صور يا مصوراتي<<<كل ما تلتقطه عدسة جوالي هنا ^-^

**حكايه أمل** · 21-05-2013, 06:02 PM

رد: صور يا مصوراتــــــــــــــــــــــــي<<<كل ما تلتقطه عدسة جوالي هنا ^-^

حابه أفتتح المدونه بصورة إنسان غالي على قلبي
بس طبعا مش حتشوفوه لأني مصورة ظهره ...بكفي^-^
في جمله حابه احكيهاله بس ولا مرة سمعها مني
نهاية وموت العالم ولا زعلك يا غالي ولا دمعه منك تقتلني

سبحان الله لازم غرف قلبك الأربعه تسكنها أشخاص ...بدون استئذان
وأبو أربعتش سنه ده من أكتر الأشخاص اللي معششين بقلبي <زي العصافير
لأنه بيفهم عالاخر وتصرفاته بعقلانيه أكبر من سنه بكتير
ونسخه تانيه من أخوي الله يرحمه
ان شاء الله بيكبر وبشوفه عريس ومتوفق بعلمه وعمله

**حكايه أمل** · 21-05-2013, 06:26 PM

رد: صور يا مصوراتــــــــــــــــــــــــي<<<كل ما تلتقطه عدسة جوالي هنا ^-^

الحياه كالدفتر الفاضي
وأنت كالأقلام الملونه
تجعل من صفحاته ما هو جميل وما هو قبيح
احترس عند استخدام الأقلام <<قولي لحالك يختي

الحياه جميله بألوانها الكثيره
ونكهاتها اللذيذه< كوكا كولا ,ميرندا,سبرايت ...

لا تجعل من اللون الأسود رمز لحياتك
رغم ملازمته لي الا اني أركله بقدمي كركلة راموس للكرة فوق الجمهور

**حكايه أمل** · 22-05-2013, 06:37 PM

عاصفه عابرة

عايزين حدا يصلح بين الصيف والشتا <متزاعلين وبينافسو بعض مين الأقوى ومين حتكون مدته أطول
واحنا وقعنا بين الرجلين بهالمعركه القويه والصارمه<والانفلونزا دابحانا

صحيت على صوت صاروخ أو قذيفه قويه
حملت بنوتي ووقفت...كأني خايفه من جنيه
طلع الصاروخ(باب الحمام) ومن العمده صرت مستحيه< من قوة الريح سكر بالقوي
صرت أضحك على حالي بحاله جنونيه هستيريه
أتاريها عاصفه هبت على غزة وهي نايمه متهنيه
بربع ساعه لخبطت الجو وبطريقها صارت تجاكر فيا
ويا إمي طعمتي خوف ورعب وشربتني من القهر ميه
سيبو قراية هالكلمات وشوفو نهايتها بتصوير ايديا

**حكايه أمل** · 25-05-2013, 09:28 PM

رد: صور يا مصوراتــــــــــــــــــــــــي<<<كل ما تلتقطه عدسة جوالي هنا ^-^

كل ما أصور مرحله من مراحل صنع الخبز
ألاقي صوت الضحكات تعلو وتتعالى بالدار

خواتي بمسيهم بالخير اللي أحلى من العنز
وقلوب أصفى من ترعه شوفها يصيبك بالدوار

كل التحيه لأمي وخبز ايديها
و لأخواتي اللي ورا الكواليس<مش من قلبي هههه
وللشعب الغزاوي اللي ماكل الأخضر واليابس والجراد اللي وصله هههه

شعب غزة :ارضى بما قسم الله لك ولا تجعل الغيمة السوداء تخيم مرة أخرى بسمائنا
لأنها ليست كالغيمه السابقه

**حكايه أمل** · 28-05-2013, 01:57 PM

ويبقى الأمل موجود

كتير بأسرح بوضعي وبأغوص ببحر أفكاري
ولما غرقت بالبحر رسمت هالرسمه من خيالي
ويبقى الأمل موجود هي أسمى ما في المعاني

