رد: خبآڶ فآلمدرڛہۧ .. مصآيب فآڶجآمعہۧ .. مشآڪڶ فآڶبيت .. } ۈآڶحياهہۧ { » تمشي

--------------------------------------------------------------------------------

( البارت الاول )
ف اول يوم دراسي ( الفصل الأول )
قامت البنت من نومها ولقت الوقت متأخر كانت الساعه 6:50 (والباص يكون موجود الساعه 7 بالضبط ) فزت من نومها على طووول وطلعت عند امها
عواش : ماما ليش ماتقوميني من وقققت باجي 10 دقايق عن الباص
امها شيخه : اوعيج تقوليلي الحين بقوم وترجعي تنامي شسويلج يعني > بعديين الناس يقولون صباح الخير لما بنشون مب على طول جيه
عواش : سووري ماما >> صباح الخير ( وراحب حبت راس امها )
امها شيخه : تو الناس > صباح النور
سواف : اقول قومي بس خرعتينا ويا هالكشه
عواش : أنت جب كشتي وكيفي انا حره >> يوووه الباص بيروح عني
أمها شيخه : من الصبح ضرابه ! > خلي اخوج سيف يوصلج
عواش : بيذلني ذل

سواف : متفيحلها انا شو > وشو فايده الدريول
امها شيخه : خلاص سكتو > عواش روحي لبسي وبعدين بتروحي ويا خلود مع الدريول بيوصلكم
( راحت عواش تلبس وتجهز وتكششخ لنها بتشوف ربيعاتها صارلها فتره طويله ماشافتهم وبعد مرور نص ساعه )
خلود : يلا عواش انا رايحه تاخرنا وايد ماما تقولج بسرعه
عواش : رووحي ثواني وبطلع
( راحو ركبو السياره ووصلهم الدريول طبعا هم مب فنفس السكول دشت عواش وكان وقت الطابور راحت الكلاس على طوول عسب ماتضر الطابور ( من اول يوم جييه ماتبا تحضر ) المهم وخلص الطابور بعد 5 دقايق لنها كانت متأخره وأول مادشو البنات الكلاس
بدور ( وهي تركض صوب عواش وباستها ) :هلا يا حيوانه اشتقققتلج وايد عبالي انج بتغيبي كنت بصفعج لووو انج غبتي
عواش : حتى انا اشتقتلج موللت ع ويهج من بدايتها تصففيع ومضارب> خووزي خوزيي منووووور
منور : هلا حبيبتي مس يوو عواشي > وينج ليش تاخرتي ؟؟
عواش : مس يو تووو > لو تدري شو صار من الصبح هههههه
( وبعدها قعدو البنات يكملو سوالفهم ) أول حصتين كانو فاضيين
الحصه الثالثه بعد مادق الجرس (دشت عليهم مب رياضيات )
المس : السلام عليكم بنات
البنات : وعليكم السلام مس
المس : شحالكم حلوات شمسويات ؟
البنات : تمام والله
( المس تعرفت ع اسامي البنات وقعدت بروحها والبنات اصلا مالهم خلق المس ادش عليهم من اول يوم )
صوب شله تامي
فطوم : قلعتها هاي شو تبا منا ف اول يوم
اسوم : يمكن ادور ربع هههههههههههههههه
فطوم وشموه : هههههههههههههههههه
امون : حرام عليكم تقولون عنها جيه شكلها طيوبه وحبوبه
فطوم : طعع منو يتكلم اونها ادافع عن المس ههههههههههه
ودق جرس الفسحه وراحو البنات ياكلو ويسولفو
________________________________________
ف بيت ( عايله العنود )
( العنود كالعاده كانت ف غرفتها ومشغوله مع الشباب الي ترمسهم دوم وشوي دشت عليها أمها )
الأم مريم ( وهي تطالع بنتها بنظرات لانها تعرف سوالفها وكل الي تسويه العنود من وراهم بس هي مب مهتمه ) : شتسوين ؟
العنود : ارمس اربيعاتي
الأم مريم : مبين > المهم انا طالعه للسوق بشتري كم غرض وبرجع ويمكن أتأخر ( طبعا مب من عوايدها تقول للعنود بس هالمره لانه محد كان عندهم فالبيت )
العنود : انزين ابا اروح وياج اخاف اقعد فالبيت بروحي )
الام مريم : لا يكثر يلا باي
العنود ( وهي زعلانه ) : باي
( وطلعت أمها من البيت الساعه 4 العصر وامها دومها ترجع قبل ماتوصل الساعه 11 بس هالمره وايد تاخرت ! وابوهم يشتغل بعيد عنهم يروح السبت فليل ويرجع الخميس الظهر واختهم مثايل نفس الشي وماتبي تقولهم عسب مايحاتون )
عبود ( وهو خايف ) : العنوود وين أمي مارجعت !!
العنود : مادري عنها ادقلها ماترد علي ويت بدق على حموود !!
( دقت العنود على رشود اكثر عن خمس مرت وهو مايرد علها لنه كان محطي الفون ع السايلنت بعد فتره رجع دق عليها )

