تويت
رد: ✒ .. خآصرة حرف رمآدية
القهوة .. إما عربيه وإلا فلا ، تماما كالنساء
القهوة .. إما عربيه وإلا فلا ، تماما كالنساء
-
-
رد: ✒ .. خآصرة حرف رمآدية
المواقف تبين لك معادن الناس سبحان الله .. حتى أقرب المقربين
يتضح جل سوءه في موقف .. إن كان سيئا .. والعكس .. البعض
يقول ليه البنت تكره إنها تشوف فستانها على وحده غيرها وتزعل
بالعكس اشوف انه مش الكل نفس بعض .. لكن طبيعة الناس تحب
التميز .. والبنت تحب الأناقة بطبيعتها .. فالغالب يكره هالشي .
لكن انا مؤمنه اني لو لقيت وحده نفس لبسي بقول إن الشخص هو
اللي يحلي اللبس روحه وطريقة لبسه وتنسيقه .. لكل شخص ذوق
معين .. لكن أصحاب النفوس الحلوة دايما متميزين بهالشي ..
مش موضوعنا هذا لكن تعقيب على كلام تكرر كثير ..
المهم .. بعض الناس له أسلوب كتابه معين وتنسيق معين وطريقة
كلام معينه ويجذب الناس بروحه الحلوه .. لو شفت شخص بهالصفات
راح آخذ منه اللي أعجبني .. طريقة كلام أو كتابه أو ستايل معين
الأشياء الحلوه مش محصورة لأشخاص معينه ..
ليه ما أخذها واسعى في تطويرها للأجمل .. ليه ما أكون انسانه
أتمنى للغير يكونون أفضل .. حتى لو ماثلوني في كل شي ..
ترى اللي نفسه حلوه ويتقبل الناس بطبيعتهم بمحاسنهم بعيوبهم
ويلتمس لهم جميل الأعذار .. من الأولى أن يحتذى به .. لا تقول
لا فلان ماسك هالخط انا لازم اغير واكون منافس بخط معاكس
ويكون غير .. أو أنك تشغل الناس بإظهار عيوبه اللي لاتستحق
أن تكون عيوب اصلا .
الحياة فيها الناجح .. والناس حوله انواع من يسعى لجره لمستنقعاته ..
ومن يسعى لأن يكون أفضل ويسلك نفس الطريق .. ومن يسعى لأن
يعاكس الطريق لفت نظر لا أكثر ..
هنا موقف الناجح المفروض يكون محفز لمن يماثله .. ويطنش اللي
يحاول يجره للسوء ومعه السيء اللي يلفت النظر بسوءه ..
عامل الناس بجمالك وباخلاقك .. راح تلقى الصنفين السيئه كلهم
صارو بصفك .. حتى لو كان هذا النجاح في نهاية مسارك معاهم
راح يسعدك اكيد ..
صاحبو الانقياء اللي مايهمهم المظهر والرصيد ولا ينظرون للي
بيدين غيرهم .. ونظرتهم مقتصرة على أنفسهم وتصحيحها
للأفضل .. وإن حبيتو تنظرون للي أعلى منكم اهتمو بأرواحهم
وقلوبهم .. لا أكثر ..
جمال الوجه والريالين اللي باليد تزول .. ماراح يسندنا إلا
الأصيل اللي أصالته تتمثل في روحه وأخلاقه ..
