.. زهـايـمر حكـي .~

**تنهيدهـ** · 30-12-2016, 05:42 PM

رد: ✒ .. خآصرة حرف رمآدية

‏خلـها في القـلب والـدنـيا تـدور
لاتبـرر .. في الظـروف الراهـنه

النـهايـه : يا عـزيزي في سـطور
انت خــاين .. / وانا مـآني خاينه

بــوح ..

**تنهيدهـ** · 31-12-2016, 01:51 AM

رد: ✒ .. خآصرة حرف رمآدية

اليـوم كان يوم حافـل بالشغل طبـعا .. كل ما حاولت أدخل أدون تزهمني
مامي وانا وحده ذات مود وصخ مجرد ما أسمع اسمي يجيني خمول
لا إرادي يعني ..
اليوم يوم شفت شهرزاد كملت رسمتها ضحكت على نفسي صار لي
أربع شهور راسمه شعر بدون ملامح وهي باديه فيها معي
ويمكن انا قبل أساسا هوايتي رسم الشعر والباقي أطول فيه
إلا إذا جنية الروقان طبت معي تكمل .. شهرزاد احس الأقلام
تبعك فاتحه مو من يدك يعني .. بعدين اوريك الأقلام تبعي
والمداعك << مافيها حيل ترفعهم .. حتى في فرش ميك اب
استخدمهم للرسم على حسب مزاجك وكذا ..

أحس مودي للرسم لازم يكون منتاز وعندي فكرة محدده لازم ارسمها
اما اني أدخل كذا بدون مقدمات وخبط لزق ارسم ماعرف
لازم أكون كذا واروق مراااا حتى اني ما اسمع إلا
فصحى ..

وبس والله ماعندي سالفة ترى .. ~

**تنهيدهـ** · 31-12-2016, 02:18 AM

رد: ✒ .. خآصرة حرف رمآدية

أنا اذا حنيت لأحد ميت ماعرف أعبر .. قصيدة الشاعر علي السبعان
في الشاعر العماني حمد الخروصي رحمه الله من أجمل قصائد الحنين
اللي قرأتها ..

استمتعو

* * *

**تنهيدهـ** · 31-12-2016, 09:12 PM

رد: ✒ .. خآصرة حرف رمآدية

في نهاية علاقاتنا ببعضنا دايما تترسب فكرة عند كل شخص فينا ..
يا تكون سيئة أو العكس .. وطبيعي تكون فيه مواقف شابها من السوء
الكثير ..

نلاحظ أحيانا بعض المنفصلين بعد زواج دام أكثر من 5 سنوات أو أكثر
اذا سئل أحدهم عن الثاني يطلع الأولي والتالي !!
ليه طيب ..؟

ليه ماتكون علاقتك فيها سر بينك وبين نفسك يعني .. أوك خلاص
ما اتفقتو في حياتكم ! الله ييسر لكل واحد فيكم نصيبه الأجمل ..
ليه الكلام اللي مايودي ولا يجيب وما وراه إلا السوء فقط لا أكثر ..
وليه كل واحد يرمي السوء على الثاني ويلمع نفسه بطريقته ..
وربما يذكر مواقف جدا خاصه كانت بينهم بس علشان يثبت إنه
كان الأفضل .

حتى في علاقات الحب والصداقه تصير هالامور .. خلاص انفصلت عن
شخص وكل منكم اتخذ مسار ثاني .. احفظو الود الباقي لجمال الأيام
اللي مضت .. ربما يخف التوتر ويرجع كل شي مكانه .. وإن لم يرجع
تبقى العلاقه ذكرى جميلة مرت بنا في مرحلة من مراحل حياتنا .

حتى لو كان جرحك من الطرف الثاني وصل للعمق .. الإساءة له
بهالطريقة مارح تكون علاجك .. راح تسيء لك مش أكثر .. خلونا
جميلين وجميلين جدا حتى في النهايات وبعدها ..

