تعال وشوف كيف ان الغلا والله اتعبني..
خفوقي صار يفكر بك ولاكفاه تفكيره..
يفز الحشا شوقن على طاريك يسحرني..
ويفز القلب عشقن لو اني جبت لك سيره..
يضيع الحكي مني تعال بحب دورني...
انا بموت من كثر الغلا..والشوق ..والحيره.
ولكن شف رغم كبر الفضا ماعاد ياسعني...
واصغر همومي فبعدك بديت اشوفها كبيره..
انا جيت لك ضامي ولكنك تخيلني...
شربت العشق من قلبك وقلبك طحت في بيره.
الا ياقسوة غيابك..وش الي شاغلك عني؟؟
انا قلبي تعب والله من كثرة مشاويره..
تعال ولملم جروحي تعال بصدق بعثرني
وجمعني على ساعة لقا ولا على غيره..
يضيع القلب من صدري ولا غيرك مضيعني
وانا غير الحنايا داخلك ماشفت لي ديره.
احبك ضامين مجنون تعال بصدق قبلني
وخل الوقت يمشينا على كيفه وتفكيره..
ولملم باقي ضلوعي وقرب حيل واحضني...
وخل الورد من لهفة خفوقك ذابلن حيره
وطفي الشمع بانفاسك واهمس لي وعذبني
وغني لي على عود اللقا انشوده قصيره
والى منك على شوفك نسيت اللي بدر مني
كفايه نظرتك ليه تشيل همومن كبيره
بقلمي/توتا