تويت
السلام عليكم ورحمه الله وبركاته
الحمد الله على كل شي
انا بقولكم قصتي .. اليوم هو التاريخ يمكن 24/2 ... هجري
انا زوجي ...... غدر فيني .. لاء .. باعني با ارخص الاثمان اي باعني . .
قلت بقولكم قصتي علشان ارتاح وابغي منكم طلب بس بقوله في اخر موضوعي
يا بنات انا كنت عايشه مع زوجي والحمد الله مثل اي زوجين وزوجي كان يحبني والحمد الله
لدرجه ان اهله اذا شافو مسلسل او فلم اثنين يحبون بعض كانو يقولون هذا انت مع زوجتك
مرت الايام الاولى من الزواج وللاسف ما الله عطاني وزوجي كان يعالجني في مستشفيات
خاصه وحكومه وشيوخ ومدهنين واعشاب الاربع السنوات الاولى وكل العلاجات الي كنت
في المستشفى هي ابر تنشيط وبس ومره في الحكومه سويت لي تلقيح صناعي
وصار فيه حمل ( كميائي ونزل )
المهم بعدها اهله قالو له لا تعالجها وتخسر اقروش خلاص زوجتك مافي امل منها ابد ..
وزوجي الله يهديه سمع كلامهم . وقالي خلاص مراح اعالجك .. حاوولت معه كثيرر اخر شي
صرت انا الي اعالج نفسي ب افلوسي .. مع اني مو موظفه بس ادبر نفسي با السلف وغيره .
المهم واروح مستشفيات خاصه واحاول والمشكله الي معي هو
تكيس على المبايض وضعف
وكيس يسبب لي نزيف .. ودورتي مو منتظمه ...
المهم ..
اخر مره تهاووشت مع زوجي قبل 6 اشهور تقريبا . لن اهله دووم بصراحه يحنوون على
زوجي ويبغونه يتزوج لني ما عندي اعيال ..
وتهاوشت معه اخر مره لن سمعت ان امه تخطب له
والله حرررني قلبي .. بكيت كثيرررر وزعلت ورحت بيت اهلي والله حرني قلبي غصب مو بكيفي
قلت له لا تخلي اهلك يخربون حياتي كلم امك وقولها لاتتدخل في حياتنا .... قالي خلاص اوعدك
انها ما تدخلل في حيانتا وراح اكلمها واقولها لا تخطبين لي حد وانا ما ابغي اتزوج وما ابغي اعيال بس ابغيك انتي ما ابغي حد غيرك .. ينهبل اذا زعلت ورحت بيت اهلي .. يتعب والله يتعب .. كان متعلق فيني كثيرررررررر ...
المهم ...
رجعت معه والحمد الله ربي سهل اموووري ..وبعد ثلاث اشهور حلمت بحلم اعوذ با الله كبوووس
حلمت ان زوجي تزوج علي وكان الحلم حقيقه واجلس اصيح با الحلم اصيح
وصحيت وبعدها حلمت نفس الشي انهم يقولون لي ان زوجي تزوج علي وثالث مره حلمت
بنفس الحلم وجاني زوجي وقالي تعالي اوريك البنت الي راح اتزوجها ووداني لها وبعد ما
شفتها سلمت عليها وقلت لها تعرفين من انا قالت لي مين قلت لها انا زوجت افلان
قالتي انتي زوجته .... تكفين يا افلانه لا تحرميني من افلان ... قلت لها لا مراح احرمك منه
انا بعطيك اياه هديه ومشيت وقلبي يتقطع قطع اصغيررره من الحرقه الي فيه وصحيت من النووووم
وكل يوم بعده اقووم من النوووم واقوول اليوم بيكلمني با الموضووع اليوم بكلمني ..
وكل مره اقوم فيها اكون حاطه يدي على قلبي واقول بيكلمني في المووضوع .. خفت والله يا بنات خفت .. ابغيه
وما ابغي غيره احس ...
والله اتكلم لكم ودموعي في عيوني .. والله معرف اعبر عن الي احس فيه بس قلبي امولع نار
وفعلن ...
وبعد 6 اشهور من رجعتي له .. تقريبا
جاني هذا الاسبووع وقالي انا يا بنت الناس ابغي اعيال ..
