ادري في حقك قسيت
ادري اني انسان قاسي
لا تجامل لا تواسي
انا اعرف نفسي زين
اجرح و اترك ورايا
و اتناسى عن خطايا
سامحيني لو اخطيت
او جرحتك او جفيت
او زعلتك في يوم
صدقيني من هموم
في قلبي اجبرتني
و ضيقت روحي معاها
انا ما اشكي همومي
لأجل ما اضيق عليك
و انا حتى لو حكيت
اللي بقلبي و شرحت
من بدايتها بكيت
كيف اقول انني انجرحت!
ماهو منك ياحياتي
من-غرام(ن) من زمان
يوم حسبته كل مناتي
داس على قلبي و هان
هانت ايامي معاه
وهانت الصدفه العجيبه
يشهد الله ما ابغاه
و لا ابغى طاري يجيبه
جرحني و الدمع سال
حسافه كل دمعه عليه
ما سأل كيف الاحوال
ولا قلبي تطمن عليه
هذه طبوع كل محتال
يعلق قلب ثم يخليه
بالهوا مسكين الحال
و بالحنين ضايقه فيه
دنيته في كل حال
ما يبي منهو يبيه
يبي اللي بالهوا
علقه و صار مغليه
حسافه الناس ما ترحم
قلوب غيرها و احساس
حزين(ن) فاضت احزانه
غريب عايش مع الناس
انا ما اطول عليك
ي الهاجريه اسمعيني
كل شخص تولع فيك
لا تقولي بروح و يجيني
كبرياء الحب ما يسمح
يضيق بخاطره ويموت
تنزل دمعته ويمسح
ساكن بوسط تابوت
ماحد(ن) درا بحاله
و ماحد(ن) وياه تكلم
يردد دايم لحاله
حبيبي تركني بألم
راح ثم قطع وصاله
و قلبي من الحب تعلم
ان القلوب الصافيه
بها الزمن لازم تروح
و ان القلوب الجافيه
تداوي علة المجروووح
أمQ8ون
وسلامة نبضكم