تويت
بس .. انته غير
مو بأي أحد يشرفني حضوره
*** بس انته غير .. هلت وانورت
الشعر يوقف .. يوازن بك كسوره
*** والسماء لو ما بها غيم أمطرت
والورد ينبت .. يدور بك عطوره
*** والصحاري كلها روض أزهرت
والزمن يرجع .. يدور في عصوره
*** هل مضت ليله وما فيك أقمرت
يا فصول العمر .. يا برد وحروره
*** يا بحر ما فيه أسفان أبحرت
القمر شامه .. على شاطيك نوره
*** والشموس بلونك العذب أسفرت
سر حبي فيك ما هو بالضروره
*** تدري العربان و إلا ما درت
انت في قلبي تفاصيلك شعوره
*** والعيون بدون قلب ما أبصرت
لا تقارن .. نفسك وغيرك .. بصوره
*** والمعاني كلها فيك إكبرت
الحسن ما يرضي بغيرك غروره
*** والسعاده وين ما جيت إحضرت
شوفتك كالما تحدر من صخوره
*** حوله الغزلان والروض أثمرت
قلبي العاطش رمى وسطك جذوره
*** والحياه الما .. ولو لاه أقفرت
عبدالله صالح العمري
تعليق