تويت
تدرين وش أكبر قهر به أنا بحت
******* إني عرفت إنك مثل باقي الناس
ماتفرقين بشي لكن أنا طحت
*******كومة مشاعر ولعتني والاحساس
كنت أحسب انك تحضنيني ليا صحت
*******متأثر بجرحي اذا اشتد بي باس
ياحيلة الله ياخفوقي لمن رحت
*******متعلقه فيني وأنا صدق محتاس
مدري هوى مدري انتقام وأنا سحت
*******بين الغزل يوم الوفا صار ينداس
ايه اعذري قلبي اذا اقفيت أنا وشحت
******* لاني أنا مجروح من ماضي الياس
لاتسأليني لا لبست وتوشحت
*******ايه أقفي بصمتي اذا الهم بي حاس
وانتي لك الله ياعيوني وانا ارتحت
*******من هرج عذالك ومن طيحة الفاس
أتمنى أن تنال إعجابكم / فهد إبراهيم الباتلي
تعليق