.. زهـايـمر حكـي .~

تقليص
X
تقليص
 
  • الصفحة لـ 126
  • الوقت
  • عرض
إلغاء تحديد الكل
مشاركات جديدة
السابق 1 26 27 28 29 30 31 32 33 34 35 36 37 38 39 40 41 42 43 44 45 46 86 126 template التالي
  • تنهيدهـ
    V - I - P



    • May 2012
    • 2909
    #351
    رد: (خاصرة حرف رمادية ) *"






    ‏تدور هالدنيا على اربع فصول
    ومافيه فصل دار ورجعنا سوى

    تركتني لـ اجل المبادي والإصول
    وقتلني بـ اسم المحبه و الـهوى




      تعليق

      • تنهيدهـ
        V - I - P



        • May 2012
        • 2909
        #352
        رد: (خاصرة حرف رمادية ) *"



        وش ذا الحر ياربي الوحده تدخل المطبخ تنسلخ بدقيقة
        حتى قدر الضغط ماسواها
        مانقول إلا الله يجيرنا من عذاب النار
        أقسم بالله 14 دقيقه خلصت شغله بالمطبخ رجعت أركض
        للغرفه اتبرد
        والحين شغلي كله بالفرن شكلي بلبس نقاب وافتحه
        يمين بالله ليتني طولت بالمدينه كنت شوي مرتاحه
        لاتقولون وين التكييف
        التكييف أقوى شي وحرارة الشمس جايتني مدري من وين
        الظاهر الهوا لفحني الله المستعان بس




          تعليق

          • تنهيدهـ
            V - I - P



            • May 2012
            • 2909
            #353
            رد: (خاصرة حرف رمادية ) *"




            سلام عليكو ازيكو عاملين ايه !!
            تصدقون عاد هالأيام مفهيه بشكل مو طبيعي وافهم الناس غلط
            لا وغير كذا في كلمات لما تسمعها من اللي حولك تحتاج منهم توضيح
            للمعنى أحيان تنحرج وانت مو فاهم غير اللي تشوف يعني جد جد
            هاليومين ماسكين علي خواتي انتي تفهمين الكلام بشكل يحرج
            ايه صح انا معي حق بس لازم أدقق أحيان ادرعم ابي اهاوش
            اقول نعم ايش وش ذا الكلمه الوصخه وهي مهب حول المعنى
            اللي انا فهمته وارجع انحرج ..
            لا ولما تصير لك مع شخص ماتعرفه أكبر غباء ماتدري شلون ترجع
            ترقع خلاص طلعت منك

            يعني اللي يسولف معي يأخذ عني فكره مره لا وانا مره مو حول
            نفسي

            مدري وش السالفة بس ودي أحد يهفني بتزبيده بوجهي علشان
            انضبط

            دايخه مره
            خودافس لا أجيب العيد الحين مره زاقه معي مني وش ذا الحال




              تعليق

              • تنهيدهـ
                V - I - P



                • May 2012
                • 2909
                #354
                رد: (خاصرة حرف رمادية ) *"




                شربكتكم بس بجد شي يقهر من البعض اذ زعلان منك لازم كل اللي يعرفهم يزعلون
                منك كمان كيف وليش مدري بس دامني زعلان ازعلو معاي !!

                في قانون العلاقات هالشخص طبيعي جدا ومايلام لأنه متضايق
                ومترسبه داخله أفكار سيئة عن الشخص اللي انت علاقتك به حلوه
                بس برضه هالشي مو زين بالغالبيه يجيبونها على شكل نميمه
                شفتي فلانه ترى فيها وفيها وفيها مدري شلون انتي حابتها
                طيب انا ماشفت منها شي ليه انزعج بدون سبب
                ودائما انا يكون ردي انه الموقف اللي صار بينكم ما يعنيني
                كل شخص له صفاته ويتصرف على اساسها ممكن يكون
                السوء منك

                الزبدة تلخبط الكلام بس واضح ترى انتم عاد ضبطوه بمعرفتكم

                فره على الجيران وراجعه





                  تعليق

                  • تنهيدهـ
                    V - I - P



                    • May 2012
                    • 2909
                    #355
                    رد: (خاصرة حرف رمادية ) *"

