الكلمات........‘‘

دقت علي يا صاحبي قبل يومين
.......................... بنت بلاها الله و جت تبتليني
قالت سلام الله و جاوبت ب اهلين
.......................... قالت وش أسمك قلت خير أمريني
قالت علامك يا صبي خاطرك شين
.......................... قلت الله أكبر ويش بينك و بيني
قالت سوالفكم ب الأول ثقيلن
.......................... من بعدها قلبك معايا يليني
ثم اتمنى دقتي ي المسيكين
.......................... في كل ليله ساهرن تحتريني
قلت اسمعيني و افهمي مقصدي زين
.......................... اتصلي ب غيري ولا ترتجيني
اللي على بالج تراهم كثيرين
.......................... للي مثل شرواج متشفقيني
عز الله انج واجد اللي ب تلقين
.......................... صكي تيلفونج ولا تزعجيني
قالت قصيدك ب الغزل جبته منين
.......................... واللي تقوله بين حين و حيني
قلت الشعر قدام عيني بساتين
.......................... اقطف زهوره و اهدي السامعيني
ماهو ب شرط احب ضمن المحبين
.......................... لو قلتي طال البعد يا نور عيني
ولو قلت بعدك زود الماء على الطين
.......................... كله خيال الشعر ل متابعيني
لو ماتوا الأبطال ب الفلم حيين
.......................... و الشعر فلم ل صأحبه صدقيني
يا بنت ياللي ب المحبه تسلين
.......................... وش فايدة لعب الهوى فهميني
دام الأساس الكذب من بين الأثنين
.......................... مهما يطول الوصل متفرقيني
ابنصحج لله مادام توحين
.......................... ترى البشر لو طولوا راحليني
تغانمي وقتج قبل موتج يحين
....................... في طاعة الله وبرضا والديني
صكت ولا دقت من النصح للحين
.......................... و يا لله عسى جوالها ما يجيني



ان شاء الله ترتقي لذائقتكم"
تحياتي.." هيونهه