رشود : هلا انا عند ربعي مشغول تبين شي تراج حرقتي الفون من كثر مادقيت
العنود : رشوووووووووووود امي مارجعت للحين
رشود ( وهو مستغب ) : امي مارجعت ؟ ماعلينا بترجع بترجع لا تحاتين
العنود ( وهي معصبه ) : بلاك مب مهتم هي من من عوايدها تتاخر للحييين صارت الساعه 12
رشود : وانتو وعبود بروحكم فالبيت ؟
العنود : هييه أنا خايفففه بالقققو
رشود : خلاص الحين ياي > مايصير أتمون بروحكم ف البيت
العنود : توكك مشغول عند ربعك !!
رشود : فكيني فكيني باي
العنود : باي
( رشود رجع للبيت وهو خايف على امه ومرت نص ساعه وبعدها مارجعت بس مايبي يبين للعنود عسب مايزيد خوفها )
___________________________________
ف الجامعه ( عند مثايل وربعها )
( كانت الساعه 12 فليل والبنات قاعدات فالسكن ملانات من 5 سساعات يطالعون فلم ورا فلم )
مثايل : يووه بنات قومن نتمشى شوي ترا حدي ملانه من هالافلام
شوق : هيه يالله قومي بس اول شي بروووح اييب ككاوات
مشاعل : بسسسج من الاكل روحو انا بروح الغرفه
مثايل : هههههههههههههههههه
مشاعل : ماعتقد في شي يضحك
مثايل : ادريبج تخافين من الظلام ههههههههههههه
مشاعل : جب انزين
شوق : هههههههههههههههه مثايل الله قومي نظهر > جواهر شفيج ساكته مابتروحين ويانا شو
جواهر : لالا انا بقعد ويا مشاعل
شوق : لا يكون انتي بعد تخافين من الظلام ههههههههه
مثايل : لالا هاي تبا تروح تدرس وادح ههههههه
جواهر : باجر علي كوز صعب بروح اراجع بعيد برقد تعبانه
( راحو مثايل وشوق بتمشون برع وجواهر ومشاعل راحو ع غرفهم ) > ( الساعه 2 رجعو مثايل وشوق وراحوو عند جواهر ومشاعل > جواهر كانت تدرس ومشاعل رقدت )
مثايل : بنات ف راسي شي وابا اسويه !
جواهر : الله يستر بس من الي فراسج
شوق : قولي ابا اسوي شي بدل القعده جيه والملل
مثايل : شرايكم تروح .....
( تقاطعها جواهر لنها تدري انه مثايل تفكر انها تسوي مصيبه وهذي دوم افكارها )
جواهر : انا برووووح انام
مثايل : جاب خليني اكمل وبعدين بتقعدي يعني بتقعدي
جواهر : أسمعج انزين كملي الله يعييين
مثايل : نروح ندق جرس الانذار ونسوي جوو
شوق : الله فكررررره حلوه يالله قوومي انا مستععده
جواهر : تخبلتن سيري لاه مابا
شوق : يالخوافه عادي وناسه
مثايل : بنتفق متى بنسوي هالشي وعسب مايشكون فينا بندقه وعلى طول و قبل مايطلعو البنات بنروح غرفنا
شوق : اوكييه اووعي مشاعل ؟؟ عسب ماتقوم تفز من نومها بسبب الجرس هههههههههه
جواهر : لا حرام عليج خلي البنت راقده و لا تدقو الجرس ولاشي
مثايل : انا بروح اوعيها
شوق : أوك وماعليج من كلام جواهر
( وراخت مثايل توعي مشاعل من نومها )
مثايل : جواهر قومي قوومي بسرعه
مشاعل ( وهي تتثاوب ) : الساعه كم !
مثايل : الساعه 2 وربع
مشاعل ( وهي مستغربه ) : ليش شبتسوون فهالوقت
مثايل : بندق جرس الانذار
مشاعل ( تفز من مكانها ) : ليش شو صاير ؟؟؟؟
مثايل : ههههههههههههههه لابس جيه عبط
مشاعل : يالسخيفه موعتني عسب جيييه !!
مثايل : خلاص برايح كملي رقادج باي انا بظهر
مشاعل : لا وييت الحين يايه يايه
مثايل : اترياج جاو
( راحت مثايل عند مشاعل وجواهر عسب بتفقو ع كل شي ومحد يكشفهم )
__________________________________________
يا ترا راح يعدي اول اسبوع دراسه على خير ولا شو راح يصير فيه ؟
ووين بتكون ام العنود متاخره لهالوقت يمكن صار لها شي !
وشو بيستوي مع مشاعل و مثايل ؟
كل ها بتعرفونه فالبارت الثاني

رد: خبآڶ فآلمدرڛہۧ .. مصآيب فآڶجآمعہۧ .. مشآڪڶ فآڶبيت .. } ۈآڶحياهہۧ { » تمشي

واصلي حياتي
بدايه موفقه
مع اني ماني مؤيد
لقراء الروايه اللي مو كامله
بس لعيونك باقراها

عربووجه مرت فيذا

رد: خبآڶ فآلمدرڛہۧ .. مصآيب فآڶجآمعہۧ .. مشآڪڶ فآڶبيت .. } ۈآڶحياهہۧ { » تمشي

ثانكس تسلميلي حببووبه :)

