تويت
من لامني في عشقه اليوم مالام **
حبي له اكبر من قياسات وارقام
مايحسبه من جاب علم وأدله
وحبي له اقوى من تواصيل وارحام
واوسع من اللي في محيطي وكله
وعشقي له ابلغ من ملذات الاحلام
وارقى علاقة بين خل (ن) وخله
احضنه بين الخلق ماواحد(ن) لام
واقبله واقوووول يالله خله
من غير قربه عايش العمر بالام
والنفس تشكي فوق الاحزان عله
لا جيت أردد ما تدونه الاقلام
أحس نقص بقولها ماتدله
احتاج له لاعاشت الروح باسقام
روحي بقربه بالفرح مستهله
لا من وصفته اشهد اني بظلام
يقصر لسان المدح ويقول لله
ما اوفيه حقه لا تنجد بإعلام
فوق المعاني منزله يخضعن له
قران ربي هادي لعدة اعوام
بيد النبي المختار هو خير حله
من لامني في عشقه اليوم مالام
اكيد انه فوق عشقي يجله
أوراق الخريف
تعليق