مرت عشر دقايق صمت ..!
محمد لما سمع صوت علبه الماء وهي تفكها حسها بدات تهداء كان نفسه
يسالها سؤال يهمه....!
اما نوره وهي تشرب الماء تحسس ان جوفها ناررتحرقها وان الماء وهو يبل
ريقها وينزل لداخلها
مثل الماء لما ينزل ع الجمر ويتبخر ..!تحس انها ماتشرب ماء بارد من
النار اللي تغلي جواتها.. كان التعب يسري بجسمها خوف ورعب وجسد
هالك ودموع موراضيه توقف مهما قاومت ومسحتها ..!كانت حالتها مره مؤلمه....!صعبه تكسر الخاطر وتبكي القلب القاسي...!
محمد : نوره (قالها وهو يطالع بجواله وينتظر اتصال من سطام) نوره
اتوقع انو حالتك احسن من قبل..!كان فيه سؤال مشغل تفكيري وشال افكاري ومخليني بحيره...انا ماراح اسالك وش صار وليش ابوك سواء كذا اواو؟؟
لكن محيرني سؤال واحد ليش ابوك بارد بمشاعره بهالموقف..يعني
انا صراحه لو مكانه وبنتي معاها فضيحه وجايبه لي مصيبه مو بشبعها
ضرب بمسح فيها الارض بشبع غليلي فيها بضربها لين اشوف الدم يسيل
من جسمها ماموتها بمسدس والا اخنقها زي ابوك لا اضربها لين تطلع
روحها..لين يغمى عليها اذبحها وادفنها ولادمعه تنزل مني .......!ل
كن ابوك..مادري صراحه الشيء الوحيد اللي امني عليه كان مايبني
اكشف عبايتك واذابحك بدون اشوفك..!!ومدري كيف خلاني انا اذبحك
وكيف امني وكيف مشت عليه هالخطه...! شي مو خاش راسي..!
رغم اني توقعتها راح تفشل ولولا المسدس اللي معاي ماكنت تجرات
ودخلت المخيم لاني واثق مليون بال100 راح تفشل.......!
(محمد نسى نفسه وصار يتكلم من قهره لانه مهما وقف معها بالموقف
هذا مو دليل انه راضي ع العار والفضيحه اللي مسويتها....)
نوره كانت تبكي وكلام محمد لها بهالموقف ...!حسسها انها وحده حقيره
رخيصه لاشرف ولا اخلاق.....وحده صايعه وبنت ؟؟؟..!
نوره وهي تصرررخ بصوت اختلطت فيه مشاعر الالم الظلم الاحسسسساس بالاهانه صوت
صرخ في داخلها يقولها انتي بنظرهم تافه رخيصصه صرخت نوره
نوره وهي تصرخ:والله والله العضيم انا ماسويت شي ولاغلطت انا ماسويت
شي ليش محد راضي يصدقني ..؟؟
ليشش ليش ؟؟؟

محمد بعصبيه :قصري صوتك..!ترى حنا بمكان عام شلون ماسويتي شي
ولاغلطتي وابوك بيذبحك...؟؟
نوره:انا مظلووووووووومه والله مظلوووومه عسى الله ياخذني ..انا
موعارفه شي ..!
محمد:فرضا صدقت انك مظلومه وخششتها براسي رغم مستحيل بتخش
لكن ابوك ليش بارد يعني هل هو ماعنده غيره؟؟
والا غبي والا انك مو بنته؟؟صراحه مافيه اب بيسوي كذا ؟؟؟
جاوبيني يانوره ليش تصرفاته بهالموقف
بارده وشعوره مو الشعور الطبيعي اللي يحسه أي اب شاف شي ع بنته......!يعني لو انا غبي
وعقلي فاضي بلاحظ شعور وتصرف ابوك..!

كان كلام محمد لنوره مثل النار اللي يزيدها حطببببب كل كلمه وكل جمله
خلتها تنهار اكثر واكثر...
ماقدرت تقاوم انهيارها وبكائها اللي خل محمد يندم انه سالها صوتها وهي
تبكي وتشهق حسسه انها ضعيفه ومكسوره وبكاها مو بكاء وحده
مسويه مصيبه ... حس بكلامها وبنبره صوتها قصه مخباه موقادر يعرفها..؟
ندم انه سالها وبنفس الوقت هو قاعد يعيش موقف صعب كان
هالسؤال يهمه اكثر من أي شي ثاني..