وبس والله ..~

**تنهيدهـ** · 03-01-2017, 11:15 AM

رد: ✒ .. خآصرة حرف رمآدية

‏مرحلة : الواحد يسكت احسن له .

**تنهيدهـ** · 03-01-2017, 08:47 PM

رد: ✒ .. خآصرة حرف رمآدية

من يوم بدت 2017 قعدت أفكر بيني وبين نفسي وش اللي
المفروض يتغير فيني هالعام وإيش مشاريعي وايش الأمور اللي
انجزتها في سالف الأعوام جيت بجاوب على السؤال لقيت
انه في سؤال أهم منه المفروض مايتهمش ..

ليه مانفكر بالإنجازات والأخطاء والطموحات إلا إذا انتهى موسم
معين أو ابتدينا سنه جديده أو قبل رمضان أو أو أو ..!!

من جد نحتاج وقفه مع أنفسنا علشان نطلع من هالدنيا بشي يسوى
مب ننتظر علشان نمرض وبعدين نفكر بالموت .. مشكلتنا عندنا
طول أمل زايد عن حده الله يصلحنا وبس .. << شفيها منفسنه

المهم ولا لكم بالطويلة .. كل يوم أسأل نفسي السؤال الأول وضميري
يسألني السؤال الثاني .. وأنام لكن صدقا ما أحس اني زي
باقي البنات وحلمي أتزوج .. من كثر ما ابثرونا المشاهير بزواجاتهم
وتفسيراتهم للزواج ومن كثر ما قرفت من النتايج اللي اشوفها واللي
يزيد الطين بله اذا جات وحده تقول لك بيفوتك القطار ياختي
ما ابي اركب انا حره

المهم أفكر كيف أنجز شي بسيط وينفعني ويحسسني اني بنت
واني موجوده على وجه الأرض .. ومازلت في حيرة من أمري ..
أول كنت أقول إن الخليجي معقد وقعدت اقرأ واشوف العربي بشكل
عام لقيت إنه مافيه شي اسمه عقده المبادئ الصح لها مسار وفيه
متشدد وفيه متطرف وفيه معتدل .. ولقيت إن العربي برضه بنفس
التدرج .. رحت اقرأ عن الأجانب الأوربيين والانجليز لقيت انه برضه
نفس الشي لكن العادات والتقاليد مع المبدأ تكون فكرة والفكرة
تكون شخصية الإنسان ..

هذي المقدمه اللي استنبطتها من أسئلتي وللحديث بقيه :)

برب ،،

**تنهيدهـ** · 04-01-2017, 11:49 AM

رد: ✒ .. خآصرة حرف رمآدية

يسعد صباحكم يارايقين .. وصباحكم كل مكان حلو يطل على الخليج
العربي << تنهيده لاتتحرشين احسن لك ^-^

أحيانا يجيك كسل وخمول عن العبادات .. وتحاول نفسك الأمارة بالسوء
إنها تثنيك عن هالعباده بالذات .. وخصوصا الصلاة .. لكن قلبك مايطاوعك
تشعر إنك راح تترك أمر عظيم ومهم للغايه وتستشعر الذنب ..
وهذا اللي صار معي اليوم سهرانه وسوالف حلوه لين الفجر ويوم
جات الصلاة حسيت بخمول مب طبيعي وتمددت اقول بس انام شوي
وأصلي والله .. لكن تخبرون اني نفسيه وتخيلاتي تسبق راحتي
قلت يابنت لو متي وانتي متعمدتها وش السواة وارهب نفسي وكذا
بعدين قلت ترى ركعتين ماكلفك الله بأكثر مب لازم تتسننين وانتي
بهالحال .. وجلدت نفسي بالكلام لين قمت وصليت وحطيت راسي
ودخلت في غيبوبه جميلة وهاديه

