السلام عليكم ورحمة الله وبركاته
هذي روايتي الثانية أسمح لكي حبيبتي بنقلها ولكن باسمي ((ملاك الكون))
*************************
•الشخصيات:
ابو نايف
1 الأب: عبدالعزيز عمره 50 سنه محبوب عند الكل ويحب إخوانه كلهم يشتغل مهندس معماري وهو أول المهندسين الماهرين في الخبر
الأم: سماهر عمرها 49 سنه تحب زوجها وعيالها ومتعلقة في ملاك كثير وعصبية وقت الجد وتشتغل مع مثايل هي المشرفة على الجمعية
نايف عمره 33 سنه يشتغل دكتور ومتزوج من بنت خاله هنادي وله ولد اسمه((عبدالعزيز)) مملوح وطيب متزوج بنت خاله عن حب
سعود عمره 30 سنه يشتغل ضابط وسيم بالمرة يعني ((مزيوووون)) وقلبه طيب يحب الرومانسية يهوى القصيد ويعشق ركوب الخيل مغرور وبنفس الوقت غيور لدرجة تموت ومطيح بنات الشرقية بجماله
رانيم عمرها 27 سنه تدرس في كلية الحاسب لأنها تعشق الحاسب مملوحة وهادية رومانسية تحب سلطان وتعشقه بجنون
نواف عمره 24 سنه يدرس في ثالث جامعه في كلية الطيران مملوح يهوى الصيد يحب الكرة القدم بجنون يحب شذى وميت عليها
ريما عمرها 19 سنه تدرس في ثالث ثانوي مملوحه تحب الرومانسيه درجه ثالثه شي واحد حلو فيها كلامها الرومنسي فرفوشه وطيبة هي القريبة لملاك أكثر وهي العقل المدبر الثالث بالبيت
ليلى عمرها 16 سنه اول سنه لها بالثانوية تحب الهبال والهسترة ودايما مع شلة ريما وملاك مملوحه وشقية راعية لعب مو طبيعي والعيال دائما تهبل فيهم

أبو تركي
الأب: فيصل عمره 49 سنه وسيم وقلبه طيب ويشتغل ضابط عصبي في الجد جد وفي وقت المزح مزح متعلق بملاك كثير ويحب عياله كثير وخوانه ومرته اهم شي بحياته
الأم: مناير عمرها 48 سنه حلوة وطيبة أهم شي زوجها وعيالها تشتغل في جمعية خيرية للنساء هي المديرة
تركي عمره 33 يشتغل مهندس معماري متزوج من بنت عمه بحب أميرة له بنت وولد الولد ((فيصل )) والبنت ((ملاك)) عصبي وقت الجد وطيب وسيم درجه خفيفه متعلق بأخته ملاك ويحبها بجنون

أسيل عمرها 30 سنه تشتغل في كليه الحقوق طيبة ورومانسية ودائما هي القريبة لملاك ومخطوبة لولد عمتها زياد
سلطان عمره 27 سنه يدرس في كليه الطب وباقي له سنه ويتخرج ووسيم مثل ابوووه ومطيح نص بنات الشرقيه . دائما يحب يهبل بملاك يحب رانيم ويعشقها بجنون
شذى عمرها 24 سنه مملوحه تدرس في ثالث جامعه لغة انجليزية واحلى ما فيها جسمها وصوتها هي العقل المدبر الثالث بالبيت ورومانسية درجة ثانية ومطيحة نص شباب الشرقية بكلامها وتحب نواف بجنون
ملاك وما ادراك ما ملاك عمرها 19 سنه اخر سنه لها بالثانوية حلمها تكون دكتورة هادية ناعمه وطيبة وفرفوشة ورومانسية درجة اولى وهي العقل المدبر الثانيومطيحة شباب الشرقية بجمالها وكلامها
طلال عمره 16 اول سنه له بالثانوي وهو ماهر في المقالب مملوح ومجنن عايلته يعشق انواع الرياضه وماهر فيها وحلمه يطلع رياضي مشهور في فريق الهلال او المنتخب السعودية
ابو سالم
الأب: مساعد عمره 44 سنه يشتغل في التجارة همه الفلوس وبس
الأم: عبير عمرها 42 سنه جنيه وحيه من تحت تبن ودائما توسوس في راس زوجها بالفلوس
سالم عمره 29 سنه يشتغل مع ابوه في التجارة ولعاب وكل شوي مع بنت شوي مملوح((مو ذاك الزين ))
خلود عمرها سنه تدرس في كلية اللغة العربية26 مملوحه تحب امير بجنون وتكره ملاك لانها اجمل منها

