها وهي عاصبه راسها ومزاجها ولا بريالين.جلست في الجلسه اللي بالتهويه
وانسدحت على جنبها اليمين كل شوي تغير سدحتها لين طفشت وقامت تحوس بالساحه ويدها على راسها تضغط فيه تحسه بينفجر~طلعت امها من غرفتها وشافتها :نوير شفيك
نور بتعب واضح:صداع فتاك
جلست ام عادل في الجلسه وبمصخره على بنتها:اي اشوفك تحتركين وتغسلين الصحون والحوش هبابك لازم تصدعين
~جلست نور على عتبة الجلسه:من اسناني ~وبصوت عالي:بمووووووت
~ضحكت امها عليها وقامت عنها للمطبخ وخلتها تبنبع لحالها~
الا على دخلت عادل وشكله تعبان حده سكر الباب وتوه يلتفت بيدخل البيت
الا ذيك اللي ناطه بوجهه ~ وبنظرات مستغيثه~: المستشفى المستشفى هلم بنا
عادل من غير نفس : ليه شفيك
نور تتمسكن : اسناني العقل طلع ابشرك ابي اقشعه قبل لا اموت
عادل : بعدين بعدين تعبان يانور ما فيني حيل احك راسي
نور مصررره: احكه لك ولا يهمك ودني طلبه
كسرت خاطره وحن عليها بس مافيه طاقه ابدا... جات امه ونادته : عادل يمه ادخل غير هدومك على ما اجهز لك شي تاكله
عادل وهو يطلع الشارع : لا يما ما قصرت بودي نوير المشفى ...ويوجه كلامه لها .. وانتي الحقيني على السياره بسرعه
وطارت نور ركض وهي فرحانه الوجع هلكها اخيرا بتفتك
&&&&&&&&&&&&&&&&&&
ساره كانت تجهز مع امها لملكة ذياب اللي مابقى عليها الا يومين ..
ساره : يما لا تعزمين الحي كله خليها عائلية مالي خلق ناس واجد
ام ذياب : ولدي البكر وتبينها عائليه لا والله
ساره بملل : تكفين والله ماشتهي ناس معينه تجي تحسد وتتمشى بالبيت . على الاقل لو بتسوينها للكل لا تفتحين الصاله حدهم ملحق النسا وبس
ام ذياب :لا تفشلينا خلك كريمه وفتحي بيتك للضيوف
ساره وبدت تعصب : أي ضيوف يرحم والديك يا يما كلهم عدوان من زود محبتهم عاد همهم بس يسألون عن اخواني يبون نخطبهم ويعيشون بذا العز اللهم لك الحمد شوفي نظراتهم بس
ام ذياب : يعني وشو
ساره بإصرار شديد : يعني حدهم الملحق ..الملحق كبييير ويوسعهم وبيتنا نقفله والمفاتيح عندي ... * وبمزح *:فيما لو سولت لك نفسك تفتحينه لهم
ام ذياب رضخت لراي بنتها ماعندها الا هي ما تبي تزعلها
انفتح باب البيت على مصراعيه ودخل خالد ركض وانخش ورا امه وفيصل وراه نفس الشي .. شوي ودخل تركي يصارخ : والله ماخليكم والله لو وشوووووو
ام ذياب : و ي شفيك يبا صلاة ع النبي
تركي وهو ينافخ واضح انه راكض لين قال بس : هالعبيد اللي وراك ان ما جزيت راسهم ماكون انا تركي
فيصل وخالد ميتين ضحك دموووووع وماسكين شال امهم فيما لو قرب منهم تركي
ام ذياب : طيب قول وش سوو لك
حضنها خالد من ورا : اميييي
ام ذياب بحنيه وحب واضح : ابوي وعيوني
وفيصل حضنها من الجانب الاخر : أحبشششششش والله
وحب راسها
قرب تركي منهم وصرخو صرخه وحده
ومدت امهم يدها لتركي يعني وقف لا تقرب : بس يبا قول اول وش فيك
تركي بنظرات ناريه يطالع فيصل وخالد .. وهم يضيعون السالفه : مسويين لي مقلب زي وجيهم طلعت من العمل مع ان مناوبتي ما خلصت
ام ذياب بإهتمام : زين يبا حصل خير
تركي بعصبيه: لا والله ماحصل خيرررر .. انا برجع المشفى الان لكن في احلامكم اطوفها استنو لين ارجع بسس والله اللي يشوفكم ما يقول انا اصغركم
وطلع وهو معصب وصفق الباب وراه..
ساره ارتاعت من صفقة الباب وشهقت
التفو عليها فيصل وخالد ..وبصوت واحد : من متى انتي هنا ..؟
ساره : ايوا وشو المقلب
سفهوها ورجعو لامهم يغلسون عليها وعجزت تطلع منهم السالفه
........&&&&&&&&&&&&
في دوله اخرى
نزلت غدير من السياره وهي متلثمه بالغتره
حصلت روحها بحديقة بيت كبيييير فيها نوافير وبركه واعشاب و ورود مختلفة الالوان ..
