تويت
@^ياسري يالي بهرجه فتني^@
عشاق القصيد ياهلا ومرحبا فيكم وكل عام وأنتم بألف خير لعيونكم هذه القصيدة ان شاء الله تعجبكم وتنال قبولكم
والمعذرة عن القصور لكم شكري مقدما
ياسري يالي بهرجه فتني
يالي خذيت القلب من بدة الناس
وش عاد باقي ماخذيتاه مني
قلبي وروحي والمشاعروالأحساس
شاعرواغني ليك طواريق فني
قصايد من دم قلبي بقرطاس
امرتدلل وانقل العلم عني
خذ ماتبي من حب ياعذب الأنفاس
مني عطا كل العطا دون مني
ياماعطيتك بالهوى دون مقياس
مثل النجوم الي تسامرك كني
اسهر وليلي ماتهنيت بنعاس
عاد انت يومك بالبخل ممتحني
تبخل بوصلك والمعاليق يباس
قلي وش الي يمنعك يامظني
عطني معاذيرك وانا اقول لاباس
تعال كانك للمواصل تحني
كان على قولك شفوق وحساس
ترا المواصل مايجي بالتمني
راعي التمني شف مرده للأفلاس
بقلمي
رفيق الليل
تحياتي
تعليق