السمك ميت لكن بيتنفس
عنده عزيمه عالعيش رغم موته
ورغم الأسى اللي مر فيه
ونحنا هيك ...ربي يتقبل منا صالح الأعمال
قولوا امين يا قراء عبير^-^

**حكايه أمل** · 05-06-2013, 02:07 AM

الحمد لله

يوم من الايام أكلت قزازة(زجاجه)برجلي
عريضه وطولها حوالي 3 سنتيمتر الا ملي
مزقت خلايا رجلي ووصلت العظم ودبحتني
سحبتها مرة واحده وطلوعها الأصعب عندي
خافو علي وعالمستشفى يقولي أبوي وأمي
وعناد مخي خلاني أسكت وأفكتر بتأني
وبنزيف الدم أسرح بالشهداء وأهني
أخوي واللي معه استشهدوا برصاصه تغني
وأسرح بالجنه والنار والعذاب والقبر المستني
كيف القزازة دبحتني ؟واخرتي كيف حتكون يا إمي؟
صلاتي مش حسيب فيكي فرض و لو النعس غلبنتي
الذكر والقران مش حتركم حتى لو سكرات الموت اجتني
ربي احسن عملي في دنيتي حتى أفوز باخرتي

المهم
مرحتش المستشفى
وما اهتميت لنزيف الدم والوجع قد ما اهتميت بأفكاري
انه رجلي فاتت فيها قزازة وموتتني ...كيف عذاب الاخرة حيكون؟؟
كيف أخوي أكل رصاصه بصدره ونزف دم وروحه طلعت وهو مبتسم ...ليش أنا توجعت وكشرت وهو استشهد وهو مبتسم

احلى حاجه ان أبوي اجالي وقال يلا كله بيمحي من سيئاتك
اجا أخوي ابو اربعتش سنه :وين القزازة وينها انا ليش؟ ..هو:علشان ابوسها لأنها محت من سيئاتك
أحبك يا عائلتي
ربي احسن خاتمتي وخاتمة الجميع

**حكايه أمل** · 07-06-2013, 05:56 AM

بطيخ ~,~

أكل البطيخ ما بيحلى غير مع الجماعه
ويجي أبوي ويعمللنا مسابقه
انه ولا واحد يشفط مية البطيخ وهو بياكل وياخد جائزة
وساعتها بتصير تحتنا بركه عصير بطيخ برياله
وزكاته لما ميته تنقط من الكوع اممم
او البزر تتفه وين ما تيجي تيجي
حتى لو على راس اللي جنبك ~.~

وشقاوته لما أختي جابت بطيخه وعصرتها بوجه أمي
وأمي عملت صحن عصير بطيخ وكبته على راس اختي
وانا الحكم ~.~

ما شاء الله علينا كلنا عيله بتفتح النفس (هبل عالاخر)
بس دنيتنا ما بتحلى غير بوجود ناس مرحه وبتحب الضحك
زي عيلتي الأولى وعيلتي التانيه

بحبهم مووووووووووووووت

**حكايه أمل** · 08-06-2013, 09:43 AM

أنا لازم أتغير

أنا لازم أتغير
موضوع قريته باحدى المنتديات
ونقلته هنا حتى الكل يستفاد
وأول من استفاد أنا وبثبات
ولازم نبدأها خطوة بل خطوات
ونعمل بدنيتنا لنصل للجنه بالطاعات
وقبل رمضان نتغير علينا وعليكم ينعاد

المهم

لما قرأت موضوع ونقلته هنا اسمه أنا لازم أتغير
اجا ببالي انه اللي بيوعي وبينبه الناس لشغله وهو مش عاملها بيكون منافق وبياخد الإثم اثمين
ليش ما انقله لأعضاء منتدى عبير وأكون أنا أول من يتغير واخد حسنات من نفسي ومن الاعضاء اذا تغيروا؟!
والحمد لله عملت بنصيحة أنا إلي
وشكرت أنا كتير كتير عالعزيمه اللي اعطتني اياها والثقه في حالي كتير
والثقه انخلقت بداخلي من يوم تقربي لربي أكتر واكتر واكترواكتر واكتر

