تويت
[/IMG]كيفكم اخباركن يا حلوات ..,؟؟
هذا يوم الجمعه كونت طفشانة حيلات ,,!
وكان علي اختبار وامي كل ماشافتني تقولي روحي ذاكري ..!
فقلت خن اروح احوس بالمطبخ لان هذا المكان اللي اذا ماما شافتني فيه ماتقولي
روحي ذاكري هههههاي ..,
فقلت خن اليوم انا اسوي الغداء ..,
وجاء فبالي اسوي بروستد لاني احبه حيلات ..,
وبسم الله نبدأ ,,
الخطوات /
1- أول شي نقطع الدجاج قطع صغيرة ونغسله ونفوره بالماي لين ما يستوي.
2- نخلط : ( ثوم مطحون + عصير ليمون + م صغيرة نشأ + م طعام زيت زيتون +ملح +فلفل اسود + بهار + ملعقتين طعام زبادي+ شوي شطة ) .
وندهن قطع الدجاج بالخلطة , ونحطه بالثلاجة مدة نص ساعة .
طبعا في هالنص ساعه دي دخلت امي علي وشافتني وتفاجئت
ها وش صاير بالدنيا ريم تطبخ ههههاي يالله الله يغير ولا يتغير ..,
وبعديها
3- نجهز الاتي :
بيض نخفقه مع شوي حليب + كورن فلكس نفتته شوي + طحين مع شوي نشأ وبهار.
4- نطلع قطع الدجاج من الثلاجة , نحطه قبل ع الطحين وبعديها في البيض وبعديها بالكورن فلكس.
ونصفهم مع بعض , وعاد هالمرة نحطه بالفريز عشان يتماسك مدة نص ساعة .
وطبعا النص ساعه دي رحت وقريت شوي من الانجليزي
5- وبعد ما نطلعه من الثلاجه , نقليه في زيت غزير وساخن , بس يحمر نطلعه,
ما يحتاج كتير لانه الدجاج مستوي , بس عشان يحمر الكورن فلكس شوي .
وهدا شكله بعد ما قليناه , ويقدم مع البطاطس وبالهناء والعافية ,,
وهادي الصور,,
طبعا الصور كبيره حيل بس ما اعرف اصغرها..!
[IMG]
[/IMG][IMG]
[/IMG]وطبعا كان هدا اول مره اسوي طبق رئيسي والحمدلله اعجب اهلي حيلات..
*ملاحظة / تقدري تجهزي الدجاج والخلطه كوولها قبل بيوم ويكون احسن وتاني يوم بس تطلعينه وتقلينه ..
يالله مع السلامة وفي حفظ الرحمن
.
تعليق