تويت
رد: (خاصرة حرف رمادية ) *"
من يقول قلوبنا ما هي زجاج ؟
الف مره تنكسر ،، لا غاب احد
من يقول قلوبنا ما هي زجاج ؟
الف مره تنكسر ،، لا غاب احد
-
-
رد: (خاصرة حرف رمادية ) *"
لست وحدك
لا يكفي أن تطوقك ظلال الأصحاب
ولا يكفي ألا يغيب حبيب يسكن قلبك
لكنه الرب الرحيم يكفيك حين تتوجه إليه .
صباحكم رحمه
تعليق
-
رد: (خاصرة حرف رمادية ) *"
تصدقون أحلى شي لما تصير كذا أشياء بدون ترتيب
خصوصا الطلعه لا يرتبون لها بنات لأن مارح يتحقق شي
من الخطه
أمس كان يوم حلو عزيمة وكملناها فطور اليوم متواضع برا بأدوات بسيطه
لو انا مخططين حنا كان أخذنا نص المطبخ معنا
لزوم الاتيكيت وكذا وآخر شي مايطلع بالصوره إلا فنجال وقطعة
حلى والمواعين كلها راحت احتياط
عاد وانا منبسطه الصبح طلعت النفسية اللي داخلي وسالتني
سؤال ليش اللي شايل بخاطره منك مايصارحك ليش ماتقولين
السالفة كيت وكيت وتعالي نبي نتناقش والله انا ماعندي مشكله
واضحه وصريحه فيني شي منغص عليك مره وتعتبرينه مأخذ قوليه
بشكل ذرب أتقبل رأيك يا أقنعك ياتقنعيني اما سالفة الحساسية الزايده
ترى اهتم بالموضوع يومين واذا طقت الجنية بالراس اسفهك 
مادام ماحكيتي تحملي ..
فرتين على الجيران وراجعه
تعليق
-
رد: (خاصرة حرف رمادية ) *"
قد يأتيك سكون عارم في صدرك ، ليكون جواب مقنع بأنك ما عدت صالحا لمجاراة كل شيء يحدث !
تعليق
-
رد: (خاصرة حرف رمادية ) *"
ماشاء الله هذا والنفسية زينه ورايقة اجل لو النفسية ماش وش بيصير شاكر لك التقييم واللايكات بعد ما انقطع الامل انه يجي منك شي *-*
هذا اللي يبيني اروح ادور لايكاتي على صفحاته واشيلها
بعدين بالرد اللي قبل ذا قلت آخر شي نفسنت بدون سبب
وربي كذا تخرب أحيان النفسية بدون مقدمات وتخرب لك لحظتين
عاد شغلت مقطع شهرزاد اللي بالتوقيع بعد توصية مررره رهيب
ذكرني بالشيخ محمد أيوب الله يرحمه والله الحرم النبوي يفتقد
لصوته بآخر زيارة لي حنيت رغم أني ماكنت من عشاق صوته
الله يغفر له ..
عاد أنا والوسمي اليوم قالبين إعلانات نقلد الباتل وصديقتها
بس إعلانا أطلق ومجاني يابخت شهرزاد حسنات وهي تاكيه
تحت المكيف مدري المطر.
أنصحكم بالمقطع وربي جنان يريح القلب من جد
شهر شوال ماشالله ماخلص فيه بركه مدري كذا
أحسها دعوة أحد مبارك اللي ماخذ
اجازه هالشهر أهنييييييه ..
أنا عن نفسي تعبت من الرياض وتمشيتها وخلصت
المدينه وحفظتها المره الجاية عندي بالمدينة جولة بالقرى
بزور بنات عمي هناك يمكن شهر شوال الباقي يمر
أحس إني بجيب العيد بديت بتقييم وختمتها ببنات عمي
كيف لاتسألوني
سلامات
التعديل الأخير تم بواسطة تنهيدهـ; 02-08-2016, 12:04 PM.تعليق
-
رد: (خاصرة حرف رمادية ) *"
أيا كان ما قد تعلق قلبك به، حين يموت ، سترغب لا محالة بأن تدفن معه .