ابو مشعل عبدالرحمن 33 سنه طيار متزوج من بنت خالته اسماء عن حب وله ولد وبنت الولد ((مشعل16)) والبنت ((رنا16)) تراهم تؤام يحليلهم

ملاحظة: تحسون ان ابو تركي وابو سعود اولادهم كبر بعض لانهم متزوجين في نفس اليوووووم فيه شخصيات ما عرفتكم عليها بس مرووووور الرواية راح تتعرفون على الشخصيات بالتدرج

^^البارت الأول^^
كانت جالسه بغرفتها ومتسطحه على سريرها تتامل بالسقف وعيونها تدور بين أنوار الغرفة كان الهدوء يعم أرجاء غرفتها وبعد الهدوء غمضت عيونها وصارت تفكر كيف راح تكون حياتها هي تعرف ان سالم ولد عمها يحبها وهي ما تحبه ولا تبيه بس هو قالها انك لي وما راح احد ياخذك مني ياملاكي قالت بينها وبين نفسها<<والله لو بقى بدنيا واحد غيرك ما اخذتك يا سويلم> وبعدها النوووووم صار يتسلل لاعماق عيونها ونامت وكملت أحلامها الوردية البريئة
^^^^^^^^^^^^^
تحت كانت العايلة جالسة ويسولفون ويضحكون فجاة عم الهدوء وصار تركي يدور بعيونه اخته ملاك.
وسال تركي شذى/ملاكي وين؟
شذى/فوق بالغرفة تلاقيها يا جالسة على التلفزيون ولا بهالجوال تطقطق فيه
سلطان/ ليه ما تجي تتفرج على التلفزيون اللي عندنا والا الجلسة معنا مو عجبتها
مدلعه تبي كل شي يمشي على هواها
ابو تركي/لا يا وليدي لا تقول عن اختك كذا هي الايام هذي مو على بعضها احسها فيها شي وما تبي تقوله لا احد
ام تركي /كلام ابوكم صح يا ولاد اختكم مو بطبيعية
طلال / يمه ملاك طوال الايام هذي ما تشوفينها شاقه هالفرة تضحك
ام تركي / ما تعرفون اختكم ما تبين لاحد انها زعلانه تخبي جروحها ورا الضحكه
تركي / يمه لا تخافين عليها انا رايح اشوفها
ترن ترن بهاللحظة دق جرس الباب راحت كيتي تفتحه الا اسيل داخله عليهم وهي كلها تعب
أسيل وهي تلهث من العطش/سلام
طلال يووووووم شاف شكل إخته كذا فطس ضحك ومن بين ضحكاته قال/شوفو شكلها كان احد لاحقها مو كانها جايه من جامعه
أسيل / ضحكت بلا سنون ان شاء الله لي ساعه وانا أحوووووووم مع هالسواق اللي فرقع راسي بقرقه
تركي/ وليه هالدواره المفروض من الجامعه للبيت
سلطان / كلام ترووووك صح
شذى/ أصغر عيالك هو تقوله تروووووووك
أسيل/ رحت لبيت عمي اخذ من ريما بنت عمي المواد اللي خذوهم اليوم
العايله كلهم مو فاهمين شي .تركي يتكلم وهو معصب / ليكون ما درست اليوم؟؟
ام تركي/ ايه يمه ما درست انا قلت لها تغيب حسيتها تعبانه وغيبتها وقلت لبنت عمك تكتب اللي عليها وهي تحضر دروسها حق بكره
ابو تركي وزاد خوفه على بنته /ملاك أكيد فيها شي أختكم لها ثلاث ايام مادرست
سلطان وبدأ الخوف على أخته حبيبته يتسلل لعروقه وهو ما بين لهم خوفه/ يبه الله يهداك يعني وش فيها ما فيها الا العافيه يمكن دلع بنات
$$$$$$$$$$$$$$$
فوووووووووق عند ملاك ما قدرت تنام من الالم اللي جاها فجاه قالت/{خليني اقوووووم يمكن من النوم} قبل ما تقوووم من سريرها اتصلت على ريما
والتلفون بدا يرن
ملاك/الووووووو
سمع سعود صووووت بحياته كلها ما سمعه صوت ناعم خلاه جامد مكانه/ هلا
ملاك سمعت صوت رجال صوته خلا كل عروووووق ملاك تجمدت والصداع شوي ويتلاشئ وقالت من يكون هذا من واولاد عمي/ابي اكلم ريما اذا ممكن؟
سعود/ من اقولها؟
ملاك/ملاك
سعودوعرف انه صوت ملاك قال بينه وبين نفسه<اسم على مسمى هذا صوتها كيف شكلها>/طيب لحظة
