تويت
جورك وظلمك عدل وانت العدالة
؛؛
جورك وظلمك عدل وانت العدالة
.....................راضي بما تحكم ولو جرت عادل
يامن ولا زلة ولا به خطا له
.....................وازل ويسامح وفوقه يجامل
أية مقام(ن)له لوحده مقالة
.....................واللي بقوله تعرفه مانت جاهل
لكن باوضح واختصر وبعجالة
.....................خبر وسط نشرة خفوقي وعاجل
يا من سكن في داخله هو لحاله
.....................راحتك خذها به لك القلب كامل
ما كان سهل ومنك ما به سهالة
.....................تشرب معي واكيد لا بد تاكل
فرحتك تفرحني وهمك انا له
.....................ما لي فضل همي عوايدك حامل
حتى القصور ان كان منك جمالة
.....................لا تظن باسمع فيك هرج العواذل
يا نصفي الأول وانا له كمالة
.....................ما جاء وانا وياك تحصيل حاصل
عاشقك ما في خافقه لك وقاله
.....................ما همني الا انت وشلون عامل
والمعذرة لو جات مني إطالة
.....................والشاهد الله قد قولي وصامل
فدوة عيونك كل ظلمك عدالة
.....................حتى ولو تظلم فلا شك عادل
///////////////////////////////////////////////////// مثمر
تعليق