تعجبت جدا خاصه انها اول مره تشوف بيت كذا على الطبيعه بعد الصندقه اللي كانت عايشه فيها
رجعت للواقع
وقفت مكاني ماقدر اتحرك احس رجلي منشله .. انا وييييين ولا وين ولا ويين ..مشاعرر ملخبطه اقوا شي ...قرب مني واحد منهم ورجعت ورا تلقائي وهو حس على دمه و وقف .. تفضلي اختي .. مشى قدامي ولا يناظر وراه .. ومشيت وراه مضطره وش اسوي والله مو بيدي ..خاصه انه بدا يبعد عن مدى نظري .. دخلنا البيت و فتح لي غرفه وشغل الانوار والتكييف .. وناظر لجهتي من غير لا يرفع راسه
:استريحي هنا ..تامرين على شي
طارت عيوني وقلت بسرعه: انا وييين وش امر على شي وين رايح ..~خنقتني العبره
..رفع راسه يطالعني ورجع نزلها مره ثانيه :والله مادري وش اقول لك .. لكن استريحي هني .
. / وطلع على طول ما عطاني فرصه اتكلم بس واضح متأثر وحاس بشعوري .. جلست على اول كنبه جنبي ومسكت المخده دفنت وجهي فيها واصيح .. احس بثقل جبل جبل بصدري ما قدرت خلال الايام اللي فاتت اني افكر بوضعي بأهلي بناسي بصديقتي بالجامعه .. اصلا ما امداني افكر , كل شي صار بسرعه , حسيت اني بنام عيني بدت عيني تغفي تدريجيا , لكن مستحيل مابي انام سلامات بيتي وانا مادري لازم اشوف انا وين وبأي قلعه مرميه اففففففف مسحت دموعي و انسدحت على الكنبه احس بيجيني انهيار عصبي .. واحس بجووووووع فظيع ماكلت شي من كم يوم ..انفتح الباب واعتدلت ف جلستي بسرعه .. دخلو خدم 3 فليبينيات شكلهم لابسين بنطلون وسيع ابيض وقميص للركبه كحلي ومريله بيضه وقبعه بيضا .. حسيت فيلم كرتون .. رجعتني وحده منهم للواقع لما قالت
: مسس كادير تعالي هينا سوا سوا أشان سوي تنظيف تفاجأت باللهجه المكسره توقعت بتتكلم انقلش على هالكشخه .. رديت عليها بحزم : هذا بيت حق مين قالت بغباء واضح
: حق مستر
لا ياشيييخه . بس يالله على الاقل عرفنا انه رجل مو امرأه . ... حاولت استدرجهم : شنو اسمه بابا ؟
صخووووو ثلاثتهم ولا وحده ردت .. شوي وتكلمت وحده قالت : What's the meaning of what his name {يعني ايش ما اسمه } هنق مخي للحظه وتجمد .. اخيرا وحده تكلمت انقلش بس يا ان سؤالها غبي او يا ان هم فعلا ما يعرفون شي اسمه اسم يمكن ينادونه بلقب استعجلتني وحده وقالت : سوووورعه مسس لازم كلاس تنظيف قلت استغل الفرصه لصالحي : انا جائعه ابي اكل نم نم همم طارت عيونهم على التعويذات اللي قلتها وردت اكشخ وحده فيهم
: Come with us will give you food, we prepare a hot bath you even become a best of dissolved before it reaches Mr.
