تويت
شافوني أهله وماعجبتهم ..
مقدمه فراوليه وانا الف بالمنتديات لقيت موضوع من وجهة نظري انه مهم ..
ودايما يكون محور نقاش لي انا واللي حولي ..
فحبيت الطشه لكم ..
واتمنى تعطوني رايكم ..
كنت جالسه انا وصاحبتي ريم عند بوابة الجامعة ننتظر سيارتنا
ريم : ساره فيه احد شافك قبل
انا : لا كيف يشوفني
ريم : يعني شوفة خطبه
انا : لا كل اللي خطبوني يعرفوني من معارفنا ولو حنا وافقنا ما اظن بيجون
لانهم يعرفوني يمكن ولدهم يجي يشوفني << خليه يجيني الكفو وساعتها يحلها الحلال
انا : الا انتي ليش تسالين
ريم : قبل فترة ناس جو شافوني وبعدها ماتصلوا وقبلهم ناس
انا : وليش تخلينهم يشوفونك الشرع ماقال الاهل قال الولد بس
ريم : بس هذا حقهم بيشوفون زوجة ولدهم
انا : من قالك انه حقهم هم بيتزوجونك والا ولدهم
ريم : طيب كيف اقول لاتجون
انا : مدري
طلعت ريم وانا حاسه بجرحها بيني وبينكم ماكنت قادرة ارد عليها لكن حسيت الكلام يطلع من نفسه
,.......................................................,
ليه بنات الناس لعبه مشاعرهم لعبه حتى نجي نشوف وماتعجبنا
ونتركها من دون رد
ادري بتقولون هذا زواج لكن الولد ذوقه يختلف عن الاهل الاولاد يشوفون بنظره ثانيه
انا اذكر ايام ماخطبنا لاخوي كان يترجاني اني اروح اشوفها وكنت رافضة تماما
راحت الوالده وما عجبتها واسكتت وما قالت له شيء
قالت رح وشفها وبعدين قرر رايك انت الاهم لما شافها عجبته
اللي ابي اوصل له ان ذوق الرجل يختلف عن اهله
وبعدين مثل ريم لو كل من هب ودب شافها وش بيكون فيها برايكم ما راح تتعقد
انا لو بيصير لي اللي صار لها بانتحر
لاني ساعتها ما راح اقدر احط عيني بعين امي او خواتي او اخواني
وبعدين كيف اقول لاهل الرجل لاتجون خلو ولدكم بس يجي
ارائكم تهمني لاتبخلون علي فيها
اخيرا
سبحانك اللهم وبحمدك اشهد ان لا اله الا انت استغفرك واتوب اليك
مع حبي
تعليق