التعديل الأخير تم بواسطة تنهيدهـ; 02-08-2016, 01:55 PM.تعليق
-
رد: (خاصرة حرف رمادية ) *"
يختفي قبح العالم عندما يطل عليك من بعيد وجه تحبه . تخدعنا الحياة بلطفها في لحظات كهذه .
صباحكم جمال
تعليق
-
رد: (خاصرة حرف رمادية ) *"
الحين تنهيده ليش تنافخ ام عبدالعزيز على غفله
يابنت الحلال توك سامعه قران تراه قران يهجد حتى الجن وانت ما تهجدين
روقي الله يسعدك وكملي تدوينه وحده بنفسية زينه
طيب ليه ماتسمع قرآن يمكن يهجدك شوي
اليوم انا مودي تمام التمام بستظرف عليكم
عندي سؤال بصراحة وودي أحرك الجو صايرين ميتين مره
مالت عليكم ..
المهم كيف تخمنون أعمار الأشخاص الموجودين هنا
انا بالنسبة لي صايره أحسه
بتويتر كثير لهالسبب صرت هاجده أبد ما أتفاعل
واليوم بزيادة ودي أسحب كم شهر على كل شي
كالعاده
مدري ليه قلبت نفسيه فجأه ..بقوم اخبص بالمطبخ
يمكن تتغير
خودافس راجعه بسالفه تسوى بعد شوي
سلامات
تعليق
-
رد: (خاصرة حرف رمادية ) *"
رجعنا لكم بموضوع لفت انتباهي أمس وقهرني بنفس الوقت
يعني ليش اذا شخص من القبيله الفلانية سوى شي في العرف
والعاده معروف انه منقود عليه .. طيب
ليه الناس تضم الفعل باسم القبيلة كامله وتكبره ترى جد الواحد
ينضر نفسيا من هالامور
أمس وانا اقلب باليوتيوب وطولت طبعا وصلت لدكتور سابق من
نفس أهلي وشفت عليه نقد مو طبيعي أصلا النقد عليه هالفترة
مره زايد بسبب شدته أصلا أنا أعرفه مع أهل بيته كيف صاير
لكن في علمه ونقله للعلم أتحدى شخص يقدر يأخذ عليه مأخذ
له شهادات من كبار العلماء بن باز وبن عثيمين وكثير لكن
الإنسان بطبعه يفتن بضم الياء
ويبتلى .. الله أشغله عن العلم بالناس في فترة من الفترات
ومرت ومازالو الناس إلى الآن يبالغون في وصف شدته
وتهويل تواجده كعالم دين ..
اوكي خلاص انت ناقد على الشيخ الفلاني ليش تروح تكبر
الموضوع وتدخل اسم القبيله فيه وتقول الفرقه ال .....
ترى كل شخص له أسلوبه في النصح وفي الدعوة والتعامل مع
الناس ليش تحكم على مجموعه كبيرة من الناس ترى والله غلط
طلعت نفسية أم عبدالعزيز الصدقية الحين
خلاصة الموضوع انا ما أتبرأ من شخص انتسب لنفس قبيلته ويشرفني
بالعكس لكن لاتحكم على الكل بأسلوب شخص واحد كون منصف مع
الناس ينصفك الله << مره زعلانه
وبعدين يعني يكفيكم انا شوفو بالله كيف أسلوبي يجنن وكذا << اذلفي
من جد مدري كيف الناس جايه الحمدلله والشكر بس
كيف الحين اغير مودي كيف
فرتين وراجعه
تعليق
-
رد: (خاصرة حرف رمادية ) *"
اللي لهم ألف رد على اسم البرشومي بسألكم
تعرفون شي اسمه شفلح بفتح الشين والفاء وتشديد اللام المفتوحه
حنا الفواكه ندبر له أسماء مخارجها تطلع من المعده علشان
نعلمكم أنها تنوكل
اللي مايعرف معناها يروح جوجل ويجيب لنا صوره لها
أنا ماعاد أعرف كيف أرفع الصور
سلامات ..
تعليق
تعليق