(تعالي معنا سوف نعطيك الطعام ونقوم بتجهيز حمام ساخن لك حتى تصبحي بأبهى حله قبل أن يصل السيد )
والله نص كلامها ما فهمته ... حدي حار وطعام و سيد قمت معهم لان الجوع فعلا قتلني مشينا بممر كبير سجاد فخم بنفسجي مطرز بالابيض على الجوانب .. الثريات مختلفة الاحجام والاشكال على طوول الممر المناظر الطبيعيه الضخمه معلقه على كل الجهات وقفنا امام باب غريب شكله.. انفتح الباب بلمسة زر اكتشفت بعدها انه مصعد ما شاء الله عماره هذا مو بيت دخلت معهم ولما انفتح طلعت على ممر اخر لكن السجاد هالمره ابيض وعلى اطرافه بنفسجي وكان امامي مباشرة باب كببيير جدا كأنه مدخل لبيت فتحو الباب بمفتاح كانت تمسكه الكشخه.. جناح فخم مو غرفه , امامي قطع من السجاد مختلفة الالون والاشكال والاحجام كل قطعه بجهه وبنص الغرفه فيه سجاده دائريه ورديه وحولينها كنب ابيض دائري وعليه مخدات بشكل ورد وردي ومعلق بالجدار تلفيزيون بلازما كبيييييير جدا وتحت التلفاز رسيفر واجهزه واضح انها العاب سوني وغيرها و على يسار هالجهه الورديه فيه سجاده خضراء كبيره وعليها ادوات رياضيه جري سيكل اثقال بسيطه واستريو مشاعري غريبه جدا بهاللحظه نسيت كل شي حتى نسيت اني مخطوفه وفيه 3 غرف داخل الغرفه اللي انا فيها راحو فتحولي غرفه قالو هذا الحمام دخلته : واو ما هذا فخم فخم شوي عليه كله زجاج في زجاج حتى الصنبور زجاج مغسله كبيره زجاجيه ومرايه كبيره فوقها وبانيو كبير دائري زجاجي والبانيو معزول بستاره من الاعواد الزجاجيه والارض زجاج ملون المنظر جميل لدرجة خنقتني العبره طلعت من الحمام و فتحت الغرفه اللي بعدها لحالي من غير ما استناهم يفتحونها واحس الوضع عندهم عادي جدا ماحد استنكر جرأتي / حصلت مكتبه كبيييييييره على مدار الغرفه وبالنص فيه طاوله برتقاليه متموجه و حواليها 5 كراسي بنيه شكلها متموج ايضا لاكن فيها كفرات وتدور وهذا حلم حياتي اجلس على كرسي يدووووور وفيه بالجدار اللي بنص الغرفه نافذه زجاجيه طويله تطل على الحديقه ومغطاه بستاره برتقاليه تنزل عليها كرستالات بنيه طلعت من الغرفه وفتحت اللي بعدها ودخلت على غرفة نوم شوي عليها كلمة واو سرير كبييير احس يكفي ل10 اشخاص دائري والشراشف ورديه مع ابيض ودمى بكل مكان بالغرفه وتسريحه كبير وفخمه مدرجه بين اللونين الابيض والاصفر وعليها ادوات تجميل كثيييييييره مليان عطور واكسسوارت وداخل غرفة النوم فيه غرفه مفتوحه عليها بس بدون باب عليها من برا كرسالات تتدلى فقط دخلتها وحصلت فيها دواليب وادراج راقيه مليانه ملابس وشنط واحذيه واكسسوارت واضح انها غرفة تبديل .. ولاول مره وانا اتمشى بالجناح افكر بالمالك واضح انه راهي بس ليه دخلوني هالغرفه يمكن غرفة زوجته ولا شي طلعت من الغرفه ومسكتني وحده منهم قالت : مسس تعالي وجرتني معها ودخلتني الحمام قالت :شاور
شكلها تبيني استحم قدامها سلامات حاولت اطردها لاكن مافيه امل .. وحاولت اقنعها اني بستحم وبطلع ماراح اهرب او اضيع وقتهم لاكن صعب التفاهم معها , لما حست اني راعية طويله ..طلعت جوال من جيبها وتكلمت خرابيط بلغتهم و شوي انفتح الباب ودخلت وحده اثيوبيه قسسسم طاح قلبي برجلي . اشرت لي ان اشيل ملابسي ويالله ع البانيو دخلو بعدها ثنتين فلبينيات بيدهم ادوات وش كثرها كريمات وشامبو وغسول ومعجون اسنان ومطهر يد وبدو يوزعونهم بأدراج الحمام وفتحت وحده منهم الماي للبانيو وانا مستحييييييييييييييييل اشيل ملابسي قدامهم وين قاعدين فيه طلعو كلهم وباقي الاثيوبيه مع الثنتين الجدد وغصب عني دخلوني البانيو بملابسي لين ما شالوها كلها وصرخت صرخه عاليه ارتاعو هم بس واصلوا كأنهم متوعدين على هالشي حقددددت من كل قلبي على ها المستر .. حقير حقير شكله متعود يجيب بنات هنا ويخلي هالخدم يضبطونهم عشان يفلها معهم جلست ادعي عليه بداخلي وحده من اللي موجودين رحمت حالي و حاولت تتواصل معي بلهجتها المكسسره : معليش مس مافي زألان كلو انا انتي هادا *وتأشر على الثنتين اللي معها *..:كلو بنات مافي مشكل .. انا خلي انتي عروسسه حيلوه ضحكتني لهجتها وانا بنص العصبيه والصياح ,, هديت شوي وصرت اتحمم بسرعه حطو لي بالبانيو رغوه ورد دخت على ريحته وسندت راسي على المخده وقامت وحده منهم فتحت شي بالجدار وضغطت زر واشتغل البانيو اللي انا فيه وصرخت بقوه ارتعت ضحكو علي .. مالت عليهم وقالت الحليوه اللي استلطفتها فيهم : هادا جاكوزي خلي انتي هنا 10 دقيقه اوووكي وطلعو من الحمام كلهم اخيييييرا استرخيت على حركة الماي والريحه وسندت راسي افكر بكل شي وبالمستقبل المجهول وبالمستر اللي جابنا هنا لين غفت عين &&&&&&&&&

انا مو مثل غيري أجي بدقة الاصبع ..اسمها الجديد..((أنثى الذئب))

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget