تويت
سرابك تعباني! الشاعر العملاق حسين الساعدي
تعبني سرابك!!
ساعه اتخايلك تفديني بالروح
وساعه اتضحي بيه إويه القرابين!
وساعات الوفه بس منك ايفوح
وساعه ابركبتي اتحد السجا جين
مجنون اني اشوفك لمن اتروح
ونصير اثنينه ابجيتك مجانين!!
ويحسدوني اعله ممشاك المحبين
مايدرون كلبي امترس اجروح
ودموع الفرح ما زارت العين
بس دمع الحزن وبدمعي مفضوح
جمر ويخلي بخدودي النياشين!!
ترى اشمدريه اليكطع ورده ويروح
يترك طعنه بكلوب البساتين!!
اشلون اقرااك وانته ابكلشي ممسوح
ولا كلمة البقت حتى العناوين!!
أمد ايدي واظنها الأيدك اتلوح
وتطلع وهم ما اعرفك رحت وين!!
سرابك تعباني إوفحط الروح
كافي وهذا حدي اوياك يازين!
حسين الساعدي
راق لي
تعليق