برب ،،
التعديل الأخير تم بواسطة تنهيدهـ; 22-12-2016, 07:43 AM.تعليق
-
رد: ✒ .. خآصرة حرف رمآدية
صدقتك لي تعليق طويل ع الكلام ذا
اقول لكم من زمان مو ثقه بس منتم راضين تصدقون
إذا كانت اليهودية والنصرانية محصنة ومعروفة بالسلامة
من الفواحش واتخاذ الأخدان، فإن الله أباح ذلك
كما قال الله -سبحانه-: والمحصنات من الذين أوتوا الكتاب من قبلكم[ المائدة: 5] قال -عز وجل-: اليوم أحل لكم الطيبات وطعام
الذين أوتوا الكتاب حل لكم وطعامكم حل لهم والمحصنات
من المؤمنات والمحصنات من الذين أوتوا الكتاب
من قبلكم إذا آتيتموهن أجورهن[ المائدة: 5]
هذا رد الوسمي على السطر اللي كتبته اول الصفحه
خلوني بثبت مدونتي فوق وبشوف وش يكتب يارب
ما يدخل يشوفها .. بس علشان اعلمكم انه يبي يحارش
بأي طريقه
صآرت ردودهم بالنسبه لي حدس .. اتوقعها قبل يردون
بالله كيفني وانا اقراهم
برب لحد يعلم
تعليق
-
رد: ✒ .. خآصرة حرف رمآدية
همشتي نساء الارض كلها وتركتي فقط العربيات
وكانهن هن المنقذات الفاتنات سلامات
لا انت الفاتن اللي بسم الله عليك وحواليك وخر بالله .. الاسبان
برا السالفة لو نجيب لهم anything ماقالو لا مايردون شي
أبد اللهم لاحسد ..
بعدين من قال لك اني تكلمت عن الجمال يبه ترى اتكلم عن
أصالة المرأة العربية غير غير .. لن تجدها في نساء العالمين
بعدين انتم تتزوجون وحده من برا القبيله يقال لكم تشذون وبعد
كم سنه يحن العرق وترجع لبنت عمك
لا وتقول حلاة الثوب رقعته منه وفيه مدري وش هالتناقض
بس ماعليه مش مصدومة أصلا
القهوه إما عربيه .. او لأ تمام كالرجال !!
مالت عليك وعليهم أوراق الجنه قل آمين .. والله لو بستثني
بقول إلا اللي يحبني وش لي بالرجال كلهم ماعرف اجامل ياخي
واصله لين خشمي منكم وانت بالذات خص نص ..
ترى الأولين غير غير بكل شي وانا اعتبر نفسي منهم لكن الحين
تمر على الأمهات تقول لك ليت كل خلفتي بنات ..
مب منها من رداكم << ياويلك ياتنهيده مشكلتك جيتني بوقت
كل طقاقات راسي فيه قايمين يعني وخر مرااا ..
من جد نو كومنت والله العظيم نوكومنت .. أقسم بجلال أقسم بجلال اللهلو كان القائل ولد يمكن نبلعها لان امه وزوجته واخته
عربيات يمكن نمشيها له
بس بنت وتقول كذا لا لزام يكون لنا راي اخر
أقسم بجلال الله مافيه تعليق
ايش اقول ايش اقول علموني هنا ايش اقول .....؟؟ تدخل في المعادلات
مجهولة الحل .. مالها حل هالجمله مرااااا .
يالله لك الحمد اني بنت عربيه الف حمد والف شكر
وجهة نظري يافطين افتخار بعروبتي ولو اني مغروره وعنصريه كان
قلت الخليجيه مش العربيه
أخيرا وليس آخرا ..
وإنما الناس بالملوك ** وما تفلح عرب ملوكها عجم
لا أدب عندهم ولا حسب ** ولا عهود لهم ولا ذمم
تعليق
-
رد: ✒ .. خآصرة حرف رمآدية
ربما أعود أجمل .. ~
تعليق
-
رد: ✒ .. خآصرة حرف رمآدية
أحيان أفتح مذكرتي أو حتى مدونتي ودي اكتب أي شي لكني مش
قادرة أعبر أبدا .. أحس إني تأثرت بموقف سيء أو شخص سيء
وأبتدي أمسك نفسي على جنب وأحاسبها لين أوصل للنقطة اللي
كانت سبب في هالشعور السيء ..
أحاول أكون الشخص اللي أتمنى إنه يكون جنبي ويطبطب علي من
دون مايكون شخص ثاني .. أنا حبيبة نفسي يعني ..
وأنتصر على الشعور السيء بابتسامة شاحبة ومع الأيام أتعود ..