لا اخفيكم علم ومش خجلانه من حالي ولا منكم قد ما أنا خجلانه من ربي اللي خلقني في أحسن صورة
انه انا واحده من الناس اللي كانت تقطع بصلاتها شويه صغيره وكانت ما تمسك القران كتير
والذكر والاستغفار برضو مش كتير
كنت أخاف اصلي وانا لحالي بالبيت
كنت اخاف افتح قران وانا لحالي بالبيت <<<وهادا كله من الشيطان
وعملت تحدي أنا ونفسي علشان اهزم الشيطان اللي بيوسوسلي كل ثانيه

بس الضمير
يا عيني عالضمير وعذابه
ملازمني كل حياتي بيعذب فيا عذاب في الدنيا قبل ما اروح عذاب جهنم
والحمد لله انتصر علي وخلاني التزم أكتر واكتر

بالاول النيه والعزيمه
وبعدين كتبت ورقه كبيره وحطيتها عند جهاز الكمبيوتر بغرفتي
حتى كل ما اشوفها اتذكر
انه اقرأي قران
صلي لله وسنة الوضوء والنوافل
الاستغار والحمد والشكر يضل علسانك
بطلي نميمه <على رأي إمي هو انتي ليل نهار بتجيبي بسيرة الناس؟!
وصيت كل اللي بقعد معم إن لساني حكى ولو شغله بسيطه عن انسان قولولي(انخمدي) بأفهم

والحمد لله مش حكتب ايش بأساوي حتى ما يكون رياء وما أخسر حسناتي

بتمنى الكل يتغير
وعلى فكرة<<<غيرت ناس كتير والاطفال كل يوم بأعطيهم نصايح
والحمد لله

التصوير بجوالي العجوز على راي ساندرا بس بيفي بالغرض والرساله اللي حابه أوصلها

ربي يغفرلي ويغفر للجميع

**حكايه أمل** · 08-06-2013, 10:16 AM

صابونة الأفوكادو

صابونة الأفوكادو

طبعا في ناس كتير بتهتم ببشرتهم <مش أنا أعوذ بالله مش أنا~.~
المهم
أختي اشترت هادي الصابونه من دكتور للبشرة وهيك شغلات
وأنا من ساعة ما شفتها وأنا بأتمسخر عليها

اجت أنا بجلاله قدرها وصارت تحكي لأختها والباقي بيضحك على الهبل اللي انا بتحكي فيه

يعني لو الأفوكادو مطحون كان ممكن ...بس الأفوكادو حب

يعني لو غسلتي وجهك ولزق فيه قطعه أفوكادو
مترميهاش بالمره ...(بالغزاوي بنقول أزقطيها) يعني كليها عالسريع ...لا من شاف ولا من درى ...بس وكليني أنزل الخبر ع وكالات الانباء وسر بينا

يعني لو نقص عليكي أفوكادو للسلطه اللي بدك تعمليها لزوجك ...خليه يغسل وجهه مرة الصبح ومره الظهر ساعة الغداء وخديهم عالسريع ...بيبقى الهم نكهه جديده رائع

تخيلي وانتي بتغسلي بوجهك تلزقك قطعة أفوكادو بمنخارك ...ايش حتعملي ...بتبلعيها ولا .....

ناديت عليها ...بالله واحد أفوكادو لو سمحت وبعطيك الحساب بعدين ~.~

وبعد هالعناء هادا كله (حرقت بشرتها) خخخخ

مش كل اشي بينباع بيتصدق (عمري ما اهتميت لهادي الأمور )

~.~

صور يا مصوراتي<<<كل ما تلتقطه عدسة جوالي هنا ^-^

صور يا مصوراتي<<<كل ما تلتقطه عدسة جوالي هنا ^-^

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget