التين والرمان والخوخ والتوت
وخلاصة المنقا مع سنتر الشام
تذوب في ريقك وانا اذوب واموووت
لاسلهمت عينك على الخد سلهام
وافاق واشراقات وبحور واخبوت
في مقرن الحجه وفالرمش لاقام
تكفى قبل لاتفوت الايام وتفوت
الفرصه اللي ننتظرها من العام
ابغيك في ضمة غلا قبل لاموت
شفني دعست البيت والبيت ماقام
يتميز الفنان من خامة الصوت
وانا اتميز شعر واعيونك اللهام
في كل يوم اجيب لك نحت منحوت
والشعر كنه يقول قدام...قدام
والى خلطته.در..للولو..وياقوت
صدرك زبونه وانت حطيته اوسام
والا الغلا والحب مثبوت..مثبوت
مانيب بياعٍ ولافيه سوام
يامسويٍ قلبي على شكل ريموت
ووجهك محطاته وانا عيوني ابهام
ويش عاد تبغى جيتك من الغلا شووت
ماردني من دونك البعد والزام
وحلفت لك بايمان وبخوت وبشوت
وعهود حقٍ تلزم الطيب اللزام
شفني على طول المشاوير مفلوت
دمام دوحه دوحه بقيق دمام
بس الاحساء عايق ونكبه وعكروت
سويت فيه افلام ..وافلام..وافلام
اشارة الترحيل واشارة الكوت
قطعتها وانا احسب الشرطه انيام
واثر الحساويه على جنب وسكوت
في الفرت ابو لنبه وويلس وصدام
واربع قسايم بين جامه وكبوت
سرعه.وقطع انوار.وابريك .واحزام
كله على شان الغلا واسمك اللوت
لايابعد دانه وسوزان واريام
المشكله في بيتكم صرت مثبوت
امضيع..امغلط..معاذيري اقدام
ماغيراشيل اكروت واركب اكروت
وامك ودرتبي واعرفت كل الارقام
تقول ذا مجنون واقوول بموت
الا اني القا عندكم ستنر الشام