محمد وبنره هاديه : نوره جاوبيني ع هالسؤال وانا ماقصدي اضايقك
بس انا وانتي نعيش موقف صعب ومن حقي اعرف..وو
قاطعته نوره وهي تبكي :لان ابوي مو صاحي ؟؟
محمد وهو مصدوم :كيف موصاحي؟؟
نوره وهي تبكي وتمسح دموعها:لانه تحت تاثير !!!سكتت نوره؟؟
محمد بعصيبه:تاثير شششششنو؟؟؟؟؟
نوره :تاثير الحشيش ابوي يتعاطى عشان كذا رحت بالسياره وراء اخاف
انه يصحى ويرجع لطبيعته وينقلب وحش ..؟؟؟
محمد:انتي شعرفك انه يتعاطى وانه يتعاطى حشيش بالذات..!
نوره : دايم اشوف بملابسه لما اجي اغسلهم..ماده نفس الصلصال
لونها بني بحث بالنت عنها لاقيتها انها اخف نوع من انواع المخدرات
ونوعها الحشيش وعرفت ان اللي
يتعاطها تحسسه بالنشوه والسعاده وبروده الاعصاب..وتخلي اعصابه
تسترخي 7ساعات او 8ساعات وبس يرجع لطبيعته يصير عصبي و
مايتحمل أي شي ولاي سبب يثور..!عرفت بعدها انو ليش ابوي بالبيت
مرات لو تصير مصايب بالبيت مايسوي شي ومرات لو قهوته تتاخر
ضربني وكسر راسي.....!يوم خلص دوامه وهو راجع للبيت دقوا عليه
المدرسه وقالوا له اني تعبت وبالمستشفى ...!
محمد بعصبيه :يعني حشش قبل يجي للمستشفى ...!
اوساكته.........!
سسسسسسسسساكته؟؟؟؟؟؟؟توك تتكلمين شسوي فيك شسوي فيك .........!
نوره : وش تبيني اسوي والله مادري شسوي بالموقف وبدات تبكي ..!
محمد: اخ بس شسوي الحين. هو ماراح يصحصح الا باخر اليل جرعه
الحشيش احيانا تاخذه اكثر من 9ساعات..!
كنت شاك انه مو بوعيه ملامحه صوته عيونه تصرفاته كل شي
فيه حسسني انه مو طبيعي...!
وانتي هنا منطمه وساكته لو ماسالتك ماجاوبتي ..
الله ياخذك كنتي بتوديني بمصيبه.!,,

نوره صارت تبكي وتبكي اكثر من قبل وضمت رجولها وحطت راسها
موعارفه وش تسوي ؟؟!
استلمت للمصير اللي بيكون لها حتى الموت اللي خافت منه ماصار يهمها.
.تحس انها تبكي الدم مودموع..!

محمد: قاعد تمشي ع رجولك قسم بالله ياسطام 10دقايق بالكثير اذا ماشفتك هنا موطيب
سطام وواضح انه يصرخ بالجوال وووضح صوته لنوره : اطير يعني اطير .انا قريب من عندكم..!
محمد:10دقايق قلت..يلا باي
سطام:......
محمد سكر من سطام ودق ع صديقه
محمد:هلا عمر
عمر:هلا وغلا ياخي وحشت...)

