تويت
بحر المعاني تعالى ثارت امواجه
وارسيت سفن القوافي في شواطيه
مديت حبل الرجا متأمل افراجه
من فارج الهم لاضاق الفضا بيه
جلست افكر وفكري عود ادارجه
لمشاهدن ف الطفوله عشتها حيه
رجلي بساحة شقا الايتام دواجه
وعندي بنادي الشقا والهم عضويه
أسقيت رمل الثرى من عين هداجه
وقلبي من اليتم ضاقت به محانيه
بحثت عن حل للموضوع وعلاجه
لقيت اخر علاجه للأسف كيه
عاينت بيت اليتامى طافي سراجه
وشموع الامال وسط الدار مطفيه
لاصار فينا عبوس وعاقد حجاجه
وشلون تاضي زوايا من فقد ضيه
الناس للناس والايتام محتاجه
والله امرنا نتعاون والعمل نيه
كل حي منا على سلمه ومنهاجه
وكل نفس مسلم بهذا الشان معنيه
قد قالها من تعالى فوق معراجه (ص)
انا وكفيله كهاتين.ي سواسيه
مشارك بالمسابقه ..
ق/قرين الليل
تعليق