مشكلتنا إننا ناخذ العباده على أنها فرض وتكليف ولو جربنا لذة قراءة
القرآن في الصلاة باستشعار اننا نخاطب الله ما وردتنا هالاحاسيس ..
لكن عسى ربي يسامحنا على تقصيرنا في حقه ويغفر لنا زللنا ..
والمشكلة الأكبر إننا عارفين التقصير اللي بدر منا في حق ربنا ونطلب
منه كل شي جميل من عشمنا بكرمه سبحانه .. طيب ورا مانكرم
أنفسنا قبل مانطلب ولا وجيهنا ماعادت تخجل << شفيك على نفسك بس

الزبدة وبعيدا عن المثاليه .. كل شخص يتفقد نفسه مع جلسة محاسبه
قصيرة آخر اليوم .. ولو صدقنا مع الله لصدقنا مع أنفسنا ..
بالنهاية مالنا إلا هالعمل وكل شي واقف عليه بعد رحمة الله ..
ركزو عليه لاعدمتكم ..

بث صباحي مباشر من قناة المجد أصلح داعيه ولا ما أصلح
وجهي مايعطي أبد لكن يجي مني ترى لا يغركم خبالي

* الوسمي اذا كنت فوق السطح فرفقا بمن يفتقدون تواجدك
وقلمك ..

برب ،،

**تنهيدهـ** · 04-01-2017, 03:41 PM

رد: ✒ .. خآصرة حرف رمآدية

بالرغم من إنه بعض الرجال متسلطين لكن تحز في نفسي اذا شفت
رجل يقهره دين أو أمر خارج عن إرادته .. أتقبل فكرة انه يكون لين
من تلقاء نفسه ويكف شره عن الغير لأنه يخاف الله .. لكن أكره فكرة
انه يكون مكره ويلحقه ضغط مادي أو نفسي أو حتى تسلط من شخص
آخر عليه ..

الحياة ماهي على وتيرة واحده وتتقلب فجأة سبحان الله .. كم من رجل
سجن وهو شريف بسبب دين ما استطاع سداده .. وكم من رجل استضعفه
آخر لأنه محتاج يشتغل في بلد غير بلده وأرغمه على الذل والهوان ..
وكم من رجل تسلطت عليه زوجته الصغيره بعد ماشاب وكان هلاكه
على يدينها ..

وكم وكم وكم .. سبحان الله يشذ في مجتمعنا اذا شفت قله من البنات
واثقه من نفسها واهلها يؤيدون ثقتها وتبدع بدون ماترجع لآراء البعض
فيها .. ويشذ في الجهه المقابله انك تشوف رجل ضعف رغما عنه
والظروف تكالبت عليه بشكل قاسي .. لكن الأيام ماتكون حلوه طول
العمر .. لذا كان الرسول صلى الله عليه وسلم .. يستعيذ بالله من
قهر الرجال لأنه ليس بالشي الهين ..

ما اعرف إيذاء شخص طاعن في السن والضغط عليه بكل قووه هذي من
أي قلب تكون ..!! أكره هالفكرة لأني تضررت منها نفسيا في فترة
من الفترات خصوصا أنها كانت لأعز الناس على قلبي ..
لكن بجد .. أقول لكل شخص ولي أمر أحد كبير أو ضعيف أو ذا حاجه
سواء ذكر أو أنثى .. إنه يخاف ربي فيه ويحتسب الأجر من قلبه ..
لأن الأيام تدور والحق عند الله مايضيع ..

وبس والله ..

**تنهيدهـ** · 04-01-2017, 08:23 PM

رد: ✒ .. خآصرة حرف رمآدية

‏كلما أغمضت ألقاك .. بقلبي
ساحر العينين مهووسا بحبي

من كمثلي حينما يغفو حنيني
وحبيبي طيفه غاف بقربي ؟!

**تنهيدهـ** · 04-01-2017, 08:28 PM

رد: ✒ .. خآصرة حرف رمآدية

‏ الشعر قلق يؤرق مضجع الشعراء – يالتعاسة الشعراء ! –
حين يجرجر المعنى على أرواحهم وجعا عن المعنى أماله ..

.. زهـايـمر حكـي .~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget