تويت
قصة طفل الوطن ...!
" إمي تأخرت بدي روح الحق أخيي ورفقاتو ..." !!
عطتو إمو السندويشة وطبعت بوسة ع وجناتو
دعتلو : ( ربي يسلمك من غدر الحاقد ونيران غضباتو )
طلع من البيت عم يغني وينشد لربيع الشام و ورداتو ..
مشى كم خطوة ....! شاف السما سودة وما قدر يرجع بخطواتو ..
وسمع صوت متل الرعد شتت الجسم الصغير وعالأرض سكب دماتو ....!
إيد بالغرب ورجل بالشرق وانطفت عين لسا ما تكحلت بالوطن وجناتو ..
ركضت الام وإيدها ع قلبها .. ومتل ورق الحور رجفت إيدها وقلبها وقفت نبضاتو ..!!
شافت شي أسود وشي أبيض عالأرض عرفت انو الزعتر اختلط بدموع ولدها ودماتو .....
لقت ايد صغيرة ماسكة بقلم ودفتر كان عم يكتب عن حبو إلها وللوطن وتراباتو ..:((
واخر كلمة كاتبها بدفتر ذكرياتو :::
"" لا تزعلي يا امي ولا تخلي دموعك عليي تشمت الحاقد علينا ويعيد فعلاتو ...!
يا إمي سلمي ع أبيي وإخواني وخبريهن إنو ابنك الصغير مات بس لسا الوطن عايش جواتو
" ي ررب تفرجها ي ررب "
الليديM
تعليق