&&&&&&&****&&&&&&&
"جالسة في الصالة تفكر في حياتها شلون بتكون شلون تكسب قلب زوجها وكيف تخليه يحب الجلسة في البيت حللت الكتب الي تتكلم عن رومنسية الحياه الزوجية والطريق لقلب الرجل واسرار السعاده
وقرتها اكثر من مره
قطع عليها سرحانها صوت نوف:تصدقين تو ساره داقه علي تبينا نروح لهم نور عندها بس حظنا النحس مافي احد من اخوانك هنا"وباستدراك" الا تعالي انتي وين كنتي سرحانة"وقامت من مكانها وسحبت الكتاب من يد غاية ورجعت مكانها وبصوت مايع قرت عنوان الكتاب "ليالي رومانسية افففف اتعب صراحه
"اعتدلت غاية في جلستها وهي تناظر نوف بدقه
جلست نوف بطريقه نظامية استعداد لتلقي محاضرة مجانية من غايه
غايه :وليش تتعبين انا اقرأ كتاب فيها شي
"نوف:لا لا لا ماكان قصدي امزح معك
"غايه:وين المزح ماشوفه ولا حسيته في كلامك
"نوف:اوووه غويه عاد لا تمصخين السالفه
"غايه:اي سالفه انتي شفيك
"نوف تضيع السالفة:اقول لا تتعبين نفسك وتقرين هالكتب ترى ذياب يموت في ترابك
"ازدادت حدة نظرة غايه:على كيفك انتي وبعدين شلون تقولين انه يحبني شقصدك يعني انا اكلمه اشوفه اطلع معه
ولا احنا قاطين الميانه مع عيال عمنا وقرايبنا مثل هالناس قليلين الحيا
"نوف:انا ماقلت كذا بس يمكن يحبك من يوم كنتي صغيره وبقاك له وحيرك
"غاية ومنصدمة من تفكير اختها:انتي اكيد عقلك فيه شي ولا اكيد متأثره من هالقصص ولا الروايات الي تقرينهم
عطيني كلام منطقي يقبله العقل احنا عايشين في بيئه سعودية محافظة تطبق شرع الله لها حدود في الحلال والحرام والمحظور والمباح
في شي اسمه محارم وغير محرم وبعدين انتي تدرين من متى تقطينا عنهم من وصلت صف ثالث ابتدائي والقطا ما طاح من راسي
وكلام الحب والتخريف حقك هذا شيليه من راسك
"نوف الي طينت السالفة اكثر:لا والله خلينا نعيش حياتنا حلو لما اسولف مع عيال عمي على الماشي والزواج التقليدي هذا ما حبه لازم يكون قبله حب
"غاية بهدوؤ:تذكري كلامي زين اي شي كائن من كان يخالف امر الله وسنة رسوله نهايته الفشل او الدمار
الرسول عليه السلام شفتيه كيف زوج بناته كانو على ستر ودين وازواجهم يحبونهم
شلون تبين حب قبل الزواج هذا ماله الا سلوك طريق غير شرعي
"نوف وبدت تعصب:
انا ماقلت كذا
"غايه:هذا معنى كلامك ولا يالله عطيني طريقة من طرقك الفذه
"نوف:الحب يجي من نظره كلمه
"قاطعتها غايه:حلو انتي فضحتي نفسك وكشفتي زيف افكارك
اقولك شلون تجي من نظره اومن كلمة اول شي النظره او الكلمة طبعا مراح تكون الا من غير المحارم
"قاطعتها نوف:مو شرط يمكن من اهلي عيال عمي او عيال خوالي
"غايه بتطلع عيونها:قسم بالله انك ... "ومسكت نفسها"يعني عيال عمك وعيال خوالك عادي يعني محارم اجل قطي عباتك لاجو وهزي ورقصي قدامهم قال عادي قال عيال عمك وعيال خوالك غير محارم لك حرام تكشفين لهم حرام تكلمينهم والواجب تعاملينهم معاملة الأجنبي الي مايمت لك بصلة فاهمه
يالدارسه المتوعية
وشي ثاني قلتي الحب يجي من نظره انتي ناسيه ان العين تزني وزناها النظر يعني نظرتك لغيرالمحرم بحب زنا ومالك حق تنكرين
