تويت
ملكت القلب واحساسي وحبك زلزل اركاني..
ماحد قبلك ولا بعدك قدر يسكن بوجداني
عليم الله محد قبلك ولا بعدك شغل بالي
تعال وحس باللهفة ونار الشوق تصلاني
تعال اسمع صدى حبي اذا غنيت موالي
انا يادنيتي مقدر افكر في احد ثاني
ولا غيرك يسليني ويسعدني ويحلالي
ملكت القلب واحساسي وحبك زلزل اركاني
فداك القلب واحساسي فداك الروح ياغالي
على هونك ترى قربك من العلات داواني
على هونك ترى بعدك يخلي الدمع همالي
هجرت القاصي والداني وصالك عنهم اغناني
تبدل كل ما فيني وجودك بدل احوالي
منعت الشوف عن غيرك عميت وطيفك اعماني
زرعتك حب في جوفي وحبك جدد امالي
اجيك اشعار كاسيها..غزير الشوق وجناني
تجيني طيف واذوقك شعور احلى من الحالي
اجي نابع من احساسي واجيب الشوق برهاني
تجي صورة من احلامي وتسكن قلبي الخالي
اذا جيتك بحر طافي تجي لولو ومرجاني
واذا جيتك نهر صافي تجي بستان في جالي
دخيلك يالغلا كله لاتهجرني وتنساني
انا ميت على شوفك وسم العشق قتالي
انا عايش معاناتي عذاب الحب عناني
كفاية لاتعنيني وتشغل فكري السالي
ماراق لي
تعليق