رد: خبآڶ فآلمدرڛہۧ .. مصآيب فآڶجآمعہۧ .. مشآڪڶ فآڶبيت .. } ۈآڶحياهہۧ { » تمشي

( البارت الثاني )
البنات ف الجامعه
( اتفقو ع كل شي و الساعه 2 و نص وكانت جواهر اكثر وحده خايفه فيهم وكلهم راحو لغرفهم وسوو عمارهم راقدات راحت شوق بكل ثقه دقت الجرس ورجت للغرفه ع طول بدون ماحد يحس فيها )
شوق ( كانت تتكلم بخوف بس مستانسه ع الي سوته خخخ) : اوييييييييييييييه دقييييته هههههههههههه
مثايل : عاشششت شواقي
( كل البنات الي فالسكن قامو من نومهم وصرييخ و كانو خايفات وشله مثايل اونهم ظهرو يبو يعرفو شالسالفه مسويات عمارهم بريئات > فزت المدام من نومها وهي تسمه صريخ البنات وراحت تشوف شالسالفه )
المدام : ها بنات شووو صاير ؟؟؟؟؟
البنات : ماندري
( وراحت المدام تشوف اذا صاير شي لفت ع كل السكن ماشافت شي )
المدام ( وهي معصبه ) : منووووووووو هذي ال **** الي دققت الجرسسس ماعندكم احترام للي نايمات يعني ( وتم تتنازع حوول نص ساعه والبنات اكثرهم سوولها طاف وراحو يكملو نومهم )
جواهر ( بعصبيه ) : ارتحتن الحييييييييين ؟؟؟
مثايل وشوق : ههههههههههههههههههههههههههههه وناسه والله
مشاعل : اقييين اقين قم نعيدها يالله عيبتني الفكررره
مثايل : المشكله كل البنات واعيات الحين ولا ماعندي مانع ههههههههههههههه
جواهر : لا والله بعد ما ارتحتن !!
شوق : شفييج جواهر هههههههههه ترا والله عادي خلنا نفسها >> يممممه وناسسه
مثايل ( بضحكه عاليه ) : ههههههههههههههههههههههههههه ترقبو المصيبه الثانيه هههههههه
جواهر : خلكن تسون شي مره ثانيه لا انتن ربعي ولا اعرفكن
شوق : افا تتبريين منا
مثايل : هههههههههههههههه حرام عليج والله ههههههههههههه ي الخوافه
فجججججججججأه !!!
( أدش عليهم بنت )
البنت (وهي رافعه حواجبها ) : صوت الضحك واصل لاخر الدنيا
مثايل : البنات قاعدات بنكتن الخوات ههههههههههه
البنت : متأكده أنهم قاعدات بنكتن ؟ ولا ... اقول خلني ساكته بس ترا اعرف كل شي
( جواهر كانت خايفه انها تروح تخبر المدام وخايفه وايد لدرجه انه يبين من ويهها )
شوق ( بسخريه ) : شقصدها الاخت ؟
مثايل : ههههههههههاي كيفنا بنسوي الي نبيه شحارنج
( جواهر طالعت مثايل بنضره يعني سكتي لا اييج كف > ومشاعل كانت قاعده تطالعهم وكانت خايفه )
( طلعت البنت من عندهم وسكرت الباب بقو )
جواهر : ي حيوانات كانت بتكشفنا !!
شوق : الاموور طيبه
__________________________________________________
البيت ( ف عايله العنود )
( بعد ربع ساعه رشود وصل للبيت شاف اخوه عبود راقد والعنود قاعده خايفه صوبه )
رشود : مايت امي ؟
العنود لا شسسوي ؟؟
رشود : ماعليج بتيي انتي روحي رقدي
العنود : مابا بترياها > بدق على ابوي بقوله
رشود : لا تخوفينه انتي بعد
فججججأه حد يدق الباب
( رشود كان واقف والعنود من خوفها وهي كانت مب حاسه بعمرها مسكت رشود من كندوره وهي كانت وراه رشود مستغرب من حركه العنود لنها ماتقرب صوبه ايد )
رشود : ويت اقعدي هني بروح افتح الباب
العنود : لالالالالالالا لا تفتتحه
رشود : شفييج يمكن امي
العنوود : مابا اتم بروووحي
رشوود : وييييت
( راح رشود فتح البنات وطلعتله امه ع الباب !!! )
رشود ( يطالعها بنظرات جنه يقولها كان تاخرتي اكثر ) وراح
الام مريم : شفيك اطالعني جييه
رشود : لا سلامتج !
الام مريم : وين العنود وعبود
رشود : لالا مايحتاج تسئلين تراج خليتيهم بروحهم فالبيت ورحتي عنهم وتاخرتي بعد
الام مريم : لا والله بعد ترد على امك !!!!
( دشت الام مريم الصاله وشافت ولدها عبود راقد وصوبه العنود كانت خايفه وترمس بالفون )
الام مريم : منو ترمسي فهالوقت !!
العنود ( وهي ترد ع الي ترمسه بالفون وترتجف ) : خلاص هذي يت
الام مريم : قلتلج ترمسيي منوووو ؟؟
العنود : ارمس ابوي
( الام مريم خافت فهاللحظه وحست بالي هي سوته لنها تردي انه ريلها مايخليها تتاخر لهالوقت حتى لو هو مب مهتم لهم )
العنود : امي ابوي يبي يرمسج
الام مريم (وهي خايفه وبصوت خفيف ) : الوو
الاب سالم ( وهو يصرخ عليها ) : ويييييييييين كنتي لهالوقت !
( الام مريم ماردت عليه من خوفها وتمت ساكته )
الاب سالم : ارمسسسح انا مارمس يدار
الام مريم (وهي متردده ) كنت .... كنت عند .. وحده من ربيعاتي .... وياي فالدوام
الاب سالم : لا والله فهالوقت بعد انا ماقاهرني الا انج مخليه العيال بروحهم ولا سئلتي عنهم حتى
( العنود فهاللحظه تمنت انه الارض تنشق وتبلعها لنها تدري انه هي السبب ف
انه ابوها بنازع انها والدموع فعينها وماقدرت تمسكهم وقعدت تصيح )
الام مريم ( وهي تتكلم مب من خاطر عسب تسكر الموضوع ): خلاص يابو راشد اسفه مابعيدها !!
( الاب سالم سكر ف ويهها الفون و الام مريم شافت بنتها تصيح وهي تدري انها لو راحت تسكت بنتها بتصيح وياها فماحب تزيد الطين بله )
الام مريم : العنود روحي نامي
( ودشت على طول غرفتها )
_________________________________________________
( سواف دق على منصور )
سواف : هلا منصور شحالك ؟
منصور : اهلين والله تمام اخبارك انت ؟
