تويت
زوجة صالحة
كانت اول جمعه عدت علينا بعد جوزنا " بعد العصر في الصاله "
دخلت لقيت مساند عل الارض و مقرأتين و كبيتين عصير
و لقتها قاعده زي الملايكه "لابسه اسدال الصلاه الوردي و ابتسامه خفيفه على وشها "
اول ما دخلت بصيت واستغربت
... نادت عليا وقالت " احمد يا احمد تعالى اقعد عوزاك "
قولت "يا عيون احمد "
قالت تسلم عيونك ليا
قلت " ما انتي عيوني
قالت ابوس ايدك بلاش الكلام الحنين ده دلوقتي خليني اكمل كلامي
رديت وقلت " كلي ودان سامعه "
ضحكت و قالت " بص يا سيدي اعمل حسابك كل جمعه بعد صلاه العصر في جلسه تلاوة ليا انا وانت بس "
""و هي ببتكلم كنت مبتسم و باصص في عيونها و مسهم و عجباني قوي طريقه كلامها "
قالتلي " ايه رايك ؟
" رحت قايم وبايس جبينها و قولت ربنا يخليكي ليا يا طريقي للجنه "
ابتدينا فعلا قرايه " كان اجمل صوت سمعته كان صوتها "
كل ما تيجي تخلص الاقي عينيا تدمع و اقول لها كملي عشان خاطري
""" في اليوم ده بالليل عل الساعه اتنين ظبطت المنبه و قومت من غير ما تاخد بالها و رحت اتوضيت وصليت وقعدت ادعي لها " و احمد ربنا على اجمل هديه ليا في الدنيا "
ودعيت و قولت " اللهم كما جمعتنا على حبك في الدنيا اجمعني بها في جنتك يا رحيم "
و لقيت صوت بيردد ورايا و بيقول امين " كانت صاحيه وسمعاني
وكملنا مع بعد صلاه " يوميها من فرحتي مكنتش عارف احنا صلينا قد ايه
بس بجد " كانت اجمل صلاه "
تعليق