                    ‎لعبة البيكيمون اللي هابين
                    ‎فيها العالم الان
                    ‎تراها لعبة عيال البدو من سنين ‎ملهي الرعيان
                    ‎وهي عصفور صغير ومايطير زين
                    ‎ويركض ويتخبى تحت الأشجار والرعيان يلاحقونة على بالهم
                    ‎بيصيدونه لانهم يحسونه قريب ‎وماينتبهون الا وهم بعيد عن حلالهم
                    ‎والوقت رايح عليهم ماانتبهوا‎..يعني ياكفار الحقوق محفوظة للبدو
                    ‎والله مايردنا الا مجلس الامن..




                    هالكلام من مدونة شوق هالبنت تذكرني بوحدة من خواتي
                    تجيب كلمات من العصر الحجري وأمثال ما عرف معناها وتقول
                    قصصها انا اللي يصدمني انها أصغر مني وحافظه أشياء ما حفظتها أنا
                    أنا لاني من النوع الاجتماعي خارج نطاق القرابه وعلاقاتي بالناس
                    اللهم لك الحمد والشكر جميله
                    ماعرف قصص ولا معاني أمثال ما اتعمق لأن التعمق مضر صحيا
                    وجاتني من وراه كسور انجبرت غلط

                    نرجع لشوق أجل تبين تروحين مجلس الأمن لأنهم سرقوها
                    أجل كسري الجوال وارجعي العبيها بطريقتك احسن
                    أظن كذا اقتنعتي


                    خودافس قبل أنفس عليها
                    التعديل الأخير تم بواسطة تنهيدهـ; 27-07-2016, 12:58 PM.

                      تعليق

                      • تنهيدهـ
                        V - I - P



                        • May 2012
                        • 2909
                        #356
                        رد: (خاصرة حرف رمادية ) *"




                        مساء الاوشطه

                        ودي بشاي على الفحم يعدل راسي بس الوقت مره مو مناسب
                        فحم بذروة الحر أصلا بس تتخيل هالشي تحس بقرف طبعا للي
                        يعرفون جو الرياض هاليومين أحقية التخيل الباقين ابدبر لهم مثال
                        شلون يتخيلون شاي على الفحم الظهر
                        امممم أبسط شي حمام الساونا يصلح للتمثيل
                        والله ياهو حر ورطوبه اطلع الحوش ارجع أناقز من الحر واقعد عشر
                        دقايق ماشوف شي وعقبها يجيني النوم اللي مو وقته
                        اصلا الجو النفسي اليوم ماش والحاله كسيفه الله المستعان بس


                        يلا خودافس عندي حفله




                          تعليق

                          • تنهيدهـ
                            V - I - P



                            • May 2012
                            • 2909
                            #357
                            رد: (خاصرة حرف رمادية ) *"


                            لكن انه يمسك بنت اخته او اخوه ولا اخته اللي عمرها اقل من سنه
                            ويقولها الكلام اللي تستحق كل طفله من دلع
                            ترزئين عليه بووزك اللي لو يمر احد من قدامك
                            تعكرف من طوله كذا لا قوييه
                            الزعل اللي ماله أي فائدة
                            وش الحل وش الطريقة
                            لحل هذا المشكلة الي اشوفها
                            مشكله طالعه بشكل زايد اليومين هذي






                            يعني بتقنعوني الحين من زود عشقها تغار من أطفال
                            أو حتى من تعامله مع أخته بلطف .. لا كذا اصدموني
                            ترى بالعكس اذا تعامل كذا مع أهله ومع الأطفال
                            المفروض هذا شي يبسطني لأني أنا أشوفه بأكثر من صوره
                            وشخصية قدامي وأشوف قدرته على تغيير أساليبه مع مختلف
                            الأعمار وطريقة تعامله ..
                            أما حركات انه ابي زوجي بشخصيته القوية مع الكل أو الضعيفة
                            مايتغير فهذا جد جد صغر عقل