سواف : طييب والله > ها انا وحمود قلنا بنروح المول بتيا ويانا ؟
منصور : اوك بروح بس مانبا حركات تقردين بنات ومادري شو !
سواف : نحن مب رايحين ع الفاضي ! ههههههههه
منصور : عيل روح بروحك
سواف : لالا ههههه افا عليك خلاص مابنروح صوب البنات
منصور : انزين حمد و حمدان بيروحون ؟
سواف : حمدان هالحيوان ماعنده شغله طول الوقت يلعب سووني وحمد مادري عنه الحين بدقله اشوفه
منصور : انزين عمور ؟
سواف : ها مالت ع ويهه الحين عندي قاعدين فالبيت الميلس عاطني طاف ويسمع موسيقى مادري شعايبنه فهالموسيقى
منصور : ههههههههههههه يحليله انزين متى بتروحون ؟
سواف : ع الساعه ثمان
منصور : خلاص اوك جمع الشباب ويلا اخليك
سواف : مع السلامه
( راح سواف دق ع ربه وقالو بيروحو كلهم وبيجتمعو الا حمد مارضى يروح وياهم لنه كان مشغول بالرسم طبعا هذى هوايته وهو مدمن ع هالشي بس محد يدري انه يرسم حتى هله مايدرون > وصلت الساعه 8 والكل اجتمع فالمكان الي اتفقو عليه كانو يمشو فالمول ومندمجين بالسوالف وفججاه منصور حس انه في بنيه تلاحقه ( وهو احلى واحد فيهم ) ومنصور مايحب هالسوالف وكان متضايج يبيها تروح عنه و ربعه مب حاسين بالبنت بعدين كلمته )
النت ( وهي شاقه الابتسامه تنتظره يرقمها ): اونك ماترقم هههه
( الكل حس بالبنت والتفت صوبها الا منصور سوالها طاف )
رشود ( يهمس ل منصور ) : عطاها ويه تراها طر
منصور ( وهو معصب ) : حمود اسكت تراني مب متفيجلك انت الثاني اصلا انا شيايبني عندكم
رشود : خلاص انزين حشى مايسوا علي
البنت : بتعطوني ولا اروح
منصور ( وهو يطالعها بنظرات ) : فارجي بس
( البنت قهرتها ردت فعله عبالها بيرد الابتسامه لها و بيرقمها ورجعت عند ربيعاتها وهم يضحكون عليها و يقولولها ها استانستي لما قالج جيه ههههههههههههه )
_________________________________________
ف نهايه اول اسبوع يوم الخميس
صوب شله العنود
( الصبح قبل الطابور )
ساروه : يووووه اليوم الخميس اوووول خميس فهالفصل لازم نخلييه ربشششه
شهد : واي اليووم بيكون فنتاستك
العنود : اقلكم بنات قم رحنا الحمام قبل مايبدا الطابور ونبتلش بالمسات لما يطلونا من كلاساتنا
مهروه : لا ماقدر اروح بتقولهم أي شي صقع رقع
العنود : انتي صقعي ورقعي لهم انا بروح بنات منو بتروح وياي
ساروه : قومي انا ابا اروح بعدل شكلي
مهروه : مادري تعدليه حق منو !
ساروه : انتي جب كيفي < شهد غريبه اليوم ليش مب متكحله ؟
شهد : ماتفيجت اليوم
ساروه : يلا تعالي انا بكحلج صدقيني بيضبط عليج
شهد : أوك يلا
العنود : بديينا تقصي ع البنات
ساروه : حرام عليج ههههه
العنود : يلا ها بنروح مهروخ بتروحي
مهروه : هيه هيه بروح
شهد : تووج تبي تصقعيلهم هههههههههههههههههه
البنات (ماعدا مهروه كانت مبوزه ) : ههههههههههههههههههههههههه
( وهم فالطريج رايحات الحمام )
العنود ( تتكلم بشويش ) : بنات انا عندي البن مال فطوم ( طبعا هالشلتين اعداء ويكرهو بعض وايد )
شهد : وييع اكرها هالبنية
مهروه : أقلج عطيني البن بتلسى فيها
العنود : شناويه تسوين ؟
مهروه : برمسها ع اساس اني ولد وبتسلى
شهد : بس انتي فالبي بي ع اساس انج بنت و نكج بنت
مهروه : لا قلبوتي باخذذ البي بي مال اخوي الصغير
العنود : انزيين بطرشه لج الييوم
مهروه : اوكييه اترييا
( مر اليوم الدراسي كالعاده و ماكانو ولا ححصه فاضين بس الحصه السابعه مستهم كانت مريضه )
صوب شله تامي
اسوم : بنات شرايكم تروحون ادقون الباب ع هالكلاس وبتشرد هههههههههههههه
شمووه (وهي ماسكه ككاو وتاكل ) : يلا يلا هههههههههههههههه
اسوم : انتي مابتقدري تركضي خلج هني ههههههههههههههههههههه
شموه (وهي مبوزه ) : جب جب (وبفت ويهها )
امون : شموه دخييلج لا تبوزي مب متفيجين حقج
( وكل البنات ضحكو ههه )
فطوم ( بنظرات نذاله ) : بنات قومو نقعد صوب هذاك الكلاس ( طبعا مب نفس الكلاس الي اشرت عليه اسوم )
امون : شي وراها فطووم
اسوم : اوك يلا نروح
( وراحو كلهم وقعدو صوب الكلاس )
فطوم : انا بروح الحمام ويت دقايق
شموه : اروح وياج
فطوم : لاعادي بروح بروحي
( فطوم النذله راحت ودقت الباب ع الكلاس الي صوبهم و شردت > وبنات شلتها لما انتبهو لها عطوووه 180 ريس كامل هههههههههههههه ويراكضن بسرعه طلعت المس من الكلاس ماشافت غير بنت تركض وهالبنت شموه بس هي ماتدري > المهم المس عطت البنات طاف وماسوتلهم سالفه لنها تعرف حركات بعض البنات البايخه هههه )
اسوم ( راحت صوب فطوم ) : ي حيوانه ي كلبه ي نذله انا اراويييييج
فطوم : هههههههههههههههههههههههههههه
اسوم ( وهي تهمس ل امون و شموه بصوت خفييف ) : بنروح .........
( اتفقو البنات ورجعو كل وحده وياها دبة ماي ويركضن ورا فطووم وسبحووهها بالماي ههه و فوق ها الجو كان بارد )
اسوم : تستاهليييين اننننه اهم شي اني خذيييت حقي
شمووه : عاشت أسوووووم ....
______________________________________________
يا ترا شو راح يصير لما يرجع سالم ابو العنود من الدوام ؟
وشو راح يصير عند الشباب فالمول ؟
وشو بتسوي مهروه بالبن مال فطوم ؟
ترقببو البارت الثالث 

