تويت
سكبت عبراتي **
قصيدة / سكبت عبراتي
ليه الزمن وقف على لحظة الياس
وليه الدموع اللي بعيني حيارى
سكبت عبراتي على خد قرطاس
للي ستر فيني عيوبي و وارى
أبعد عن اللي حمل الفكر وسواس
وأشعل فتيل وزاد بالنار نارا
زرع بروحي شك من كل الأجناس
و ظنيت عقلي طار وأخطى المسارا
وأنا التي بالخير ماقاسني قياس
حطمت بالطيبة حدود (ن) كبارا
كفي تسابق من جنى فرحة الناس
أبيع روحي وأشتري للفقارا
أضحك ونفسي بالضجر مالها أنفاس
تصفح عن اللي ضيق الخلق تارا
عاشرت فوق ألفين من خلق وأجناس
أهديتهم صدقي وخير الجوارا
لكن لقيت الوصل بالهجر ينداس
حتى الوفا والصدق غصب(ن) يدارا
حلمي كبير يدق له دف وأجراس
ويطير له سرب الأماني تتارا
أصبر على البلوى وأنا أقول لا باس
وأطلب من المنان حسن المسارا
ويكون لي المختار قدوة ونبراس
وفي جنة الفردوس لي خير دارا
بقلم/ أوراق الخريف
تعليق