صور يا مصوراتي<<<كل ما تلتقطه عدسة جوالي هنا ^-^

**حكايه أمل** · 23-08-2013, 03:18 PM

حفل زفاف اخوي

^^^
هادي صورة الصاله اللي اخوي راح يتزوج فيها <ربنا يتمم اله على خير
بس ادعولي اني ما أنخنق واقعد اعيط بالفرح< جد اي مناسبه فرح او حزن هالعيون بتغرقني دموع
لحظات مؤلمه انك تفرح وترقص وتغني وقلبك محروق ع فراق أغلى انسان على قلبك(الله يرحمه)

مش تصوير ايدي (تصوير اخويا علشان نشوف حلاوتها)الله يسعده ويوفقه

**حكايه أمل** · 23-08-2013, 03:51 PM

ابني والروضه

&&&
الأم اول طفل الها كل مرحله بعمره بيكبر فيها بتطير من الفرحه
وهادي انا
ابني صار بالروضه
رحت المكتبه وشريت اله شوية قرطاسيه على قده علشان يفرح وانا افرح
المهم
بيوم من الايام قلت اصحيه من النوم علشان اشوف متقبل الوضع ولا لأ
بدي أشوف كيف يومي معاه
رحت صحيته من النوم الساعه عشره ونص الصبح(مع انه الباص سبعه إلا ربع)

تجربتي الاولى(ماما قوم من النوم إلبس للروضه عدو اجا الباص )
(ماما سيبيني نايم )

وكأول يوم بالمزح عرفت ايش هي متاعبي معاه
وسنه سعيده علي ...سعيده علي...سعيده علي

هادول دفاتر مش حلوين على اختياره سبونج بوب ...وانا رتبتهم باسلوبي

**حكايه أمل** · 23-08-2013, 06:03 PM

بحر غزة

"*&*"

(طلعنا طشه حلوة انا وامي وخواتي ... صار معي قصه بتهد الحيل ومحرجه عالاخر

)
اخدت معي شوية مصاري ..لمصاريف ابني

المهم كنت حاطاهم ببيت الجوال
وأول ما وصلت
ابني :ماما صوريني
رحت اصورة ...ناسية المصاري ...واقعين عالارض
اجا شاب عالمكان اللي احنا فيه ومعجبتناش جيته
رحنا انا واخواتي على جهة تانيه برضو فاضيه فش فيها بشر
فجأة ...تذكرتهم ورحت ادور عليهم بالمكان نفسه (على العلم ان الشاب ترك هاداك المكان ولحقنا من تاني)

اختي:ايش مالك ,(المصاري ضاعوا

) هي :شفت هاداك الشاب تطلع فيكي ونزل عالارض وبعد هيك مشي لعندكو

أنا عصبت ورحتله
معلش بدي اسالك يخو لاقيت في هاداك المكان مصاري <تو وقعو مني<<فكرته محترم وامين وحيقلي تفضلي يختي اه لقيتهم
طلع وسخ وانكرهم وقال لا ملقيتهمش

كذبت عليه وقلتله

هادي الجماعه قالولي ان انتا لاقيتهم
خخخخخ عيونه ضربو ببعض ومعرفش يتكلم وقال يختي متتهمنيش اذا عايزة مصاري خدي
(حسسني ان شحات وبأشحت منه ابن أمه

)

بس قلتله
اه يلا هاتهم بدي اياهم <حط ايده بالجيبه ...وبعدين قلتله لا خلاص بديش اياهم بس يكون بعلمك مبينفعوش بالخير
طلع ايده وسكت <مدافعش عن حاله<يبقى اكيد هو

اجت امي واكلت بهدله منها وقالتلي اذا هو وسخ ليش تكلميه؟

قلتلها فش غيره اجا على مكانا وهو حرامي وكذاب وبيخوني كمان...لازم اخدهم منه
قالتي امشي لمكانا عارفه انه هو اللي سرقهم وهاي غيرهم

(راحت عليك حبيبي ...راحت عليك)باواسي حالي باغنيه خخخخ
هادي منطقه عملت الها زووووم وصورتها <كل غزة فيها

**حكايه أمل** · 23-08-2013, 06:40 PM

حبي للبحر

(((!!!@!!!)))

يا لجماله
يا لهدوءه
يا لرقي اخلاقه ..حافظ اسرارالكبير والصغير
يا لتحمله لأشكال وألوان البشر
يا لغدره
يا للحظة هيجان بعد صمت غريب
يا لابتلاعه لاجمل الناس دون النظر لما وراءه
احبك يا بحر غزة

**حكايه أمل** · 24-08-2013, 02:03 AM

بيتزا

&&

ذكريات الطفولة الجميله مفيش اشي بالدنيا بيقدر يمحيها
مثلا ونحنا صغار كنا نحن أولاد وبنات العم نتابع فيلم سوري روووووعه

لما كبرنا ...صرت ادور عليه باليوتيوب ولاقيته وحضرته مره واتنن وعشرة وعشرين <وعيطت لما شفته كتير
وزوجي اتدايق لما شافه كمان تذكر طفولتنا البريئه
تذكرت طفولتنا <يا ربي ما احلاها
وحكيت لاولاد وبنات عمي والكل صار يتذكر ويتحسر على هاديك الايام ما اهناها

