.. زهـايـمر حكـي .~

**تنهيدهـ** · 29-11-2016, 07:29 AM

رد: ✒ .. خآصرة حرف رمآدية

تنهيدة خاطفة شقت صدر الليل
وغرست في سواده قتامة باردة
حزن سرمدي يلفها
يحاول نشل روح تحملها
من أرق الشرود وطول السهاد ..
خلجات الشوق البلهاء
لا زالت لا تحسن فن التعبير ..
فتعتذر منها حين تخونها ..
أمنياتنا الساذجة التي أجهضتها
تناهت متغلغلة في عمق
فانتهت عند آخر شهقة
دون رغبة في الرجوع ..
قصيرة جاءت وخانقة ..
لا زال الدرب نديا من دمعات الحنين ..
لا زالنا نكبر في زمن محمل بالحرمان ..
يغمرنا في كل ليلة بالوجد والأنين ..
ومساحات القهـر واسعة
تمتد إلى مدى لا نعرفه ..
يفتش في ذواتنا عن أحزان لا نعرفها
تقبع في أعماقنا ..
أحزان تتجلى في تنهيدة أخرى
قد تكون أطول ..!!

**تنهيدهـ** · 29-11-2016, 09:11 PM

رد: ✒ .. خآصرة حرف رمآدية

‏‎
ما عدت أعرف أين تهدأ رحلتي
و بأي أرض .. تستريح ركابي

غابت وجوه ، كيف أخفت سرها ؟
هرب السؤال ، و عز فيه جوابي

**تنهيدهـ** · 01-12-2016, 10:18 PM

رد: ✒ .. خآصرة حرف رمآدية

الحمدلله على نعمة الصحه والعافيه .. اليومين اللي فاتو
كانو مثل السنتين مرو ببطئ شديد وليلهم كله وجع وأنين
لكني اهتميت بنفسي جدا وما انتظرت أحد يدلعني لأني ماحب
أطول الفترة وأكره التسدح ..

سبحان الله كيف داهمني المرض وانا اضحك ومافيني شي ونزع
الضحكه .. لدرجة اني توقعت اني بموت قمت من مكاني أركض
واغسل وجهي واشرب مويا بشكل مجنون وابكي لأن ماني قادره
أوقف .. أربع ساعات قعدت أتألم بشكل فضيع .. بعدها أخذت
مضاد ومسكن ونمت لين العصر وبدأت هنا مرحلة المقاومة مني
والحمدلله كنت أقوى رغم أني جبانه جدآ

نستمتع بالحياة ونلهو هنا وهناك وناسين واجباتنا واذا جاتنا لحظة
ألم نزعت منا جزء بسيط من الراحة عرفنا قيمة اللي كنا فيه
وراجعنا حساباتنا وتقصيرنا .. وتبدأ مرحلة الوعود الجديده
اللي بعضنا اذا تعافى تجاهلها ورجع لوضعه السابق ..

عموما كانو يومين حلوين بدون نت بس زفتين بالمرض والآن
رجعت المزه لكل شي .. واحتفال بالصدارة قبل كل شي
وجعل كل المزز يختفون بوجودي

برب ..~

**تنهيدهـ** · 03-12-2016, 07:26 AM

رد: ✒ .. خآصرة حرف رمآدية

صباحكم روقان بحجم روقاني ..~

مع بزوغ هالفجر اللي ريحته مطر تذكرت سالفه انسألت عنها قبل فتره
ومدري وش اشغلني عنها وما جاوبت .. ~
السالفة كانت عباره عن سؤال مره والمره الثانيه يقال لها
تزبيده وكذا لكن ما اعتبرها بهالشكل اشوفها عادي
لأنها صح وحابتها يعني

المهم .. هو عبارة عن تنهيده ليه انتي مسترجله أو بك حركات شباب
كذا مدري كيف جايه ..
بالرغم اني ماحسها يعني وأحس اني طبيعيه جدا ..لكن نقول معليش
ابشوف نفسي من زاويتهم وافسر هالظاهره الكونيه
المستغربه أو المستنكره من البعض ..

