المعلومة الأولى:


متى نحط الهمزة (ء) على الالف؟

نأخذ مثال على كلمة (انشراح)
هذي الكلمة نكتبها بهذا الشكل بدون همزة
لكن ممكن أن نكتب الهمزة إذا كانت الكلمة اسم لشخص
وطبعا أي اسم لازم نحط عليه همزة مهما كان ومانطبق عليه الطريقة اللي راح تعرفونها. لكن نطبق الطريقة على الأفعال فقط.

الطريقة هي نضيف حرف الواو أو حرف الفاء قبل كل كلمة
وننطق الكلمة مع الحرف اللي أضفناه يعني لو ننطق كلمة (وانشراح)
لو تلاحظون مانطقنا حرف الالف وإذا مانطقناه مانكتب الهمزة.

لكن لو أضفنا الواو أو الفاء على كلمة (إدمان) تصير (وإدمان)
لو تلاحظون نطقنا الألف مع وجود الواو وإذا نطقنا الالف نكتب الهمزة.
__________________

المعلومة الثانية:
متى نحط النقط على التاء المربوطة في اخر السطر؟

نأخذ مثال على كلمة (مدرسة) ومن المعروف أن هالكلمة تنتهي بتاء
مع أننا لو نطقناها ماراح ننطق التاء اللي في الاخر لكن راح ننطقها هاء

لكن لو أضفنا بعد كلمة (مدرسة) كلمة ثانية مثل (مدرسةجميلة) راح ننطق التاء

والخلاصة هي: إذا احنا شاكين في كلمة هل هي تنكتب بتاء مربوطة أو هاء نضيف بعدها كلمة ثانية
وإذا نطقنا التاء تكتب تاء مربوطة وإذا مانطقنا التاء تكتب هاء