تويت
اشتاق لك
أشتاق لك في كل الايام واهواك
***** واكثر نهار العيد شوقي لك يزيد
تتدافق اشواقي مع الحب للقاك
***** واذا لقيتك كل الايام لي عيد
من لحظة عيوني تعانق محياك
***** القى بها للعمر فرحه وتجديد
كنك سكبت بمهجتي ذوق رؤياك
***** انسى معها كل ضيقه وتنهيد
وان قلت لي يا مرحبا الساع حياك
***** كل الحكي يصبح قصايد وتغريد
واطير بحلامي في افاق دنياك
***** أماري القمرا واماري بك الغيد
وان لامني عاذل اهيم بسجاياك
***** واقول يا عذال ماعاد بالإيد
حبه تمكن من جنوني والادراك
***** لو لا وفاه ان كان هجيت في البيد
ما عاد به عندي بها الكون يسواك
***** غالي وانا غيرك من الناس ما ريد
حبك عصمني عن هوى الغير وفداك
***** لو ضاع عمري من لقا العيد للعيد
عبدالله صالح العمري
تعليق