والله العظيم ان يدي تجمدت من البروده يوم قالي هذا الكلام
كانت الدفايا جمبي بس مو حاسه في اطرافي .. قلت له وبعدين ... ؟...
قالي يا بنت نا ابغي اتززززوج !!!!!!............
والله يا بنات ......... حسيت ان المكان كله في عيوني انقلب احمرررررررر ووصغر كل شي
حسيت ان الساعه نفسها توقفت ما اتمنى ابد حد يصير في مكاني لنه والله ما ينسى هذا الموقف ....
دمووعي صارت تنزل من عيوني من غير ما ابكي او اطلع صوت احاول امنعها ابغي اصير قويه لو اشوووووووووي بس والله ما قدرررررت انهرت
والله انهرت حسيت انها ها الوقت هذا هو نهايه الحياه ...
انتهت حياتي .....
فعلن انتهت حياتي ..
بكيت بكاء ماهو طبيعي ..... والله العظيم لو تشوفون حالتي ما تصدقوون بكيت بكيت قالي خلاص انتها الموووضوع قومي نامي الحين وبكره اشوف الموضوع
قمت بس والله ما جاني النوووم ابد .
ما قدرت انام ابكي ...
ادعي الله انه يكون كذب او مزحه
كلمت اختي وقلت لها يا فلانه ترا بقولك شي بس لاتعلمين حد .. ترا الحلم الي قلته لك تحقق .... اي تحقق ...
وقفلت منها
وجاء اليووم الثاني وصحيت وقلت الحمد الله كابوس بس مريت عند المرايه الي في التسريحه وناظرت اعيووني متورمه من البكي وعرفت ان ماهو حلم حقيقه .... صار حقيقه
للأسف حقيقه ..
وجات الساعه 9 مساء تقريبا وجاني هو وشافني اصيح ومنهررريه .. والله منهريه .......
ضعفت صرت ما اقوى شي قلبي يعوووووورني بقوووه من كثر البكاء وما اكل شي ...
المهم ما قدرت اتحمل احس المكان الي انا فيه صار ضيق حسيت انفاسي بتضيق ...
انا ضعت ... بس مو امصدقه . باعني .. رخص فيني بعد كل هذا الحب وبعد هذي العشره .
لاء كذب اكيد . لاء حلم مو حقيقي اكيد ..
لبست عبايتي وقلت بطلع اهج با الشارع ماني عارفه وين بروح اصلن مافي حد اعرفه في الحاره الي انا فيها علشان زوجي قبل كان مايرضى لي اروح مكان ....
لبست عبايتي وقلت بطلع امشي با الشارع ماني عارفه وين بروح اصلن مافي حد اعرفه في الحاره الي انا فيها علشان زوجي قبل كان مايرضى لي اروح مكان ....
مسكني وقالي لا تطلعين واهدي وكذا وجلس يهديني قلت له ما اقدر .. طلقني قبل لاتفكر في هذا الموضوع مقدر اعيش عندك وانت تفكر في وحده غيري .. مقدر والله ما اقدر ...
قالي الموضوع ماهو كذا قلت له اجل وش الموضوع قالي الموضوع اني انا لقيت البنت الي انا ابغيها
؟؟.........................
انصدمت !!!!!!..............
جنيت تقريبا ...
قلت له متى قالي من كم يووم .. وسويت التحليل وانا استناه يطلع .. بكيت وبكيت وبكيت وبكيت
حسيت ان خلاص مالي هدف من وجودي في هذي الحياه انتهت حياتي
خفت والله خفت انا ما اتحمل يشوف وحده با السوق .. علشان اتحمل اخليه يعيش مع وحده غيرري
بنات قلبي
قلبي ما ادري وش صار فيه
احس اني مت
حسيت اني ما اني موجوده
دعيت ربي ان يا خذني عنده .. قلت يارب خذني عندك اريح لي .. يارب خذني عندك يارب لا تتركني اتعذب اكثر من كذا ...
انتهت حياتي ....