وثالثا من كلمه انتي ناسيه كلام الله عزوجل ولا تخضعو بالقول فيطمع الذي في قلبه مرض
شفتي الحب اذا بينشأ لازم بعقد شرعي بعدين المرأه العفيفة تطلع فنونها في كسب قلب زوجها وهو كذالك
لكن لو ارادت حب قبل الزواج بهاذي الطريقه لازم تسلك مسلك غير شرعي وتخون ثقة وامانة اهلها بها وحتى ثقة زوجها لأنه بيقول هي تجرأت معي قبل الزواج اكيد سوت كذا مع غيري وبالتالي ماتنفع مربية لأطفالي لانها راح تزرع فيهم هالأفكار المنحله
"وسكتت تاخذ نفس بعد هجومها "
نوف بنظره مشككه:طيب عندك تركي شوفي شلون يموت بشوق وهي مادري على ايش شايفه نفسها عليه
غايه:عيب عليك تقولين عن اختك كذا وبعدين تركي بقاها بالحلال وخطبها وهي رفضت وظل يحاول في ابوي لين ما حيرها له غصب عنها مع اني اشوف هذا تصرف خطأ من ابوي ما كان له داعي يغصبها عليه وهو الله يهديه ماحبها الا من كثر ماتوصفها ساره قدامه وامه الي ميته عليها خلو الولد يتعلق فيها ويبيها لنفسه عشان كذا حرام توصفين اي مره لرجل اجنبي عنها فهمتي
وانا اصلا حاسه ان زواجهم مراح يتم خاصه انها دايم تصيح عند بدر انها ماتبيه ماترتاح له وانتي تعرفين بدر شلون منطقي متفهم
ولو ان شوق ما اقنعتني بسبب رفضها واختك هاذي يبي لها جلسه
"نوف صاخه وتسمع من غير اي تعليق هذا الحل الوحيد لإنهاء اي نقاش مع غايه
"سكتت غايه شوي وقالت منهيه النقاش:انا لما اقول لك كذا مو اشكك فيك لا بس انبهك واحذرك فقط لاغير وسوالف الحب الي تقرينهم في الروايات هذا جزء من الي يتمنونه الي كتبوه يحطون امالهم وخيالهم في قصص وممكن بعد يكذبون على انفسهم بالحلف انها واقعيه عشان يرسخونها ويحولونها لواقع واساسا هو وهم
"ابتسمت نوف من قلبها لغايه هاذي الاخت ماتنوزن بذهب تخاف علي من مجرد افكار فديتها ليت ذياب يقدرها ويحافظ على جوهرها الله لايحرمني منها
وقامت من مكانها وجلست جنب غايه وقعدت تشوف معها الاغراض الي ناقصتها مابقى شي على ملكتها"
&&&&&&&&***&&&&&&&
:اقسم بايات الله انك سخيفه ياخي قدري مشاعري انا تعبانة ومسويه هالفريز وانتي ترمينه بوجهي
نور بنفس مسدوده :سوري حياتي والله وبعدين انا مارميته في وجهك عطيه احد من اهلك
"وقامت تحوس في الغرفة"
"ساره ظلت جالسه وتاكل ولا عليها من نور"
"دق جوال نور وهو مركب في الشاحن راحت جري عليه وشافت عديل الروح يتصل بك
على طول ردت بلهفه:الووو عدول وينك تأخرت يالله استناك انا ابي ارجع مابي اظل هنا
"استغرب عادل من اندفاعها ولا كأن هي الي داقه على خالها: خلاص الحين انا جاي ))))وبترييقه) ولا يمكن اخليك لحظه هناك ادري فيك حاسه بالوحده فديتك
"ابتسمت نور براحه شديده:اخ منك بس لا تتأخر ولا بهج)بهرب) من البيت
"عادل بابتسامه كسوله عذاب على وجهه:حتى من بيت خالي بتهجين انثبري لين ما اجيك
"نور:هههههه واه فديتهم انا يالله استناك الله يعينك على المحاضره الي تحتريك
"عادل:تتشمتين بعد انا اوريك
سلام
"وسكر في وجهها وهي تضحك"