قاطعه محمد:اسمع بدون رسميات وووالخ فيه مخيم ابي تجي انت وطلال
كل واحد يجي ع سيارته الهلي <<(دلع هايلكس عند اهل القصيم)
عمر قاطعه:ليش..؟
محمد: عشان نفكك مخيم وناخذه المخيم اذا ماخذناه خلال ساعتين راح علينا..!
عمر : مخيمنا يكفي..
محمد بعصبيه:أي مخيم خيمتين ونص عمدانهم متكسره ولا رواق ولاكهرب
ولاشي ..!مومخيم هذاك مسخره ..
عمر:ههههه اهم شي الاخلاق وح...)
قاطعه محمد :الحين انت فاضي تنكت...كلم طلال وبعد نص ساعه
الاقيكم ماسكين خط الطرفيه ودقوا علي عشان اوصف لكم..!
عمر:وانت طيب وينك..!
محمد بعصبيه:انا بخلص لي شغله تبي مني نص ساعه وبسبقكم هناك...!
عمر:طيب يابو الشباب ريلاكس روق يابعدي..ليه معصببب..!
محمد:يلا باي انتظرك تدق بعد نص ساعه..!
عمر:كسحه محترمه طيب يلا بايووو..!
سكر محمد الجوال الا وسطام يكبس عليه....!
نزل محمد وانتظر لسطام لحد ماوقف وقعد يسولف شوي معاه...
اما نوره فكانت مررررررررعوبه الكلام ضاع ع شفاها وانفاسها سريعه.
موعارفه وش راح يصير لها ...!!
رغم حلف محمد لها موقادره تثق تقول بنفسها اذا ابوي بيذبحني الغريب بيرحمني..!مستحيل..!
شوي الا جاء محمد وفتح بابها صرخت نوره: وش تبي وش تبي ؟؟؟؟؟!
محمد:لاتصارخين لاهفك بكف يطيرك..!امشي اركبي السياره
وقبل تركبين عدلي طرحتك ونقابك ونفضي الغبار اللي عليهم وتغطي زين..!
موناقص انا
نوره قعدت تبكي وهي تعدل نقابها خافت من محمد وصوته وعصبيته...!
نوره:اذا معك بروح اذا معاه مو رايحه..الله يخليك لاتتركني.....
محمد كلمت نوره زلزلت قلبه وحركت مشاعره حسها طفل تايه ضايع
لقى شخص يحن عليه وتعلق فيه..!
محمد:وهو معطيها ضهره ويبيها تمشي وراه تطمني انا اللي بسوق ..بس بسررررررعه اركبي
راح سطام ع سياره محمد..للاسياح واما محمد ركب سياره سطام
محمد وبنبره مععصبه و بدون مايلتفت :ليش راكبه وراء سواقك انا..
نوره بنبره خوف:ووووييي ي ي ن اروح بسيارتك راكبه وراء
محمد :تو كنا بالبر لو ركبتي بالحوض بكيفك الحين بنروح لبريده
عمرك شفتي احد يركب اخته او زوجته
او بنته او وحده تقرب لهوراء ..وقدام فاضي حتى الغبي
وهو الغبي مايسويها....!
ماترككب وراء الا فيه سبب وحنا موناقصين بلاوي..اركبي قدام...
نوره:تكففففففى بتخبى تحت...
محمد:اقولك قومي اركبي قدام للعن خيرك التفتيش مايوقفون الا
الشباب العوائل يمشونهم خلصني اركبي قدام

نوره خافت منه وهي مرتبكه ركبت وهي ترتجف وتغطي يدينها وتشد
ع طرحتها وتنزلها وتحاول تلزق بالزجاج ماتبي تكون قريبه من محمد..!
محمد حس بحركتها وكان يطالعها بنص عينه معقوله على خوفها وارتباكها
ذا وتحاول تغطي ايدينها
تكون وحده؟؟؟؟ يعني البنت الللي تكون ؟؟؟يبين من تصرفاتها
لكن ذي مادري...!! معقوله تكون بريئه
لالا مستحيل يمكن اكون تعاطفت معها مادري هالبنت وش
سالفتها لكن مصيري بعرفها....
..!والله ماراح ارتاح لحد ماعرفها..!
نوره وهي تطالع الدم اللي ع يد محمد
نوره: محمد جرحك ينزف...!انا ولله اسفه والله اسفه......!!..!
محمد وهو يطالع الطريق: لاتفكرين انه عشانك لا عشان انقذ نفسي
لاني لو عارف ان المسأله فيها قتل وماقتل؟؟ماجيت لحد المخيم توقعت
اراقب اعرف وين بيوديك ماتوقعت ان السالفه فيها قتل ..ليش مجنون
اجرح نفسي عشان وحده مدري وش مصيبتها.دامي خليت السالفه
كذب في كذب لازم احط دليل اني ذبحتك والجرح صغير وكله لعيون
........ وسكت محمد....!!
نوره سكتت كان كلام محمد قاسي لكن مو اقسى واصعب من حالتها
..كانت راضيه باي كلمه يقولها محمد..لانها عارفه انه بنظره ولاشي ماكان يهمها تعرف منو يقصد محمد يوم قال لعيون وسكت... كان يهمها وش نهايه اليوم ومين اللي متواصله مع محمد عشانها وليش ووو؟؟!
وبعد ربع ساعه كان الصمت هي لغه الموقف .......!