بكيت وقلت له اصبر اشوي علي لمده سنه خلني اسوي لي طفل انابيب ان شاء الله الله يعطينا
يقولون ان نسبه طفل الانابيب زينه خلني اسويها في مستشفى خاص تكفى تكفى ترجيته وانا ابكي ..
قلت له عطني هذا الفرصه قالي ما اقدر انتهينا من الموضووع وانا مو ودي يصير كذ انا متردد من الموضوع كله ..
قلت له طيب تقدر ترجع في كلامك الحين قبل لا تملك ............
قالي لاء اهلي رافضين
اي والله قالها لي كذا
........
قلت في يا فلان امل اني احمل ان شاء الله انا عندي احساس ان الله بيعطيني في هذي الفتره البسيطه يا فلان لا تهدم حياتي .. عطني هذي الفرصه وبعد هذا السنه اذا ما جبت لك اعيال انا بنفسي راح اخطب لك الي تبغيها ...
انا
ايه انا .... برووووووووووووح وبدعس قلبي بين رجولي وبخطب لك ...
رفضو اهله ... انهم يعطوووني اي مهله ........
وكملو وراح زوجي وسو الملكه .. وبعد يومين اتصلت عليه وتزين قدام عيني وطلع لها اي طلع
خلاص هو طلع ...
راح
وهو من طلع وانا ادعي بصلاتي يارب ياربي ارني عجائب قدرررت ياحي
ارني عجائب قدررت ....
بكيت ...
والله بكيت مثل ما يبكي الطفل الصغيررر هو كان يبكي قبل لا يملك عليها .. يقوولي سامحيني يا افلانه سامحيني ............ غصبا علي .. غصب كلام الناس وابوي قالي ابغي اشوف اعيالك ..
وسمعتهم بذوني وهم يقولون له ويكلمونه ويقولون له انتهى الموضووع ... ويجبرونه على انه يكمل معهم قالهم روحو وكلموها واقنعوها ...
والله كان يبكي ... يبكي كانه طفل اصغير قدام عيوووووني والله والله ...... يقول سامحيني ...
قلت له انا مسامحتك ما طاوعني قلبي .......
هذي عشره يا ناس هذي 7 سنووات والله مو قليله والله
انا ياناس مايدعيني قلبي اني اشوفه مع حد غيرري قلبي ما يطاوعني هو لي اي لي لحالي
هو ملكي ......
مثل ما انا ملكه ........
طيب ليه يسووي فيني كذا .. يسمعع كلام الناس الي تهدم حيتنا ..
يا ناس انا ما اتخيل نفسي اتطلق منه هو اساسا رافض انه يطلقني ......
وانا اساسا ما اقدر اتخيل نفسي مع حد غيره ......... ما اقدر .....
اصلن ما افكر في المووووووووووضوع ابد ..........
خلاص انا له .... من اول ما اخذني .......انا من ايام الخطوبه اذا دخل في البيت اعرف انه جاء
يحسني قلبي .........
اعرفه ... اميزززززززز صووته ......
المهم يا ناس انا الحين قرررت اسوي العمليه ........وابغيكم تدعووولي ......... مالي الا الله ثم انتوووو
بسويها بسوي لي طفل انابيب بس محتاجه دعائكم وبحاول اسويها با اقرب وقت ادعولي ولا تنسوني من دعائكم بسويها في مستفى خاص
بس تكفوون ادعوووووووووووولي تكفون ..
احس اني بنجن بنهبل خلاص .....
تعبت والله تعبت ..
قلت ابغي ادور لي وظيفه علشان الها فيها ولا افكر في الي صارلي .
حاولت ادور وظايف با النت ........ بس للاسف ما قدرت اول لي اي وظيفه ..
حاولت وحاولت بس ما قدرت انا ما عندي شهاده بس الثانويه ....
وابغي اتوظف تكفوون الي يقدر يساعدني ويدور لي وظيفه بكون شاكره له ...
هذا طلبي الي ابغيه منكم في البدايه .........
تكفوووت ما الي الا الله ثم انتو والله ما عندي حد بيوقف معي واظرروفي صعبه والله صعبه
وابغي منكم تدعووووووووووووووووووووووولي ان العمليه تنجح ادعولي تكفوون في صلاتكم
تكفوووووووون ارجوكم ...... ساعدوني
تعليق