وصاته

ضاقت بي الدنيا لحظة وفاته
اه كم قلتها اه من حر مافيني

لاتبكين قالها وكانت وصاته
وش اقول وكل شي يبكيني

شفته يحارب الموت وسكراته
وهو ماسك في يديني يهديني

يبتسم لي وده يخفي اهاته
مايبي يسمع بعد موته ونيني

قبل الشهادة قال اني مناته
وقال دخيلك ادعي لي لاتناسيني

وصوتك يا...... لا اسمع وناته
ترى كذا في قبري تعذبيني

اعشقي غيري و املي له حياته
الحي ابقى مني يانظر عيني

عطيه من حنانك وبيني له غلاته
وقدامه حذاري لا تذكريني

امدحيه و امدحي له صفاته
امدحيه مثل ماكنتي تمدحيني

حسيت فجأة بصوت نبراته
غريبه كنه يقول ودعيني

قال اضحكي له بجميع اوقاته
و اسعديه ان كنتي تحبيني

قلت انا احبك وقلبي زادت معاناته
من كلامك هذا قطع شراييني

مانيب عاشقه غيرك و ذاته
ومافي حب عن حبك يسليني

نام في سلام والقلب في صلاته
يدعي عساك في وسط البساتيني

و الله يسكنك في أعالي جناته
والحين تشهد قبل ما تخليني

مات والقلب ضيقته جاته
راح وماعاد لي خل يواسيني

الفكر وان تزايدت ضيقاته
وضاقت بي الدنيا الله يعيني

مجبورة ما أبكي هذي وصاته
واكتم دموعي واحبسها في عيني