دخلوا لبريده ومن حسن حضهم لانقاط تفتيش وعدى الموقف ع خير بالنسبه لمحمد..!
نوره طول الوقت كانت ساكته مرتبكه خايفه الرعب يسري بكل جسمها...!منهاره..كل موقف يخليها
تضعف اكثر واكثر..!موعارفه وش مخبيه اللحظات الجايه لها..!
قطع تفكيرها صوت محمد
محمد :هلا وغلا لا تطمني 5دقايق وانا عندك لا هي بخير
؟؟:................
محمد:ايه انتي يوم دقيتي كنت عند سطام ..وقلت لك ربع ساعه واكون
هناك وصرت عند كلامي...!
؟؟:......................
محمد:اوك يلا باي.!
نوره موفاهمه شي الموقف كان بالنسبه لها سلسله من الاحداث لمرعبه موعارفه
منو القريبه اللي سوت كل هذا عشانها وكيف عرفت..؟ومين هي ...؟ ضلت بداومه افكار وعلامات استفهام في راسها..!!كانت الدنيا تلف فيها من كل صوب الالام تسري بعروقها..البكاء هد حيلها..متوتره والخوف ينبض في قلبها ..حست
انها نهايتها قريبه
كل شي جوتها توقف عقلها ..افكارها..العبارت تاهت والحروف تجمدت
ع شفاها
وش المصير اللي بتجواهه ..ياترى محمد صادق والا محضر لها مصيبه؟؟
ضاعت نوره بالدوامه.......!
وبعد 5دقايق وقف محمد :يلا انزلي ..!
نوره: ..........
محمد:انزلي شفيك يوووووه اخلصي قريبتك تنتظرك جو البيت ..!
نوره: ........
محمد :نوره نوره شفيك نوره نوره...!
نوره..............
محمد قرب منها بيتاكد هي بخير...! او لا
نادى عليها باعلى صووووت نورررره؟؟؟؟ردي علي شفيك؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


نهايه الفصل الثالث





توقعاتكم..للفصل الرابع....| ارئكم ؟؟؟؟

الفصل الرابع
محمد وعلامات الصدمه باينه ع وجهههه نوره ماترد
قرب منها حط يده ع كتفها وحركهايحاول انها تصحى ..!

محمد:نوره نوره نوره شفيك ؟؟
نوره:...........
نوره ماترد عرف انها مغمى عليها ارتبك موقادر يسوي شي
موقادر يكشف وجههها عشان يتطمن..!لحظات عصيبه
وكانت اللحظه ذي بالنسبه له.لحظه حيرررره وش اللي يسويه!!وكيف يصحيها..!

محمد مسك جواله وانفاسه سريعه والعرق يتصبب منه..!
قلق ارتباك حيره خوف..!مشاعر اختلطت جواته...!
محمد:الو افتحي الباب بسرعه...!بسرررررعه!!


وسكر جواله بدون مايسمع منها رد ...!
بدون شعور نزل من سيارته وفتح الباب اللي من جهه نوره
فتحه بشويش ..لانها كانت ملزقه نفسها ...احساسه يقوله نوره ماتت..!
نوره يمكن توقف قلبها..كيف بتتنفس..!وقتها محدود وووو...!
قطع محمد كل هالافكار المرعبه اللي ثارت داخله!!!!!
بدون شعور فتح الباب بقووووووه وشال نوره..بين يدينه مغمى عليها..
وركض وخش جوا البيت....

ماكان يهمه شي بذي اللحظه الا نوره مو حب ولا تودد لكن هو شعور
الرحمه اللي خلقه ربي فينا شعور الرحمه والعطف..!
كان هالشعور مسيطر ع احساسه خصوصا عاش معها لحظات مرعبه
صعععععععععبه مؤلمه ...!



