تويت
بسم الله الرحمن الرحيم
طالت الغربة
طالت الغربة وطاولني السهر
وانقضت الايام ماجاني خبر
*
أحسب ان اليوم عندي شهر ثاني
وانقل الخطوة على مر وكدر
*
أتصبر رغم هجران الأماني
رغم إحساسي بدقات الخطر
*
قلبي المهموم في همه وحيد
ينتظر لحظة سعادة ينتظر
*
يازمان الصمت لا ترجع تعيد
قسوة الفرقى وقلبي منشطر
*
من كواه البعد لايشكي ألم
ينتظر صفوة وحظه لو عثر
*
ربما الأيام ترجع له تعود
تبتسم مره وينزاح الخطر
*
ياحبيب العمر حبي لك أكيد
لو يطول الوقت والا لو قصر
*
أتمنى ساعة العوده أكيد
وأتمنى عودتي لحلى قمر
*
وان بعدنا عنك ما ننسى أبد
إنك المحبوب من بين البشر
*
أحلف بربي على حبك أمين
لو يطول البعد ساعه أو دهر
*
واحلف إنك وسط قلبي مستكين
إنت وحدك فيه دايم لك مقر
الشاعر:
محمد بن فراج بن سامره
تعليق