رد: خبآڶ فآلمدرڛہۧ .. مصآيب فآڶجآمعہۧ .. مشآڪڶ فآڶبيت .. } ۈآڶحياهہۧ { » تمشي

( البارت الثالث )
صوب مهروه وافكارها
( بعد ماعرفت مهروه البن مال فطوم راحت قصت ع اخوها الصغير (( اسمه زايد عمره 10 سنين صف خامس)) عسب تاخذ البي بي ماله عسب تبن لفطوم انها واحد راحت وضافت فطوم)
( فطوم قبلت الاضافه على طول )
المكالمه فالبي بي :
مهروه : احم هلا والله
فطوم : اهلين
مهروه : شحالج ؟
فطوم : من ويين يبت البن ؟؟
مهروه ( وهي مستغربه من ان فطوم ردت عليها لنها مب من عوايدها تكلم شباب ) : من عند ربيعي
فطوم : منو ربيعك أي واحد ؟ ( لنها تارسه اللسته شباب )
مهروه : اسمه خالد
فطوم : اعرف 66 واحد اسمه خالد أي واحد فيهم ؟
مهروه : مب لازم تعرفي وبلا اسئله زايده
فطوم : انزين كم عمرك ؟
مهروه : 19 وانتي ؟
فطوم ( تذكرت انها كانت تحب واحد اسمه خالد وعمره 19 سنه فحاولت تتقرب منه لنه عبالها انه ربيع خالد ) : العمر كله انا عمري 15 سنه
مهروه : الله يطول بعمرج
فطوم ( وهي مشتاقه لخالد ): من وييييين انت ؟؟
مهروه ( قاعده ترقع لفطوم ومب عارفه شتقول ) : انا من *****
فطوم ( تذكرت انه خالد قالها انه عنده ربيع من هالمنطقه ) : اها
مهروه : عرفيني ع اسمج انزين
فطوم : اسمي هاجر
مهروه ( وهي ماتدري شسالفه فطوم ولا تدري انها مصدقه ) : عاشت الاسامي
فطوم : وانت شسمك ؟
مهروه ( وهي تفكر ممم ) : عبدالله
فطوم ( الي تعرفه انه ربيع خالد اسمه حميد مب عبدالله بس بعدها واثقه انه هذا ربيع خالد بس جذب عليها ف اسمه ) : نايس نيم
____________________________________________
فالجامعه
( كانت فكهف كله ظلام بس فيه نور خفيف وتشوف افاعي وعقارب صوبها والافاعي تلتف عليها وهي خايفه وتصيييييييح وكانت تمشي عليها العقارب وكانت فمكان خنقه وتحس انه الدنيا بدت تضييج عليها !!!! )
(فججججاهه قامت من نووومها تصارخ وتصارخ وصوتها واصل اخر المكان >> سمعتها ربييعتها وفززززت من نوومها ويات لها بسرععهه وربعها الباجيات سمعو الصراخ بس من خوفهم ماقدرو يتحركو من مكانهم ! )
جواهر ( وهي تتنفس بسرععععه وتحس انها بتمووت من الخووف ) : اعووذ بالله اعووذ بالله
مشاعل : شفييييييييييييييييج جواهر ؟؟!!!
جواهر ( وهي خايفه ) :حححل .... حل .. حلمت ..
مشاعل ( وهي خايفه على ربيعتها ) : اووش اذا حلم مب زيين لا تقولييينه
( زات صياح جواهر وهي تتنفس بصعووبه > ضمتها مشاعل عسب تهدي من روعها شوي )
مشاعل : خلاص حبيبتي خلاص جواهر تعوذي من ابليس ورجعي رقدي
( جواهر اطالع مشاعل بنظرات تدل على انها خايفه بالقووو وهي كانت تصيح >> بعد نص ساعه جواهر هدت من روعها شوي ورجعت تحاول ترقد > ومشاعل راحت صوب مثايل وشوق دشت غرفت شوق ..)
شوق (وهي خايفه) : مشاعل سمعت صراخ مساعه يمممه شوصاير
(مثايل سمعت الصوت لنه صوت شوق كان وايد عالي وراحت عندهم )
مثايل : شوووصاير
مشاعل : يووه صارت سالفه رقدوو باجر بقولكم
مثايل : هيييه احسن لا تقولي ابا اكمل رقادي خخ
شوق : ماتبي تعرفي انقلعي برع انا ابا اعرف
مشاعل : اووش سكتوو تصبحون ع خير باجر من اول ما اصحصح بقولكم
شوق (وهي مبوزه ) : وانتي من هله
مثايل : نوم العوافي
___________________________________________
نرجع صوب شله رشود وسواف
( رشود قالهم انه بيروح الحمام و هو اصلا كان يبا شي ثاني راح عنهم ودش الحمام على طول لنهم كانو يطالعونه ومنصور ولما طلع شاف البنت واقفه له ومحد شباب شلته فقرر انه يروح صوبها بس مايرقمها الا اذا كلمته )
البنت : أححم
رشود : 050********
البنت ( وهي شاقه حلقها من الابتسامه ) : اووك
( رشود حس انه هالبنت غبيه من حركاتها الي شرات ويهها بس مع ذلك عطاها رقمه > وبعدين رجع صوب شلته )