×××
دخلت ندى الفيلا وصعدت الدرجات وهي
تحاكي لمى ع الجوال ...!
كانت لمى هي بالنسبه لها كل شي..!
رغم انها توها راجعه هي واياها من المول..لكنها ماتصبر عنها
هي كل شي كل شي بحياتها خصوصا ان اعمارهم متقاربه..!
,,
ندى:هههههههههه مع نفسك..!
لمى وهي منسدحه ع سريرها :من جد شرايك باللي قلته..!
ندى بعصبيه :لا وين مالي خلق بكره اروح توها باديه
الدراسه من اسبوعين ..!
لمى تضحك:هع هع اكوس شي نغير جو..!
ندى: بسبس<<ندى تدلع لمى.. اذا بتروحين روحي انا لا..!
لمى: كدوشي<<لمى تدلعها بكدوشي..!
ندى :عيوني وقلبي وروحي وحياتي امري تدللي ..!
لمى:وتصارخ وووووه وه وه لا وخروا
بتشقق هذا المستخدم في حاله خققققق هههههههههه
تصدقين ضيعت وش بقول مانلام تاثير الخقه ههههههه
ندى:يالباك وشو؟ وش بتقول اخلص ..!
لمى:تلايطي وشسمه هذا طيب وش رايك بعد بكره نروح..!
ندى:ممممممم بعد بكره اوك عادي موومشكله.. المهم انا وصلت غرفتي
الحين بخشها وبغير لبسي وبحاكيك ع البيبي او فون يلا باي
لمى:با ...)
سكرت بدون تكمل لمى
لمى وهي معصبه :لعنه سكرت بوجهي.....!
ارسلت لها(مالت عليك<فيس يكششش ....يلا بنام لاتنتظريني
ماراح ارد عليك .....لو دقيتي)
×××
تركي وهو منسدح ع سريره اللي مثله وبعمره..يسهر ع الللاب او يدردش
ع البيبي قبل ينام او ع أي برنامج حق محادثه او حتى يكون طالع مع اصحابه
او يسوي أي شغله من اللي يسوونها الشباب عشان يرفهون على انفسهم
لكن تركي ماكانت هالكماليات تلفت شعوره او حتى ماحلم يمتلكها..
كانت الهموم ترسمه ع صفحات الاللم..يطالع دولابه اللي من طلع ع الدنيا
وهو دولابه..يطالع الجدران اللي اثار الفقر لونتها...تنهد
وهو يطالع للسقف ومنسدح ع ضهره ..ضاع بين افكاره
امه المريضه واللي تروح ككل صبح لجمعيه عشان تشتغل مستخدمه..!
والا اخته اللي مهما سكتت الهم والالم باين بوجهها..والا هو اللي مكافاه الجامعه
لها شهرين ماجات..اوسيارته اللي لها 3ايام بالورشه..!
او دوامه بالمول..اللي مايسوى ينذل ويتعب بسببه ومايستلمه الا يسدد فيه
البقاله ........تنهدتركي وبكل تنهيد يحس انها تعتصر قلبه
تركي:الله يرحمك يابوي ..مت وماشفتك..شفت بس الديون
اللي كسرت ضهري وضهر امي ..يارب فرجها يارب ...!
دق جواله n73 ..
تركي:هلا عبود
عبود:هلا فيك ..لاقيتك مرسل كول..!
تركي:أي رصيدي مخللص وخبرك ..البورش.. بالورشه..وقلت ابيك تمرني
بكره عشان نروح سواء للجامعه
عبود:هههههه اي هي كامري وتكح كح.. تقول بورش
قول لكزس اما بورش قويه ع سيارتك صراحه..
تركي:ادري سيارتي كامري وكسره وملعون ابو جدها بس مالي غيرها..
عبود:هههههه ع قولتك اوك بمرك بكره ..!
تركي:ماتقصر يلا اجل مع السلامه..!
عبود:ولو مابينا شي يلا فمان الكريم...!
×××
بغرفه ناصر (ابو مازن)

