تويت
أنت العيد!بقلم الشاعر حسين الساعدي
أنت العيد
انت العيد وبكل يوم اشوفن بيك مصباحه
حرت شكتب الك بالعيد يروح العيد وافراحه
وحرت شهديلك أبهل عيد يابو اخدود تفاحه
أحس كل شي قليل اوياك يل ريحتك فواحه
حبيبي شوفت اعيونك تطيب قلبي وجراحه
وتنشف دمعة اعيوني وتخلي الروح مرتاحه
وترد البسمه لشفافي وقلبي ايبطل انياحه
أصيل وما اخاف اعليك رهيب وراهب الساحه
وياصياد ينظرلك يشك ابقدرة اسلاحه
ترهبه بنظره اعيونك يل نظرتك ذباحه
جميلك واصل الهل ناس كلها بيك مرتاحه
ويا منتدى تدخل له ابعطرك يهل قداحه
انت العيد كل العيد كل ايامه وافراحه
بقلم
حسين الساعدي
وكل عام والجميع بالف خير
تعليق