                            ترى لطافة الزوج مع أخته و أمه وكبار السن هذا واجب عليه
                            من قبل لايكون للزوجه مكان بحياته يعني الغيرة لها حدود
                            والقلب له وقت والعقل له وقت عاد الخبله اللي تدخل الأمور
                            ببعض وماتوزنها بتروح عليها وبتصير نفسيه

                            ماعلينا نجي لعزوز بصراحه يبي له جلد كل يوم ماسك الحريم
                            بزاوية ويمردغ

                            ترى انا مو معك بكل شي بس هالمرة صدفت ووافقتك الرأي
                            حلو موضوعك اللي انفتح بس ترى الرجال مو دايم محور اهتمام
                            حلو الإتزان بالعلاقات والرجات تزيد من حلاوتها


                            خودافس قبل الشوته أحس عبدالعزيز بيصير الراهب بثواني









                            التعديل الأخير تم بواسطة تنهيدهـ; 29-07-2016, 05:15 AM.

                              تعليق

                              • تنهيدهـ
                                V - I - P



                                • May 2012
                                • 2909
                                #358
                                رد: (خاصرة حرف رمادية ) *"




                                ‏كنت احتريك واخري تنهيده .. حسافه ايامي وانا منتظره


                                دائما لما تنتظر أشياء كنت متأمل فيها بحياتك وتنصدم
                                بقدر جارح اللهم لك الحمد على كل شي أولا واخرا
                                يعني الحسافة ف الغالب ماتكون إلا على العمر اللي
                                ضاع بصراحة
                                لأني اقتنعت قناعة تامة انه انتظار طلب من ماك أصدق
                                من انتظار حلم أو قصة ينسجها غيرك من طفولتك أو حتى
                                في كبرك ..
                                أحب أقول لاتثق ولاتفرح بشي منسوج من أطراف حكمو
                                على قلبك من نعومة أظفارك أو طرف آخر يضيع وقته معك
                                بكلام ماخوذ خيره

                                التعديل الأخير تم بواسطة تنهيدهـ; 29-07-2016, 11:50 AM.

                                  تعليق

                                  • تنهيدهـ
                                    V - I - P



                                    • May 2012
                                    • 2909
                                    #359
                                    رد: (خاصرة حرف رمادية ) *"


                                    الدنيا حلوة بالأكل بالسفر بقيام الليل لو ركعتين ببسمة ترسمينها
                                    على شفاف غيرك بأعطيات معنوية بسيطة لله
                                    انا أكره الأشخاص أو بمعنى أصح أشفق على الأشخاص اللي
                                    توقف حياتهم عند غيرهم كل شخص له كيان مستقل يقدر يسعد
                                    نفسه بأبسط الأمور الدنيا ماتوقف اذا زعلت أو كدرت خاطرك
                                    على أمور تافهه الحياة ماتعاش بالقلب بس وظف عقلك إذا انكسر
                                    قلبك والله راح تمر أيام وتذكر مواقف قديمه استنفدت فيها
                                    كثير من مشاعرك على تفاهات وتقول ياليت استغليت العمر
                                    أي شخص يمر بمأساة عاطفية تكسر قلبه أو اجتماعية تهز ثقته
                                    بس مو معناها أوقف هناك اختصر على نفسك واستجمع قوتك
                                    وانبسط
                                    مدري وش له هالفلسفه بس أكره أشوف نفسيات يوم الجمعه
                                    بالذات يخربون مزاجي والله جيت اطلع حرتي هنا أبي أستمتع
                                    بالحر بعد شوي
                                    والله اني احبكم مدري ليه << تبي تعزيز

                                    خودافس إلى الحوش

                                    التعديل الأخير تم بواسطة تنهيدهـ; 29-07-2016, 11:54 AM.

                                      تعليق

                                      • تنهيدهـ
                                        V - I - P



                                        • May 2012
                                        • 2909
                                        #360
                                        رد: (خاصرة حرف رمادية ) *&quot;



                                        حاشرني المنتدى هالفترة ما اقدر اكتب سالفه طويله ليه


                                          تعليق

                                          السابق 1 26 27 28 29 30 31 32 33 34 35 36 37 38 39 40 41 42 43 44 45 46 86 126 template التالي

                                          google Ad Widget

                                          تقليص
                                          يعمل...