ابو مازن يطالع ساره اللي جالسه ع التسريحه و تزيل المكياج ..
ا بنظرات حاده...وهو جالس ع الكنبه اللي بزاويه الغرفه..
ساره حست انه يطالعها والتفت عليه وهي تطالعه باستغراب..!
ساره:شفيك تطالعني كذا..!
ابو مازن بتطنز:ابد منبهر بجمالك الساحر..!
ساره:تتطنز..!
ابو مازن:تطنزت او ماتطنزت مو شغلك..انتي لمتى وضعك كذا
متى تتعدلين...!
ساره بعصبيه:وش فيني انا وش مسويه.!
ابو مازن بعصبيه :لا ترفعين صوتك..انا لماتكلم صوتك مايعلى ع صوتي
فاهمه ..!كل يوم طالعه كل يوم برى البيت..!
متى تنتبهين لعيالك لبيتك .......!وش فايدتك بالبيت..!
ساره:انت دايم طالع 24ساعه ولاجيت اخر اليلل قمت تهاوش علي..!
وتبيني احبس نفسي بالبيت ..عيالك مو هم صغار..ولاناقصهم شي..!
كل شي يبونه يجيهم..!
ابو مازن قام ومشى لحد باب الغرفه وبيطلع: الله يكملك بعقلك..!انا واحد مشغول.
.!ونقاشي معاك ماله فايده لو بتتعدلين..تعدلتي من اول ماخذتك لكن سبحان الله
تجارتي واعمالي خلت السنين تمشي بدون ماحس..!وانتي هي انتي..!وصلت الناس
للقمر وتطورت وعقلك هو عقلك..
ساره:وش تقصد وووو.....)
طلع ابو مازن وتركها بداومه كلاممه القاسي لها..كان يبيها تغير من حالها..!
تقلل طلعاتها..تنتبه لعيالها ..لبيتها..يبيها زوجه تفهمه ..تهتم فيه ..توقف تنتظر جيته
من الدوام..تطبخ له من يدها ..تلم عيالها حولها وتسالهم ..عن احوالهم..!
كان يحس انه مقصر بعياله لكن يبيها هي من تعوض النقص هذا..
اما ساره..ماكان يهمها شي غير وناستها ونفسها وشياكتها..رغم مرور السنين
الا ان طبعها ..واهتمامتها ماتغيرت......!

×××
ربى تشيك ع بريدها باللاب..وفتحت المسن..!
قعدت تضحك يوم شافت مازن متصل عندها...!لكن وقفت ضحكتها ع شفاتها
يوم شافت بروسنال(الرساله الشخصيه)
مكتوب( ياخوي ضايق ومدري وش مضيقني ...)
اوجعها قلبها ع بروسناله ..حست انه متضايق ...واللي اوجع قلبها اكثر
كلمه (ياخوي)وهو ماله غيرها وغير ندى ..!تمنت ان هي تتضايق
تشيل الهم ولاخوها الصغير يتالم ويتضايق ولاحد حاس فيه
رحت ربى لنك مازن تبي بس تعرف وش فيه او ع الاقل تغير جوه


ربى:هاي يادميل وحاطه فيس مستحي..!
مازن مارد عليها لانه حاط في الخارج..!
ربى:ارسلت ندى اشاره تنبيه اكثر من مره وحاطه فيسات معصصصبه..
مازن:وجع وش هالتنبيهات خير وش تحسين فيه..!
ربى :شسوي يامزمزي مدري وينك..!
مازن:انا اكلم بجوالي وحاط في الخارج..!
ربى وهي تكتب لمازن..!
غير مازن رسالته الشخصيه وخلاها فاضيه مايبي ربى تقراها
ولايبيها تعرف وش فيه لانه ماتوقعها تخش المسن...!
ربى:مازن متى تنام!
مازن: وش عندك خاشه مسن..وانام متى ماغمضت عيوني هووووع
وحاط لها..فيس مطلع سنونه ..
ربى:هههههه فيساتك غبيه ..والله كنت اشيك ع البريد ومن باب الشرافه
خشيت المهم اسمع ..انا بنزل تحت بالحديقه وبنتظرك هناك خلالاص
مازن:ليشششش
ربى:اوم الغباء اللي فينا الحين مابيني وبينك الا 8امتار ونسولف بالمسن
الحديقه جوها روعه بسولف معاك طفشششانه يلا انتظرك
وسجلت خروجها وهي تدري ان مازن راح يجي للحديقه......!
وبعد 10دقايق مازن وربى بالحديقه..!