يعني اكيد في عوائل في مختلف
مناطق العالم تقدس الولد واتوقع عندنا مرا
نادره لأننا جدا مستحيل نسويها وكذا فبناء على هالتقديس يدلعونه
ويكرفون البنت كرف مو صاحي
يعني مثلا نكون جالسين بمجلس عائلي كلنا ويقومون تنهيده
تصب قهوه ومحمد جالس ينتظر فنجاله متى ياصله
لا ويعلمونها كي تحكر الدله وكيف تمسكها رغم
أنها تعرف لكن في كل مجلس يعاد الدرس ..
ومحمد أبد مب حول أحد ..
وبرضه في حال انذبحت ذبيحه وجابها الأب يجي يصحي البنات
يلا يابنات قومو فيه شغل اليوم وساطور وسكين وطبخ على
سنقة عشره ..

وبرضه نفس الشي دروس استقبال الضيوف وآدابها ودروس الكدح
والتعب في الحياة والوصول إلى القمم عن طريق طرق وعره مثل
طرق الجنوب وما شابه
ودروس في الكهرباء ودروس ادخار ودروس نفسيه عظيمه جدآ ..
تعلمك أساليب حل مشكلات استفحلت في الحياة ..

والعصر مجلس الشعراء وقناة الساحه والقلطه والمقناص وووو ..
بالله كيف بعد هذا كله تدورون انوثتي من ورا الشاشه ..
خصوصا اني ما أحب أظهرها أبدا لاني مخبيتها لما أتزوج وهيك

الآن بعض الآباء علمو بناتهم أشياء حلوه من غير رصد لها
أو تعمد لكنها جعلت من شخصياتهم قياديه وواجهات
اجتماعيه مشرفه ..
لكن في المقابل خسرو أهم شي حاولو يحافظون عليه بطريقه غلط ..
وصارو أولادهم ذكور بالاسم فقط يتهربون من الواجب والمسؤوليه وعلوم الرجال ..
وصار الولد يهرب من أخو زوجته اذا كان زايرهم أو أبوها
لأنه ماله خلق يطري لسانه ويفرد وجهه وابتسامته تكون دائمه ..
لين يرحل ضيفه بسلام وحب

كل هذا انزرع في داخلي من صغري لكن أحب أن تكون
أنوثتي مغلفه بنوع من هالامور اللي تشرف ومحاطه بسياج
التصرفات اللي لاتخلو من الاحترام للجميع .. واللي يلمس أنوثتي
أحيانا لايعلم خلوني مسترجله في نظر من
يشوفني كذا .. أصلا انا اللي قلت هذا الشطر

في داخلي أنثى بدت تسترجل ..

برب ،،

**تنهيدهـ** · 03-12-2016, 09:09 AM

رد: ✒ .. خآصرة حرف رمآدية

‏

-

ما كل بنت .. تخذلك لا تهقويت
بعض البنات تعوضك فالرياجيل

...

**تنهيدهـ** · 04-12-2016, 08:06 AM

رد: ✒ .. خآصرة حرف رمآدية

من زارني طاري الغرام
صار السهر كله عنا

مدري اهوجس أو انام
يا صاحبي الله لنا

والصبح باديها هيام
عاشق وجايبني هنا

ماني على مايرام
حبيت .. وآكلها أنا

الحب ظل للغمام
مادام والدنيا فنا

بوح ..

