اللهم لك الحمد حتى ترضى ولك الحمد إذا رضيت ولك الحمد بعد الرضى

وهذه القصيدة:

قولوا لبو متعب ترى الشعب مقهور ** يا خادم البيتين امسك عصاها

ضاعت فلوس الناس مع كل هامور ** ومثلك يعرف البير ويعرف غطاها

من سي لاسوأ وبين عاثر ومعثور ** وسهمك وهو سهمك رموه بخلاها!

كيف اشكي العله على كل دكتور ** والطب عندك وأنت تعرف دواها

ما خافو الله خالق النار والنور ** حتى الأرامل شاركوها بعشاها

يا قلبي اللي فيه نيران وحرور ** ضاقت علي دنياي وسكر فضاها

سوقك بلون الدم بأسباب مغرور ** يضغط على سابك وكسر يداها

في عشر أواخر نرجي الذنب مغفور ** قاموا علينا قومة ٍ ما وراها

وأعمار صارت دمها اليوم منثور ** وخاب الرجاء بأعمار واللي رجاها

يا ما بنينا فوقها أبراج وقصور ** وراحت سدى والسوق دحدر معاها

كم شاب قال أبغى أتزوج من الحور ** وأفلس وبيره جف ما شاف ماها

وكم راعي أسره أصبح الصبح مفقور ** العيد بكره وأسرته ما كساها

وقمت أتفكر وادرس الرأي والشور ** قلت ازبن لصقر العروبة .. ذراها

بكلمه تجي من عنده اليوم مسرور ** والسوق يرجع عشب يروي ظماها

يا درعنا لا صار بالكون عاصور ** كم صرخة ٍ للناس تسمع صداها

يالحر 00 يابن الحر 00 والحر مخبور ** قاد الحرار الشامخة في سماها

جوني يعزوني على السوق ماجور ** قلت البقا بالشيخ يطفي لظاها

ويرد لون السوق عشبي ويخضور ** مثل علم دار السعود وصفاها

خيرك عميم وشاكر الناس مشكور ** ومزن الحيا عم البلاد وسقاها

انت الرجا بعد الولي تدفع الجور ** واسلم عساك تدوم وتحمي حماها

ملطووووووووووووووووووووووووووووووووووووش
صح لسان كاتبها والله انه صادق
ياليت تنشر على اوسع نطاق