مازن: جو الحديقه روعه وربي ...
ربى :اي يريح الواحد تدري يوم نزلت شفت ابوي طالع ..!
مازن:..............
ربى:ليش ساككت..!
مازن واللي واضح عليه متضايق:واذا طالع اساسا متى عمره جلس ..
ربى:حرام عليك طول وقته بالشركه وهذا الوقت اللي يطلع فيه مع اصحابه
مازن:كبرنا وبنشيب وهو طول وقته مشغوووووول..!
ربى:مازن انت متضايق من ابوي,و ادري انك متضايق وشفت بروسنالك وربي عورني قلبي
لكن يامازن ابوي رجل اعمال يعني طبيعي مشغول دايم ولولاه ماصرنا بالعز هذا.
مازن واللي كلام ربى حرك كل مشاعره وخل الكلام يتسابق ع شفاته
والاحاسيس تتزحم عشان تثور ماكان احد يسمع له غير ربى ,,,!
مازن:انا مابي عز مابي فلوس مابي حياه ترف..!
والله مابي ابي اب يحس فيني ..ياخذني معاه وين مايروح ..يسالني عن دراستي
يسالني عن طموحي..يوجهني ..يسولف لي عن ماضيه ..يجلس معاي بدون
مايشغله شي عني..اب اخاف منه اب احس بالامان لاشفته..

ربى:.............(كانت ساكته تبي مازن يتكلم ويفضفض)
مازن وهو يطالع للمسبح اللي قدامه ..وكان الهدوء وصمت ربى وسائل
كسرت حاجز صمته..وخلته يتكلم

مازن: يعتقد ابوي اني بكل اجازه نصفيها اني مبسوط
اننا طالعين برى المملكه..وانا مايهمني كنا باوكلاند.والا مانشتر والابلندن
والا باي مكان..
كان يسعدني اننا سواء واننا نسكن بسويت واحد..
وربي شعور ماتتخيلين شكثر كان يفرحني انام واصحى واحس
الكون كله يغني لي..!
ربى ماقدرت تتحمل كلام مازن اللي اوجع قلبها ..لانها قبل تسمعه من مازن
تحس بشعوره وباحساسسه ..ماقدرت تقاوم دموع ارتسمت بعيونها..!
ولاحتى قدرت تكتم الاهات اللي تصرخ بداخلها..!!
لحظات قاومت فيها شعورها وماحبت تبين لمازن شي ..!
ندى وهي تطالع بالارض:كلنا نعيش نفس الشعور يامازن..
مازن وهو يتنهد وبدون يطالع بربى ........
مازن:اه شعور اليتم ايتام لكن بمرتبه 5نجوم. .وقسم ايتام ياربى ايتام بس اللي يفرق اننا ايتام عايشين بعز يعني نعيش نفس الايتام نفس شعورهم بالضبط شي يقهر ..والله يقهر

ربى:...............
مازن التفت ع ربى اللي دموعها تسيل ع خدها ..كان كلامه زي
السكاكين اللي تدخل..جواها.. حس بالندم هو يشوف دموعها
تقاسيم وجهها البريئه ..والدموع اللي تنزل كان موقف مؤلم بالنسبه
له مؤلم ..!
مازن بنبره حنونه:ربى حبيبتي والله اسف ماقصدت ..انتي جايبتني بتهديني
صرت انا اللي ازيدك والله اسف..
ربى تحاول تمسح دموعها ولكن موقادره..!
قرب منها ومسح دموعها وهو يقول:والله حرام هالعيون الحلوه تبكي..!
انا اسسسف ..وقام وهو يحس بالالم يسكن قلبه ..صوره الحزن اللي
ارتسمت ع وجه اخته قدر يفسرها بدون ماتتكلم
راح لغرفته بدون مايلتفت ع ربى....ماكان يبي يحرجها اكثر او حتى يزيدها.!