**تنهيدهـ** · 05-12-2016, 07:21 AM

رد: ✒ .. خآصرة حرف رمآدية

تختلف الصباحات باختلاف أصحابها .. وأنا الحمدلله صباحي دايما
رايق .. لولا هالزكام اللي مكدر خاطري وتاعبني .. بس ماعليه
والله ياهو برد يفك العظم فك .. بس رغم هذا فيه أشياء ما نستغني
عنها مثل الرياضه الصباحية .. والدشرة الصباحية الشتوية اللي تخليك
عديم إحساس وتدور البسط بالأكل

نرجع للرياضه بما إني ألاقي طقطقه عليها من خواتي اللي فاهمينها
غلط .. طبعا انا المرحله الثالثه من رياضتي حديد
والحديد البعض فاهمين إنه يضخم الجسم من أول ما تشيلينه وهذي
وظيفته الأساسيه .. وطبعا هالمفهوم المتكون لهم غلط ..
لأنه فوائد التمرين بالحديد يشمل النحافه والتضخيم .. والتضخيم محتاج
جسم خالي من الدهون + بروتين ..

يعني هدفي الأول من التمرين انه يشيل لي الدهون اللي متكونه
على العضلة ويعطي العضلة قوة ويحمي القلب من المشاكل
الفجائيه ويخلي الجسم يقاوم أكثر .. لذا تسمى تمارين الحديد تمارين
مقاومة

حتى إذا كانت عندك حميه غذائيه وانتي تتمرنين حديد .. مهما طنشتيها
ودلعتي نفسك .. ماراح يزيد وزنك كثير ويرجع جسمك بالوزن الأول
بيكون أخف .. وبشكل واضح ..

انا كنت اشوف كيلو وربع بكل كفه شي ثقيل لين تعودت عليهم
وصرت احسهم شي عادي .. بالعكس تمارين الحديد جدا ممتعه
ومفعولها جدا يحمس .. ودي اجرب الكيلوين والنصف لكن مب
بحاجه لثقل أكثر الحمدلله تكه بسيطه واوصل للي أبيه
وبس والله هذي الهربوته اللي بخاطري من زمان وكسلانه اكتبها

برب ،،

**تنهيدهـ** · 06-12-2016, 08:10 AM

رد: ✒ .. خآصرة حرف رمآدية

-

‏صباح الخير

لكتف ياما اركيت أيامك عليه ، لصديق الوقفة ، والضحكة العذبة ،
صديق الأغنية ، والقصيدة ، والتفاصيل الصغيرة
اللي ما عمر حد التفت لها ..

.....

**تنهيدهـ** · 06-12-2016, 08:16 AM

رد: ✒ .. خآصرة حرف رمآدية

‏خليها فبالك : " أنا مش كامله .. بس مش ناقصاك " .

**تنهيدهـ** · 06-12-2016, 11:23 AM

رد: ✒ .. خآصرة حرف رمآدية

صباحكم جميل جدآ .. أجمل من مزاجي يعني

صاحيه من بدري واهايط على المرض كالعادة واسولف وافطر
ولا بدا اليوم صدق يدوروني مالي حس مستلمني بذمه وضمير
مدري هو السبب ولا انا اللي ماعرفت له

المشكله يوم الخميس عندي أمور مهمة لازم اصحصح لها من صباح
ربي .. وعندنا عزيمه لازم أواجه الناس فيها بشكل حلو ..
وأنا لا صوت ولا وجه ولا مزاج كلهم اسفل السافلين
وربي عجزانه أضيف ردود حتى هنا .. أي شي يعجبني احط لايك
وامشي لعل وعسى ارجع واكتب عقب ..

أول مره امرض بهالشكل على شفتات .. البلا اني ماخذيت إبرة
المناعة حقت السنه نسيتها هالمره .. والوضع المرض يستظرف
أي صح بقول للي ترسل لي رساله وأشوفها وما ارد وترجع تعاتب
ترى سبب هالطبع فيني المرض ولا النوم << لا والله فاغره

فاعذروني ربي يسعدكم وربي مزاجي مب في محله ووضعي
مايسمح اني اخذ واعطي بزياده .. كويس اني ادخل هنا وارفع
مدونتي وما احرمكم مني << برا يالله ولا عاد نشوفك

عموما دعواتكم الله لايحرمني منكم ..
ولايحرمكم مني

خودافس ..~

.. زهـايـمر حكـي .~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget