تويت
إلا اليتيم **"
الا اليتيم اللي على حزنه احتد
لاتعزف اوتاره حزن باي سيره
خلك معه دام الزمن معه يشتد
لا تنهره و الحزن به تستثيره
عانى من الحرمان والفقر والصد
يبكي قهر أيام كانت مريره
توه صغير ويخلط مزوحه بجد
فقير أماني و الليالي عسيره
حتى الفرح مابين جزر معه مد
يركض ورى طيف الفرح يستجيره
وحيد والوحده تهد الجسم هد
يكتم وجع صدره ويطلق زفيره
ياقف على جال الأمل يبتدي العد
ياقف و قلبه بين هم و حيره
يتذكر الماضي ودمعه على الخد
دمعه بحر يوجع سكونه هديره
جا يبتسم للحظ خلاه ما رد
واقفى عنه يمكن يكمل مسيره
يتقدم بخطوات والحيل ينهد
يتلحف أحزانه و روحه كسيره
يتذكر أمه يوم له كان توعد
تضمه و تمسح دموعن غزيره
واستعجل الخطوات والحلم يبعد
جار الزمان وزاد كسر الجبيره
ثم كفنه مع وردتن باوسط اليد
ياكم نطرها لين صارت كبيره
ليت المنايا ماوطت له على حد
واذوق أنا حزنه بشدة هجيره
دمعي تحدر كثر ما للفرح عد
حتى الورود أمسيت أكره عبيره
ليت الليالي يوم جارت بنت سد
بيني وبين الحزن في كل ديره
مشاركه بالمسابقه ..
a7taryk
تعليق