×××
ندى ع الواتس اب ..تبي لمى ترد عليها لان لمى مقفله جوالها الاساسي..وجوالها هذا
الخاص دايم مفتوح بس ماترد ع مكالمات ندى..!
ندى ترسل:بسببس ميو..!وحاطه فيس بسه
لمى ماترد عليها..!
ندى ترسل...(ياحلو عطنا وجهه)..!!
ياقميل ياحلو يارايق..خل عنك التغلي.......!
لمى ماترد عليها ومطنشتها.....!
ندى صورت نفسها وهي منسدحه ع السرير ..
وارسلت بيت شعر
«`×ليتك تقول ابعد واناقول لبيه...!
اهون علي من صده مالها اسباب...!
×

لمى ماقدرت تتحمل تتغلى ع ندى رغم انها تتغلى ورغم
ان ندى ترسل بيت الشعر من باب تستعطفها ترد..!
لمى:حاطه فيس معصب ..!
ندى:ارحمنا ياثقيل يانت..!ياهلا بروحي وحياتي وقلبي ودنتي..!
لمى :هلابك..!
ندى:شف يابسبس ياتتعدل وتخلي حركات البزران والتغلي والا بروح اخمد..!
لمى:تلايطي يعني انطمي واسكتي مقفله بوجهي وربي قمت القط وجهي..!
ندى:يحوووووول كل هالزحمه عشان تسكيره الجوال..!بايخه وقسم..!
لمى:نيهاهاهاها اتغلى يابقره يعني ماتعرفيني.!
ندى سكتت وماردت ..
لمى ترسل لها:كدوووووووش وين رحتي..

ندى :يالله وش تبي ذي دقايق وارجع لك....!
لمى :شفييييييييييييك .........!
ندى : وحده مرسله لي مسج تقول اذا صاحيه دقي علي ضروري موضوع يهمك..!

لمى:ميييين هي منو البنت ووش الموضوع؟؟ووش تبي ؟؟؟
ندى: مدري مدري برب
لمى:ندى وش السالفه...وش صاير .........!
ندى ماردت ع لمى ..ولمى ماتدري وش اللي صار لندى ...!ووش الموضوع.!
ندى موقادره تصبر مسكت جوالها ودقت ع نفس الرقم اللي ارسل لها
ندى:الو...
×××
فتحت عيونها بصصصصصصعوبه...ماتدري هي وين وكم ساعه لها ع ذا الحال..!حاولت تقوم موقادره
نظراتها تتنقل بالغرفه وتتفحص تفاصيلها...وين انا سؤال يصرخ بداخلها وين انا؟؟
لاقت نفسها بغرفه ووممدده ع السرير..وجنبها مسكن وحبووب وعلبه عصير..ولحاله بالغرفه...!
هدوء وظلام الغرفه...وصرخات سؤالها ..وين انا؟؟؟ووين انا...؟ رسم لها مشهد ررررعب
وخوووووووووف يسري بعروقها ....سلسله احداث تتخيلها وبكل حدث تتخيله تتزيد معها سرعه انفاسها
تحس لكون كله يسمع دقات قلبها الخايفه...!جسمها يرتجف ..تحس الرجفه تسلسل لعظامها.....!
انفاس سريعه ..تحاول تقوم من السرير ..بتطلع من الغرفه بتسكت صرخات سؤالها ....!!
حاولت تستجمع قوتها وتحاول تقوم ...ماهمها وين بتروح ووش بيواجهها كان همها ..تعرف هي ووين...؟
بتعرف وش صار لها.....!!
بمعركتها وياتخيلاتها ومحاولتها انها تقوم من السرير..!
انفتح الباب بشويش.....!كانت الغرفه ظلام والنور وراء الشخص اللي فتح الباب موموضح ملامحه.
نوره حطت يدينها ع السرير وقامت بصصصصصعوبه وصرخت
نوره:ان ن ت ممممميي ي ن .!ووو ش تت تتت بي ممم ن نني<<(انت مين ووش تبي مني)
ماكانت تعرف منو الشخص...كانت مررررررررعوبه والدموع تجمدت بعيونها....!
شغلت نور الغرفه ..تبي نوره تشوفهها...!
؟؟الحمدلله ع سلامتك..ياحبيبتي..
نوره:انتي مين..؟و...!
؟؟..انا ......)

نكمل بالفصل الخامس