حمدان ( وهو يغمز لرشود ) : ها بشر شو استوا
رشود : شتقصد
حمدان : لا سلامتك > تحسسني اني ماعرف سوالفك
منصور : الله يهديكم بس
( وراحو يتعشو مع بعض وكملو سوالفهم بعدين رجعو للبيت )
_____________________________________________
ف بيت عايله العنود
( رجع ابو العنود للبيت فوقت الظهر وكان ناسي سالفه ام العنود لما تاخرت و دخل الصاله بس كانو فيها عياله )
الاب سالم : هلا شحالكم حبايبي
عياله : تمام ابوويه اشتقنالك
الاب سالم : وانا بعد اشتقتلكم حبايبي
( وقعد بوراشد يسولف مع عياله وشوي وترجع امهم من دوامها )
الام مريم ( وهي خايفه لنها تذكر السالفه الي صار ) : السلام عليكم
الاب سالم : وعليج السلام
الام مريم (وهي مستغربه وماتبي تطول فالكلام عسب ما يذكرر ) : تعالو نتغدى
الاب سالم : وشو غداكم ؟
الام مريم : مادري شمسويه الخدامه
الاب سالم : روحو تغدو انتو انا مالي خلق غدى
( راح الاب لغرفته يريح والباجيين راحو تغدو )
_____________________________________________
عند مثايل وربعها فليل
( مثايل كانت عازمه ربعها يوم الخميس ع العشى > طبعا اهلها ماكامو مهتمين ع عادتهم يعني وهي جهزت كل شي لربعها ! >> دقت ع البنات وقالو كلهم بيكونو موجودين .. والحين دقت ع جواهر )
مثايل : هلا جووج شحالج ؟
جواهر : اهليين تمام و يوو ؟؟
مثايل : الحمدلله > انزين اقلج ها بتيين
جواهر : ماقدر محد بييبني 
مثايل : يوووه يالله عاد جووج
جواهر : اقلج محد بييبني > شسمه اذا حصلت حد بيي
مثايل : جواهر حاولي تيين نبا نتجمع كلنا ترا بزعل منج 
جواهر : يصير خير
مثايل : اووك يالله اخليج حاولي تيين ها !!
( بعد ما حنت مثايل ع جواهر عسب تيي سكرت عنها وراحت تشوف اذا الخدامه خلصته ولالا .. )
( ..بعد ساعه (( الساعه 7 )) .. دق الجرس > رشود سمع الجرس راح يفتح الباب ! فتح الباب وشاف بنت عرف انها وحده من ربع مثايل )
رشود ( وهووو حده منصدم : هلا حياج اقربي
البنت ( وهي تذكرت الي رقمها قبل فالمول بس ردت وهي مستحيه ) : قريب تسلم :$
رشود : نورتي
( رشود وصل البنت وهو منصدم حده > راح ونادا مثايل )
رشود : مثايل تعالي
مثايل : شتبي ؟؟
رشود : وحده من ربعج يات !
مثايل : وانت شدراك انها من ربعي !!!
رشود : فكيني فكيني روحيلها
( راحت مثايل لربيعتها )
مثايل : هلا شواقي نوورتي البييت
شوق ( بصوت خفيف ) : النور نورج
مثايل شفيييج شكلجج ممستحيه هههههههههههه
شوق : جب جب .... >> ( وهي شاكه ) منو الي فتح عني الباب شكله طررر
مثايل : ها ها اشوفه عيبج تبينه؟ ههههههههههههههههههههههه ها اخخوي رشود
شوق : ححلاته
( وشوي يقطع كلامهم صوت الجرس >> طبعا رشود عرف انه بتكون وحده من ربع مثايل فراح يبي يفتح الباب الا تنطله مثايل )
مثايل : رششود قرر مكانك هاي ربيعتي عبوود روح افتح الباب
رشود : خربتي علي مالت ع ويهج >> تعالي بقولج شي
مثايل : انقلع بس >> شتبي ؟
رشود : منو الي يات اول وحده
مثايل : وانت شتبي فيها !
رشود : بسرعه قووولي
مثايل : هذي شوق
رشود : اها
( راح عبود فتح الباب )
البنت : هلا عببود شحالك
عبود : اهلين تمام > ربعج فالميلس
البنت : دووم > اوك
( راح عبود وصلها الميلس ورشود حضرته يطالع من دريشه الصاله )
مثايل و شوق : هلا مشاعل نوتي
مشاعل : اهليين حبيباتي ادري اني منووره هع
شوق : موولت بس
( قبل مايتعشو البنات راحو دقو ع جواهر لنها مايات وقالت انها ماحصلت حد يوصلها و مابتي وبعدين راحو يتعشى و قعدو مع بعض > وشوق طول الوقت مشغول تفكيرها باخو رشود اخو مثايل ووايد كانت تسرح )
_________________________________________
يا ترا شو راح يصير مع مهره وفطوم ؟؟
وشو بيصير مع شوق و راشد ؟؟
كل ها بتعرفونه فالبارت الرابع > ترقبوني 

