سورية المجد
اهداء الى احبابنا في الشام

هي مسألة وقت .. يا اهل الشام لا اكثر
***** ويحقق الحر .. كل اللي تريدونه

مطلبكم اثنين .. والاثنين ما تخسر
***** الحسنيين النصر .. أو موت ترضونه

وانتم لها كلكم .. فرسان ما تقهر
***** في عزمكم زلزلة .. للظلم وحصونه

ما دام والطفل .. فيكم للملاحم كر
***** به عزم (خالد) .. وكل اعداه يخشونه

ونسائكم .. واحده عن الف وثنىعشر
***** في جيدها تحفظ الناموس وتصونه

ما يضركم من خذلكم .. عمد أو قصر
***** يكفيكم الله .. ما تبغون من دونه

والنصر قادم .. على الاعناق يتبختر
***** له ريحة المسك .. من دم(ن) سكبتونه

نصرن مؤزر .. ينكل كل باغي شر
***** ويعد لذاكره .. مجدن تحبونه

مجدن على كل ماجد ساد وتصدر
***** ماذنه في اروبا تصدح لحونه

كل ما يقول المنادي الله و اكبر
***** صارت عقول الاعادي شبه مجنونه

وعقبالكم يا عباد الله .. جيش الحر
***** على يديكم تحرر كل مسجونه

وسوريا المجد والتاريخ والمحشر
***** مهد الحضارات سور العز وركونه

من كل الاوغاد والانجاس تتطهر
***** ويغرد الطير بين غصون زيتونه

وتعود حره وامتها بها تفخر
***** من قاصي الشرق لين اعماق لشبونه


عبدالله صالح العمري