تويت
عافت تنام الليل*
عافت تنام الليل*
زود السهر خلى عيوني فناجيل
والدمع يملى قاعها لي ظهرها
عافت تنام الليل واختارت تقيل
تخلا بنوماس الهوى من قهرها
ماهو هوى عشق (ن)جبر عيني تسيل
ولا عيون الخل سبة سهرها
سبة كلام الناس والقال والقيل
شلت تفاكير البشر من خطرها
حقد وحسد من غير ذكرى وتهليل
طالت عيون إبليس وأرسل بصرها
هذا مريض وذاك عايش بلا حيل
يرقيه شيخ المقرأة من سورها
عقوق ورثناه جيل (ن) ورا جيل
ضاعت حقوق وخالقك من سطرها
ياما قريت أوضاع بدع (ن) وتضليل
وجريت تنهيد الألم من عبرها
نركض ورا الأموال ونحب ونميل
والفقر عجز أمتي بل كسرها
وحنا بترف العيش انحط ونشيل
هذا جديد وذاك عالي سعرها
والنت وش هو النت مطور الجيل
خذا النفوس العاقلة من طهرها
مسكت باليمنى على الدين بالحيل
عيني بغير الدين طافي نظرها
هذي علوم(ن) سهرت خاوي الليل
أسأل اله الكون يطفي جمرها
أوراق الخريف
تعليق