المهم بدي اعرفكو على اجمل فيلم بحياتي وعمري ما راح أشوف احلى واغلى منه
للممثل السوري دريد لحام مع شوية ممثلين اطفال
اسمه(كفرون)
<<<جد بتمنى تحطو على اليوتيوب وتحضروه من الاول للاخير وما تملو منه
احلى مقطع بالنسبه الي جابر لما يعرف الحقيقه وكمان اغنية (زينو المارجي ) والبنت زينه مع المدرسه وام ودود والنمس واخر اغنيه (بان الحق)
وفي كتير شغلات رووووووووووعه

"""ابني حضروا للفيلم وحبه وصار يعيدو كتير كتير وأكتر مقطع لزق بذاكرته لما القهوة تندلق على المدرسه <ابني فاشل وصايع من صغره)

وعلى سيرتو بدي احضرو هلقيت للمره الألفين مع صحن هالبيتزا الروووووعه

&&

**حكايه أمل** · 24-08-2013, 01:52 PM

رد: صور يا مصوراتــــــــــــــــــــــــي<<<كل ما تلتقطه عدسة جوالي هنا ^-^

طبعت رجلي برمل البحر<وصورتها
وبعد هيك صرت أتطلع بالصورة إلتخمت بجد
عملتلي(خدع بصريه)
لاني أنا طبعتها طبع(الارض مجوفه)
لاقيتها بالجوال لفوق السطح(الارض محدبه)
مش عارفه كيف(لا عارفه

...أكيد ضوء الشمس عامل هالخدعه)

اول مره والتانيه والتالته راح تلتخمو فيها زي ما انا دخت بملاهي هالرجل

و
خبطة قدمكن عالارض هداره
انتو الاحبة والكن الداره
^-^

متفكرونيش عملاق من رجلي(مقاسها 37 بس)

%%

**حكايه أمل** · 28-08-2013, 02:30 AM

ليتها تشفي جروح القلب ومآسيها

###@###

أيام بيجي على بال الواحد يبكي لله في لله...لو يحكيلو حدا تاني ليش بتبكي؟...بيقوله مش عارف ..يا أخي انا حر جاي على بالي أبكي *,*(من كترة الضغوطات النفسيه)

يقال أن اللامبالاه هي اخر فصول الوجع
ويقال انها تنمو عند تعرض الشخص لحرب نفسية طويله
وتظهر عند اشتداد هذه الحرب

هنيئا لقلبي زائرها الجديد (اللامبالاه)
<<بس على فكره والله طلعت اشي حلو كتير...على قد ما كنت اهتم لكتير امور وادقق عليها واتغاظ من اساليب البشر الا انها طلعت بنت حلال وبنت ناس(اللامباله) خلتني ""طنش تعش تنتعش"...

بس

**حكايه أمل** · 28-08-2013, 06:42 AM

زيتون بيتنا

"""@"""

{انني جئتكم بغصن الزيتون مع بندقية الثائر,فلا تسقطوا الغضن الاخضر من يدي}
جمله قالها الأب الراحل ياسر عرفات عند مساعيه للسلام ...الله يرحمك يا صانع الثورة والسلام

أما الصورة دي الي وأنا طالعه على غصن الزيتون علشان اتصور <<حلوة كتير كتير...لابسه فستان اخضر

كتبتها بقشرة بزر شمس (بتسموه يا السعوديين اللب )

**حكايه أمل** · 28-08-2013, 07:01 AM

عشاي وانا والغالي

###%%###
هلقيت في ناس لما تحطهم على صينية اكل (وخاصه لحوم) بيمسحوها مسح <وما عليهم الا يحطوها نظيفه داخل المجلى

اما أنا وزوجي العزيز قعدنا عالسطوح نتعشا وما شاء الله علينا (اكتشفت ان نحنا مش بشر بالأكل ...طلعت امعائنا امعاء عصافير)

قبل

بعد

تفضلو يا جماعه كباب وشاورما ^-^

**حكايه أمل** · 29-08-2013, 06:55 PM

دبور ميت وحي بنفس الوقت

,,,,&,,,,

امبارح تقريبا ضليت فاتحه المنتدى طول الليل
اللي بيشوف اسمي منور بالمتواجدين الان بيفكرني رايقه ومبسوطه بالقعده هادي

مش عارفين ان في دبورين قاعدين بنفس الغرفه اللي انا فيها ومش راضيه انام

الا لما اقتلهم

عند ادان الفجر
تم اطلاق زخات من الضربات العنيفه الموجعه والحنونه بنفس الوقت من شبشب طراز 41 على العدوين المتسللين بغرفة الولاد
وطرحهم ارضا

القتلى هم :
دبورالنشيط ..ودبوره الغليظه

بس الصبح كنت بأستنى الباص انا وابني للروضه

ويا حرام ندوش صحيت من النوم وشافتهم عالارض بتفكرهم اكل ولا شوكولاته

ومسكت واحد فيهم وقرصها باصبعها وصراخ...انتفخ واخدت ابرة تسمم

هادي صورة القتلى

صورة من زاويه اخرى

صور يا مصوراتي<<<كل ما تلتقطه عدسة جوالي هنا ^-^

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget