((( مليون حاجه )))

الشعر لاقلته رفاهه وتعبير ******** اشرح هموم الذات حين اهتياجه

ماجيت اكابر فيه بين الجماهير ******** ساكن طباع ولا عشقت اللجاجه

شاعر واحلق مثل مايحلق الطير ******** لامن تعلى يستقر اندماجه

لاما حسدت ولا تشفيت بالغير ******** مالي ومال اليعربي والغواجه

مليون حاجه يشغلن التفاكير ******** ولا تهيت كان عديت حاجه

ياكثر ماجتني وراحت مشاوير ******** وناتج نتاجات المتاعب سماجه

زرعت بدروب الاماني نواوير ******** لكن لقيت الياس يعصف عجاجه

بعض الجروح اليا تداوت بتخدير ******** ماكان مجدي بالتداوي علاجه

مايرمي العاقل حجر لا ورد بير ******** قد قيل ماهذا يكون انتهاجه

ولاهي مزاجيه اكرام المناعير ******** محدن كسب طيب برواقه مزاجه

يضحك حجاج اللي فعل للملا خير ******** ماينعقد بعيون مقبل حجاجه

لاشانت الدنيا وهبت معاصير ******** بيت المعزه مايطفي سراجه

عندك خبر يرميك سهم المقادير ******** لاجاك مرسل ماتقيك انعراجه

لاصرت متكبل بقيد المعاسير ******** الله ماغيره يجيب انفراجه

سبح باسم ربك وهلل له اعصير ******** وقبل انبلاج الفجر والفجر ناجه

يغنيك عن كثر التعب والمخاسير ******** يوم اللقا لحظات هول المواجه




تقبلو تحياتي

اختكم / المميزه