بسم الله الرحمن الرحيم

السلام عليكم و رحمة الله و بركاته

اليوم جبت لكم طريقة عمل فوتشيني جدا سهلة و لذيذة


المقادير :
تحتاجين طبعا اشياء دايم نستعملها في الطبخ مثل ( بصل - ثوم - ماجي - شويت زبدة )
1- نص بصل مو كاملة .
2- ثوم شوية لا تكثرين .
3- فلفل اخضر نص حبة .
4- شوي حيل زبدة عشان نمسح عليها المقلات .
5- فلفل اسود .
6- صلصة بيضاء .
7- مكرونة فوتشيني ( تلقين مكتوب عليها في السوبرماركت ) .
8- صدور دجاج . ( مقطع مربعات )
9- حبة ماجي .
اذا ماعندك صلصة بيضاء في طريقة تعملينها سهل
اولا : ملعقتين مايونيز - ملعقتين جبن سايل - ملعقتين قشطة - ملعقتين جبن مازرويلا .
( بعدين انتي تخلطينهم )

الطريقة :
جدا سهلة و ماتحتاج وقت كثير وسهلة و لذيذة
1- تحضرين مقلاء وسط الحجم بعدين تمسحين عليها زبدة و تضيفين بصل مقطع مربعات و ثوم مبشور شوية لما تحسين ان البصل و الثوم انحمسوا اضيفي الفلفل الاخضر مقطع مربعات و حبة واحدة ماجي و فلفل اسود شوية وتضيفين الدجاج عليهم تنتظري شوية حتى تحسين ان الدجاج نضج و اندمج مع الفلفل الاسود عاد انتي تخلطينهم مو كذا فجاة يندمجون .
2- بعدين جيبي قدر و صبي او اسكبي عليه موية و انتظري الين يغلى الموية بعدين اضيفي المكرونة و شوية ملح بعدين لما تحسين ان المكرونة انضجت كبي او اسكبي الموية وخلي الماكرونة لحالها بدون موية .
3- بعدين جيبي صنية وسط و اسكبي الماكرونة و اسكبي عليها الدجاج و الصلصة البيضاء و اخلطيها حتى تحسي انها اندمجت مع بعض وبس .

وبالعافية