تويت
الكفيل الله **
قصيدة / الكفيل الله**
ماعاد لي في مبسم الناس حاجه
ولا كان لي في هرج الانذال تعبير
عندي كلام وغايتي هي رواجه
الصعب مخلوق (ن) معه لفظ تيسير
والسير في ليل (ن) مطفى سراجه
يعثر بخطواتك ولا يحث بالسير
والعقل لا جاله مرض وارتجاجه
يعجز عن الادراك او بعض تفكير
حتى اللسان اللي يبان اعوجاجه
بتره علاج بدون جرح (ن) وتخدير
الحر من يترك علوم الدجاجه
يرقى بحاله لا طروا قصة الطير
والجهل لو طول علينا عجاجه
وفجر مدامعنا من الياس تفجير
مايدوم مسجونه بقبضة سياجه
لان الكفيل الله يعز و يجير
ومن ألبسه حظه من الهم تاجه
غصب عن انفه يلبسه حله الخير
لان المقدر بيد رب المناجه
ارحم من ام الطفل لاصار به ضير
يومه خلقنا ما خلقنا لحاجه
ولا هو معمرنا على الارض تعمير
غاية الهي نعبده ثم نناجه
ونصوم ونصلي وندعي الى خير
من قال أن النصح يحمل سماجه
مخطي الصواب وماطلبناه تبرير
أوراق الخريف
تعليق