تويت
عيت بخوتي تجيبه
قصيدة / عيت بخوتي تجيبه
هذي المرة ابكتب بالحروف اجزاء قصة
البطل فيها خفوقي يوم يعشق له مصيبة
فيها ضحك الثغر واضح والدمع والفين غصة
ومنها نستخلص معاني للحزن والا لطيبه
دايم اعصابه تحارق كلها مو بعض نصه
ماهدا كنه يحارب بين اخلاق (ن) تعيبه
والله اني قد كرهته كره في قلبي مرصه
لو عطاني كل روحه ماشفع له في مغيبه
صار وقتي مثل درسن بين استاذن وحصة
ودي انهي ذي المسايل قبل مايختم مجيبه
اه ياكسر الخواطر ارحميني من المغصة
جرح روحي صار شاهد ماتعالج من طبيبه
علق اغلاطه بكتفي وفوق راسي له منصه
كل ماحاولت اقرب زاد في بعده وريبه
مابغيت المال أبد(ن) والعسل ماأبي أمصه
وما أبي يكتب أحبك وانتي حورية غريبة
كل همي يحترمني يحفظ احساس(ن) يخصه
اهدر احلامي بلحظة والقسى مخزون جيبه
اه من ذيك المشاعر فوق قلبي مسترصه
والحكاية ان جرحي ما لقى له من يطيبه
لوحة احلامي تلاشت كلها صارت تخصه
لونها من لون دمه والبراويز المصيبه
ياقدر جيت اتألم في يدي خاتم بفصه
لكن اللي قد رسمته عيت بخوتي تجيبه
أوراق الخريف
تعليق