رد: خبآڶ فآلمدرڛہۧ .. مصآيب فآڶجآمعہۧ .. مشآڪڶ فآڶبيت .. } ۈآڶحياهہۧ { » تمشي

( البارت الرابع )
صوب خلوف وحرمته ( هنادي )
( هالثنين يحبو بعض وايد بس دوووومهم يتضاربو )
الساعه 5 العصر
خليفه : هنادي ييبيلي كندورتي بظهر مع ربعي
هنادي ( وهي اطالعه بنظرات احتقار ) : انزين ...
خليفه : شفيج اطالعيني جيه قلت شي غلط انا ؟
هنادي : لا سلامتك > بس انت وايد تقعد وياي واتظهرني اكثر من ما تظهر مع ربعك ( وهي تقصد العكس وهو فاهم الي هي تقصده )
خليفه ( وهو يبي يقهرها ) : تراني 24 ساعه مجابل ويهج لازم اغير جو
هنادي : ع الاقل ويهي احسن عن ويهك >> شف شف شكلك انت بس
خليفه : لا تاخريني بسرعه ييبي مب متفيجلج !!
( هنادي وهي مهصبه راحت ويابتله كندوره > وهو لبسها وطلع مع ربعه وماسوالها سالفه )
الساعه 6
( بعد ما هدت هنادي لنها كانت حدها مفوله > راحت عن عمتها الي هي ام ريلها )
هنادي : هلا عمووه
عمتها شيخه : اهلين بنيتي تعالي حياج
هنادي : قريب عموه
( وقعدت هنادي تسولف ويا عمتها وشوي تدش خلود ويا اخوها سواف )
الساعه 8 ونص
سواف : هلا هنادي شحالج
هنادي ( طبعا هي عادي ترمس سواف لنه اصغر عنها ب3 سنين ) : اهليين سواف
سواف : قومي تطلعي ويايي عازمنج ع العشى ؟
هنادي : ممم فاي مطعم .؟
سواف : مابخبرج قومي اذا تبي
( هنادي كانت تبا ادق ع خلوف عسب تقوله انها بتطلع ويا سواف > لكنها تذكرت الي صارت وعاندت )
هنادي : اووك :P
( راحت هنادي طلعت ويا سواف وتعشو بعد ماخلصو رجعت البيت )
الساعه 10
( هنادي دشت البيت وشافت خلوف راجع قبلها )
خليفه : وين كنتي حضرتج ؟
هنادي : مايخصك
خليفه : لا والله وصارت ترد بعد !!
هنادي : انت تظهر وتروح وترجع وماتقولي وين رايح
خليفه ( وهو يصرخ فويهها ) : لا والله الحين صرتي تقارنيني فيج > ويين كنتي انشالله ؟؟
هنادي ( وهي خايفه ) : كنت رايحه اتعشى
خليفه : ررحتي وييا منوو ؟
هنادي : اخوك سواف
خليفه : وتطلع بددددون اذنبي بعد
هنادي ( والدموع فعينها ) : اسفه
خليفه : صيحييي بعد صيحي !! انا متزوج ياهله شوو كل ماقلتلج كلمه صحتيلي
( هنادي ماقدررت تتحمل كلامه وانفجررت صياح )
خليفه : انا ماقلتلج جيييه عسب تزييدييين صياحج > ناقصنج انا الحين بعد!!
_____________________________________
ف BBM
مهروه( ع اساس انها عبدالله ) : هلا حبيبي اشتقتلج
فطوم : موبي ارمسك زعلانه 
مهروه : شفيج حياتي ؟
فطوم : انت ماتهتم فيني ولا تسئل عني
مهروه : خلاص فديتج اوعدج من اليوم ورايح راح اهتم فيج اكثر عن قبل
فطوم : جد ؟
مهروه : هييه لبى قلب الزعلانه انا
فطوم : كلي لكك فدوه
مهروه : :*
فطوم : عبود ابا اقولك شي بس مب عارفه من وين ابدا
مهروه : قولي قلبوتي
فطوم : انزين عطني رقمك عسب اعرف اقولك
مهروه ( وهي متوهقه !! ) : لا حبيبي خايف عليج عن يدرون حد من هلج
فطوم : عبود محد بيدري عطني رقمك
مهروه : وبعدين اصلا انا مب قاعد بروحي عندي ربعي عاطنهم طاف وارمسس الحب 3>
فطوم : يعععني انت الحين مخلي ربعك وترمسني انا !!!
مهروه : كل وقتي لج
فطوم : عبود انا .. انا ...
مهروه : شفيج بيبي قوليلي
فطوم : انا حبيتك عبود احبك احبك
مهروه ( مستانسه لنها قدررت تلعب على فطوم ) : وانا احبج من زمان لبى روحج
فطوم : أبيييك دوم وياي مابييك تفارقني ولا لحظه 
مهروه : انا موجود > وراح اوقف معاج فالحلوه والمره
_______________________________________
فالسكول فالفسحه صوب شله العنود
( طبعا كل الكلاس يظهرو فالفسحه وشله العنود من عيازتهم ماقدرن يطلعن وقعدن ورا ف الكلاس )
مهروه : هههههههههههههههههههههههههههههه سوييييتها
العنود : شسويتي بعد -,-
شهد ( وأونها تتدلع ) : سو سويتي
مهروه : لعببت بفطووم لععب ههههههههههه
ساره : هههههههههههههه عاشت مهاري
العنود : شتقصدين ؟