مشكلتي حساسه لدرجة تزعجني شخصيا .. لكني ألزم الصمت
في أسوأ حالاتي .. أحبني لأني أنصف نفسي لأني أواسي نفسي
وأكرهني أحيانا لأني أقسى على نفسي .. بس بعد كذا اكتشف
انه كان في صالح احساسي وكذا ..
عموما هذي حالتي مع نفسي ولا الناس صرت أعطي كل شخص جوه
وحجمه لا تقليل من شأنهم ولا رفعهم على منزلتهم ..
صدقا قله قليله اللي فيهم إنسانية في هذا الزمن .. ولا البعض
حالتهم صعبه لدرجة انهم يستمتعون بممارسة طقوس سيئة
وحالات نفسيه على غيرهم .. بس تضييع للوقت ..
مدري ليه الناس إذا صارت فاضيه ماتشغل نفسها بالمصحف أو
حتى تصلي .. ترى الحديث اللي قال فيه الرسول عليه الصلاة
والسلام " فليقل خيرا أو ليصمت " تقاس عليه الأفعال ..
افعل للناس الخير أو اتركهم وشأنهم ..
نحتاج ننشغل بأنفسنا أكثر من قبل والله ..
وبس والله ..~
تعليق
-
رد: ✒ .. خآصرة حرف رمآدية
دايما إذا يئست إني أسمع عن الأشياء الجميلة في عصرنا هذا وانتابني
إحساس إنها أشياء غير موجوده أقرأ في قصص كانت قبل الإسلام
واستمرت بعده .. لأن الغالبية يسلبون الكفار بعض الأمور الحلوة
الموجودة فيهم .. صحيح لا عهود ولا ذمم لكن بعضهم قلبه نقي
بالرغم من كفره .. لو أسلم بس لاكتمل بالإسلام ..
أنا عن نفسي تبكيني قصص الصحابة وبرضه القصص المعاصرة
اللي فيها نقاء أخلاقي ..
هنا الحب
تعليق
-
رد: ✒ .. خآصرة حرف رمآدية
إذا تذكرت صديقتي اللي توفت .. دايما بدل ما أدعي لها أبكي ..
فيه أشياء ما أقدر حتى أرددها بيني وبين نفسي لكني أقدر أقولها
لها ..
صار لي يومين أحلم بها .. وصرت الصبح أفتح مذكراتها وأتصفحها لين
يطيح اللي براسي وأروق
لي صديقه ثانيه اذا اتصلت وكلمتها لأني مخنوقه لازم تلف وتدور
لين تجيب لي سيرة جهنم مع إن السالفة مالها دخل يعني ..
ودايما ازعل عليها لأنها تحور الموضوع وندخل بنقاش طويل مرااا
بس قبل ما تتزوج قالت لي ترى كنت اخليك تطلعين حرتك بي
وتهجدين اعصابك التعبانه ما اقتنعت بزياده بس كان يتبدل
حزني توتر .. يعني تستبدل شعور مكان شعور ثاني على اساس
يكون الثاني أخف
فيه صديقه ثالثه إذا جيت أقولها أحس إني مخنوقه وودي احكي لك
واخفف .. تقول مالي خلق تتعب نفسيتي وانا رايقه خليني
لين انفسن ونشكي لبعض .. وهذي اللي طحت فيها اليوم
وخلتني احذف الواتس من ردها << نفسيه البنت
عاد كل شخص وطريقته .. لكن المميز يبقى دايما مميز بالقلب وله
وضع غير عن الكل حتى لو غاب للأبد ..
أحس دمعتي ثقيلة وكأني فقدتها اليوم الصبح .. يمكن لأنها هاليومين
على بالي بزيادة وكذا ..
رغم مرور تسع سنوات إلا إنها هي المفقوده بسواليفي دايما ..
ماعندكم أصدقاء كذا ..؟
تعليق
-
رد: ✒ .. خآصرة حرف رمآدية
" ومن لم يجعل الله له نورا فما له من نور "
تعليق
-
رد: ✒ .. خآصرة حرف رمآدية
تربة قلبي غير صالحة للزراعة ..~
وعلى هذا جرى التنويه
تعليق
تعليق