تويت
دق هاجوس القصيد وهاجس الشاعر دعاه
ياهلا يامرحبابك ياهواجيس القصيد
يوم هاجوسي دعاني لازم ألبي نداه
مستحي لاأبطي صراحه ويتعنى من جديد
اه من همٍ بقلبي عذب القلب وكواه
والعلاج من المداوي في جروحي مايفيد
مايفيد بجرح قلبي لا الطبيب ولادواه
كل ماكل من علاجه جرحي بقلبي يزيد
واعنا قلبي من اللي حب قلبي واعناه
صابني مابين عين وبين خد وبين جيد
صابني في خرس والله لو تناظر بالصفاه
لو بها روحٍ بسيطه تنصدع مع كل حيد
وينصهر نص الجليد ويشرب العطشان ماه
ولو تناظر به دقيقه ينصهر كل الجليد
والسهوم أحيان تخطي مع صناديد الرماه
البلا من سهم عينٍ كل ماصوب سديد
لا إله إلا الإله اللي مكمل له حلاه
مأقدر أوصف جماله الوكاد إنه فريد
لو يشوفه شيخ زاهد مايعرف إلا الإله
راكع وساجد لربه مايشوف الغيد غيد
لو تبسم قدم عينه طاح مغشيٍ علاه
وإن صحى قدمه رقص كل شيطانٍ مريد
جعل من لام المحب يحب لو برر خطاه
لين يعرف كيف معنى كلمة الحب الزهيد
مبتلى والحب بلوى بس خلي وش بلاه
من غرامه خاف أموت ولابه محبٍ شهيد
لعنبوه أليا ذكرته قمت أهوجس بالصلاه
مابقى إلا أقول تكفى ياإمام الصف عيد
كثر طعونه بقلبي والصبر في منتهاه
وكل ماقلت اكتفى قال لي هل من مزيد
وبعد مده جاء يقول إني بسافر قلت هاه
قال أبى أسافر وأعوُد قلت يابوك استهيد
أبك لاترحل تراني مابقى فيه حياه
مابقى إلا هيكلي والدم وحبال الوريد
قال بس إسبوع وأرجع ثم سكت وقلت اه
والله إني ماتهنى وأنت عن عيني بعيد
قال تامر قلت لا لا .. لك فقط عندي وصاه
بس دق ولاتقاطع قال ماعندي رصيد
قلت لاتبخل بوصلك ياهوى القلب ومناه
لعنبوك أرسل عليه لو تجيني فالبريد
المهم إنه مصر وراح وعيوني وراه
راح ملعون الصلايب تاركٍ محبوبه وحيد
رغم هذا مانقص لو ربع ذره من غلاه
يكفي إني بانيٍ له بالحشى قصرٍ مشيد
يشبه لقصر الملك بس يفرق في بناه
الملك قصره بلك وقصره بقلبي حديد
ياهلا يامرحبابك ياهواجيس القصيد
يوم هاجوسي دعاني لازم ألبي نداه
مستحي لاأبطي صراحه ويتعنى من جديد
اه من همٍ بقلبي عذب القلب وكواه
والعلاج من المداوي في جروحي مايفيد
مايفيد بجرح قلبي لا الطبيب ولادواه
كل ماكل من علاجه جرحي بقلبي يزيد
واعنا قلبي من اللي حب قلبي واعناه
صابني مابين عين وبين خد وبين جيد
صابني في خرس والله لو تناظر بالصفاه
لو بها روحٍ بسيطه تنصدع مع كل حيد
وينصهر نص الجليد ويشرب العطشان ماه
ولو تناظر به دقيقه ينصهر كل الجليد
والسهوم أحيان تخطي مع صناديد الرماه
البلا من سهم عينٍ كل ماصوب سديد
لا إله إلا الإله اللي مكمل له حلاه
مأقدر أوصف جماله الوكاد إنه فريد
لو يشوفه شيخ زاهد مايعرف إلا الإله
راكع وساجد لربه مايشوف الغيد غيد
لو تبسم قدم عينه طاح مغشيٍ علاه
وإن صحى قدمه رقص كل شيطانٍ مريد
جعل من لام المحب يحب لو برر خطاه
لين يعرف كيف معنى كلمة الحب الزهيد
مبتلى والحب بلوى بس خلي وش بلاه
من غرامه خاف أموت ولابه محبٍ شهيد
لعنبوه أليا ذكرته قمت أهوجس بالصلاه
مابقى إلا أقول تكفى ياإمام الصف عيد
كثر طعونه بقلبي والصبر في منتهاه
وكل ماقلت اكتفى قال لي هل من مزيد
وبعد مده جاء يقول إني بسافر قلت هاه
قال أبى أسافر وأعوُد قلت يابوك استهيد
أبك لاترحل تراني مابقى فيه حياه
مابقى إلا هيكلي والدم وحبال الوريد
قال بس إسبوع وأرجع ثم سكت وقلت اه
والله إني ماتهنى وأنت عن عيني بعيد
قال تامر قلت لا لا .. لك فقط عندي وصاه
بس دق ولاتقاطع قال ماعندي رصيد
قلت لاتبخل بوصلك ياهوى القلب ومناه
لعنبوك أرسل عليه لو تجيني فالبريد
المهم إنه مصر وراح وعيوني وراه
راح ملعون الصلايب تاركٍ محبوبه وحيد
رغم هذا مانقص لو ربع ذره من غلاه
يكفي إني بانيٍ له بالحشى قصرٍ مشيد
يشبه لقصر الملك بس يفرق في بناه
الملك قصره بلك وقصره بقلبي حديد
تعليق