ريما وتوها تنزل من الدرج شافهاسعود. وقالها/رووووووحي بنت عمي تبيك
ريما/ منو من بنات عمي؟؟
سعود/ملاك
ريما/ يا حياتي والله مشتاقه لها
ريما وبلهفه لملاك/ هلا وغلا بصاحبة الصوت
ملاك بعصبية وبنفس الوقت مشتاقة لبنت عمها اللي لها ثلاث ايام ماشفتها/بدرررررري لو جلستي احسن
ريما/ والله توي نزلت وسعود هو اللي قالي
ملاك حست بشي يتجمد بعروقها/س س سعود هو اللي كلمني
ريما وهي فاسطه من الضحك على ردت فعل ملاك/يب وش فيك ترا عادي ما علق
ملاك وزاد الالم اللي تحس فيه وقالت بصووووت عصبي/ ضحكتي بلا سنووون قولي امين
ريما/امييييييين علي وعلى الداعين
ملاك/وربي احراج
ريما/ عادي عادي حصل خير
ملاك وزادت العصبية/ان شاء الله يدق واحد من اولاد خوالك وتردين عليه بطفاقتكي
ريما/ لا حرام عليك استغفري ... ملاكي صار الغداء بتغداء واكلمك
ملاك /بالعافية على قلبك
ريما/ وعلى قلبك تامريني على شي
ملاك/ لا ابي سلامتك
ريما/ باي
ملاك/ بايات
شوووي وقامت ونزلت من سريرها وكانت بترووووح تغسل الا بدا الم الصداع يمسكها وصارت الدنيا تدووووور فيها وجسمها يزداد المه وبدت بنوبة العطاس الحادة اللي عندها وصارت تمشي بخطوات ثقيلة الين ماوصلت عند الدرج وقعدت تناظر الا اهلها جالسين واضح انهم مستمتعين حاولت تمسك نفسها وتبين لهم انها ما فيها شي ونزلت
ملاك وهي تناظر الكل/ سلام
الجميع /وعليكم السلام
ما كانوا متاملين فيها كثير جلست جنب خواتها .وبهاللحظة تكلم تركي/ ليش ما درستي اليوم؟
ملاك وعيونها على الارض/ حسيت نفسي تعبانه وغبت
ما احد ركز عليها غير سلطان اللي شاف ملامح اخته واضح التعب عليها ولاول مرة يشوف وجه إخته ذبلان وتحت عيونها سواد خفيف وعيونها بدت تدمع وشعرها مربوط بإهمال وانفها فيه إحمرار ما قدر يتحمل يشوف إخته بها لحال.
تكلم بصوت خوف على إخته / ملاك فيكي شي
ملاك ياللي حست ان سلطان كشفها قالت/ لا ما فيني شي بس شوية صداع
بها اللحظة الكل بدا الخوف يدخل مستعمر قلوبهم وحسوا ان ملاك فيها شي بس تكابر ورا تعاليها وضحكتها ياللي تعودوا يشوفونها.حاولت ملاك تقوم نفسها من عندهم علشان ما يكشفونها البقية بس ما قدرت جسمها كل ماله يزداد الم وراسها بدا الصداع عندها مثل السكاكين قعدت على الفور ومن دون ما احد يحس حست برودة تجري باعماق جسمها.
قالت لشذى/شذوي حبيبتي خففي شوي من المكيف
شذى ياللي شكت من حالة اختها اللي مو طبيعية حبت تستهبل على اختها/ملاكوه تستهبلين المكيف اصلا ما شغلناه
ملاك اللي ما ركزت على كلام اختها وعلى قومتها تبي تروووووووح الا وهي يغمى عليها
الكل حس انهم مو قادرين يسووووووون شي شافوها طايحة عليهم
ابو تركي/ قلت لكم ان اختكم مو طبيعية

ام تركي/ياويل حالي بنتي وش صار لها
ابو تركي/ فيها شي انا متاكد؟
تركي/ يبه الله يهداك لا تخوفنا عليها زيادة اول شي خلونا نوديها للمستشفى وبعدها نشوف وش فيها
سلطان تكلم بصوت كله خووووف/وش تتوقعون فيها
الكل كانو منذهلين من اللي شافووووه سلطان اللي ما توقعوا يشوفونه بهالانكسار وبهالخوف اللي رف قلبه وخاصة على ملاك قالهم/لاتناظروني هذي اختي من الطبعي بخاف عليها
شذى/ يالله سوهارتو هذاهو واقف عند الباب
واخذوا اختهم وعلى طول لا قرب مستشف ودخلوها على الطواري
&&&&&&&&&&&&