مهروه : تميييت ارمسها ليين ماخليتها تقوولي احبك
شهد : وهه يا قوويييييه ههههههههههه
العنود : وشوووو قالتلج و شسمه بشوو رمستيها ؟ وكيييف بترمسينها بالفوون ؟
مهروه شوي شوي علي حبه حبه >> تميت العب عليها وهي مصدقه ورمستها بالبي بي مال اخوي الصغير ع اسايس اني ولد > و ارمسها صووت بصوت خليها علي هذي
ساره : هههههههههههههههه وربي انج مينونه هههههههه
العنود : تنظقي شبتسويييين ؟؟
مهروه : يوووه تراج وايد تسئلي طفرتيني بتعرفي كل شي بعدين >> ساروه قومي نظهر ( وهي تغمز لساره بس محد انتبه لها )
ساره : اوك
العنود : ونحن انشالله 
ساره : قري مكانج
شهد : مولت عليكم
( طلعو ساره ومهروه يتمشون فالساحه )
مهروه : أقلج ساروه !
ساره : هلا ؟ شو وراج ؟
مهروه : تعرفي البويه الي مسميه عمرها فهود الي صف 12 !!
ساره : هيه اعرفها بلاها ؟
مهروه : انتي ترمسيها ؟
ساره : هي عندي فالمسن بس مارمسها وايد وويع مالت عليها و ع الي مثلها
مهروه : عطيني ايميلها !
ساره : ليش شتبينه ؟
مهروه : عسب اخليها ترمس فطوم ع اساس انها ولد !!
ساره : لالا يبه يبه شتبين فيها انا عندي لجج فكره
مهروه : وشو فكرتج ؟
ساره : في برامج تنزلينها فالفون تخليج تقدرين تغيرين صوتج لما ترمسين فالفون !
مهروه : هيه ادري بس مافيني ع البرامج
ساره : انزين اعرف بنت صوتها شرات صوت الشباب مرره !!
مهروه : منوووو هالبنت !!
ساره : تعرفين في وحده اسمها نور من صف 11 !!
مهروه : هييه اعرفها وارمسسها فالمسسن !!
ساره : عيل خلاص اتفقي وياها !!
( وشوي ودق جرس بدايه الحصه الرابعه وراحو للكلاس )
_______________________________________
صوب رشود
( رشود كان قاعد بروحه فالصاله فبيتهم وفججأه ياه اتصال من رقم غريب )
رشود : ألو !
البنت : مرححب
رشود : منو معاي ؟
البنت : انا الي رقمتها ذاك اليوم ف **** مول
رشود : انتي شوق ربييييييييعة اختي مثايل ؟؟؟
شوق : شووو انت الي فتحت عني الباب ؟؟؟ انت اخو مثايل ؟؟؟
( كانت شاكه بس ماتوقعت انه هو نفسه لو كانت تدري كان مادقت )
رشود : هييه
شوق ( وهي منصدمه ) ماتوقققعت اببد
رشود : طلعتي حقيره ونذله
شوق : ليش انشالله شسويت انا
رشود : لا والله يعني ماسويتي شي !! وتلاحقي ربيعي طول الوقت وكل ها وماسويتي شي !!
شوق : ولا تنسى الي انت سويييته رححت عن ربعك عسب ترقمني
رشود : سييري لاه انا رحت عنهم عسب اروح الحمام مب عشانج !
شوق : انزين شفيك ليش معصب وهذي اول مكالمه بينا !
رشود : وراح تكوون اخر مكالمه > ماكنت ادري انه اختي ترابع هالاشكال
شوق : وانا ماكنت ادري انه خوان ربيعتي مثل هالاشكال
رشود ( من هالكلمه حس جنه سهم قطع قلبه وماعرف بشو يرد عليها )
شوق : رشود خلاص اوش بلا هالكلام الفاضي وانا خلاص مابسسوي هالشي مره ثانيه 
رشود : وانا خلاص مابرقم وبودر هالسوالف !!
______________________________________
يا ترا شو راح يصير مع هنادي وخليفه ؟؟
وشو راح تسوي مهروه بفطوم و ويين بيوصلو ؟؟
وشو راح يصير مع شوق ورشود ؟؟
كل ها بتعرفونه فالبارت الخامس ترقبوني ^_*

رد: خبآڶ فآلمدرڛہۧ .. مصآيب فآڶجآمعہۧ .. مشآڪڶ فآڶبيت .. } ۈآڶحياهہۧ { » تمشي

قريت البارت الاول و الثاني
ولي عوده لتكملت البارتات
الله يعطيك العافيه
استمري متابعينك ..

رد: خبآڶ فآلمدرڛہۧ .. مصآيب فآڶجآمعہۧ .. مشآڪڶ فآڶبيت .. } ۈآڶحياهہۧ { » تمشي


الله يسعدك يارب , الشخصيات واجد من جد , بس بالبداية بتلخبط وبعدين بعرف ,

أنا قريت البارت الاوول , وجاري اكمال القرائه ياعسسل ,,

وبكون متابعه لك بارت بارت بإذن الله ,,

واتمنى تطلعين على القضايا أمكن تفيدك بحاجة يالمزيونة ,,

إلى كل كاتب يريد التميز

والرواية حبيتها من البدداية يابهجة الدنيا ,,

^,^

رد: خبآڶ فآلمدرڛہۧ .. مصآيب فآڶجآمعہۧ .. مشآڪڶ فآڶبيت .. } ۈآڶحياهہۧ { » تمشي

ججججججميلةة حجد